Давлатимиз раҳбарининг бевосита ташаббуси билан ўтказилиши анъанага айланган “Ёшлар куни” доирасидаги бевосита мулоқотлар ёшларнинг Ватан равнақи, унинг ёрқин истиқболи йўлида бирлашиб, барча соҳаларда фаол ҳаракат қилишга, юрт тарақиётига ўзини даҳлдор билишида муҳим аҳамият касб этмоқда.
30 апрел куни Ўзбекистон давлат санъат ва маданият институтида Олий аттестация комиссияси раиси А.Т.Юсупов ёш тадқиқотчилар билан учрашув ўтказди. Тадбирда олий таълим муассасаси раҳбарияти, 55 нафар илмий-педагогик жамоа, хусусан, 45 нафар ёш мутахассис-ўқитувчилар, докторант ва мустақил тадқиқотчи ёшлар иштирок этди.  
 
Олий аттестация комиссияси раиси А.Т.Юсупов ўз сўзида давлатимиз раҳбари томонидан Янги Ўзбекистонни барпо этиш жараёнида юртимизда Учнчи Ренессанс пойдеворига мустаҳкам асос қўйишда илм-фан, маданият ва санъат аҳлининг меҳнати ва фаоллиги муҳим аҳамият касб этишига алоҳида эътибор қаратдилар. Суҳбат давомида олий малакали илмий ва илмий-педагог кадрлар аттестацияси соҳасини такомиллаштириш, илмий фаолиятни қўллаб-қувватлаш, айниқса ёш олимларни, аёл-қизларни ҳар жиҳатдан рағбатлантириш борасидаги кенг кўламли ислоҳотлар ўз самарасини бераётганига алоҳида тўхталиб ўтилди. 

 
Очиқ мулоқот ва самимий руҳда ўтказилган учрашувда ёш тадқиқотчилар, илмий-педагогик жамоанинг олий малакали илмий ва илмий педагог кадрлар аттестациясига доир 32 та саволига расмий ҳужжатлар асосида тушунтиришлар берилди ва 1 нафар тадқиқотчининг илмий фаолияти юзасидан жойида услубий ёрдам кўрсатилди. 

ОАК Ахборот хизмати.