Ешпанов Исламбек Тохтарбаевичнинг 
фалсафа доктори (PhD) диссертацияси ҳимояси ҳақида эълон

I.Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Аудиторлик далилларни тўплаш ва умумлаштириш жараёнини такомиллаштириш”, 08.00.08 – “Бухгалтерия ҳисоби, иқтисодий таҳлил ва аудит”.
Диссертация мавзуси рўйхатга олинган рақам: B2023.4.PhD/Iqt3552. 
Илмий раҳбар: Қўзиев Исломжон Нематович, иқтисодиёт фанлари доктори, профессор.
Диссертация бажарилган муассаса номи: Ўзбекистон Республикаси Банк-молия академияси.
ИК фаолият кўрсатаётган муассаса номи, ИК рақами: Тошкент давлат иқтисодиёт университети, DSc.03/2025.27.12.I.23.05.
Расмий оппонентлар: Ахмеджанов Каримжон Бакиджанович, иқтисодиёт фанлари доктори, профессор; Маматкулов Муроджон Шукурович, иқтисодиёт фанлари доктори, доцент.
Етакчи ташкилот: Тошкент давлат аграр университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: аудиторлик далилларни тўплаш ҳамда умумлаштириш жараёнини такомиллаштиришга қаратилган илмий таклиф ва амалий тавсиялар ишлаб чиқишдан иборат.
III.Тадқиқотнинг илмий янгилиги қуйидагилардан иборат:
информацион-коммуникацион, ташкилий-методик ва технологик ресурсларни қўллаш орқали аудиторлик далилларни тўплашнинг ахборот таъминотини такомиллаштириш асосланган;
аудиторлик далилларини тўплашда таҳлилий амалларни қўллаш орқали аниқланган аудиторлик риски даражасига кўра текширув натижалари бўйича бошланғич, оралиқ ва якуний аудиторлик фикрини шакллантириш услубиётини қўллаш таклиф этилган; 
аудиторлик текширувида тўпланган аудиторлик далиллари бўйича аниқланган муҳим бузиб кўрсатишлар риски даражасини пасайтиришда стратификацияни қўллаш таклиф этилган;
хўжалик юритувчи субектларни ташкилий-бошқарув, ички назорат тизими, операцион ва молиявий кўрсаткичларига оид тўпланган далиллар асосида фаолият узлюксизлигини баҳолаш жараёнини такомиллаштириш асосланган.
IV.Тадқиқот натижаларининг жорий қилиниши. Аудиторлик далилларни тўплаш ва умумлаштириш жараёнини такомиллаштириш бўйича олинган илмий натижалар асосида:
информацион-коммуникацион, ташкилий-методик ва технологик ресурсларни қўллаш орқали аудиторлик далилларни тўплашнинг ахборот таъминотини такомиллаштириш билан боғлиқ таклифидан “Аудиторлик далиллар” номли аудиторлик ташкилотларининг ички стандартини ҳамда акциядорлик жамиятларининг “Ички аудит тадбирларини ўтказиш” қўлланмасини ишлаб чиқишда фойдаланилган (Ўзбекистон Аудиторлар Палатасининг 2025 йил 14 августдаги №53/НК-сон маълумотномаси, “Қуюв-механика заводи” АЖнинг 2025 йил 08 августдаги №05/414-сон маълумотномаси). Мазкур таклифнинг амалиётга жорий этилиши натижасида аудиторлик далилларини тўплаш жараёнининг пухта режалаштирилишига ва аудит иши сифатининг ошишига эришилган;
аудиторлик далилларини тўплашда таҳлилий амалларни қўллаш орқали аниқланган аудиторлик риски даражасига кўра текширув натижалари бўйича бошланғич, оралиқ ва якуний аудиторлик фикрини шакллантириш услубиётини такомиллаштиришга оид таклифдан таҳлилий амалларни қўллаш бўйича услубий қўлланмаларни ишлаб чиқишда фойдаланилган (Ўзбекистон Аудиторлар Палатасининг 2025 йил 14 августдаги №53/НК-сон маълумотномаси, “Қуюв-механика заводи” АЖнинг 2025 йил 08 августдаги №05/414-сон маълумотномаси). Мазкур таклифнинг амалиётга жорий этилиши натижасида аудиторлик текширувларида далил тўплаш жараёнида сарфланадиган харажатларнинг 10 фоизга қисқаришига эришилган;
аудиторлик текширувида тўпланган аудиторлик далиллари бўйича аниқланган муҳим бузиб кўрсатишлар риски даражасини пасайтиришда стратификацияни қўллаш услубиётини такомиллаштириш бўйича таклифидан “Аудиторлик танлаш” номли аудиторлик ташкилотларининг ички стандартини ҳамда акциядорлик жамиятларининг “Ички аудит тадбирларини ўтказиш” қўлланмасини ишлаб чиқишда фойдаланилган (Ўзбекистон Аудиторлар Палатасининг 2025 йил 14 августдаги №53/НК-сон маълумотномаси, “Қуюв-механика заводи” АЖнинг 2025 йил 08 августдаги №05/414-сон маълумотномаси). Мазкур таклифнинг амалиётга жорий этилиши натижасида аудиторлик танлаш кўламининг тўғри шаклланишига ва танлаш натижаларининг оптимал стратификация қилинишига эришилган;
хўжалик юритувчи субектларни ташкилий-бошқарув, ички назорат тизими, операцион ва молиявий кўрсаткичларига оид тўпланган далиллар асосида фаолият узлюксизлигини баҳолаш жараёнини такомиллаштириш билан боғлиқ таклифидан “Фаолиятнинг узлюксизлиги тўғрисидаги фараз” номли аудиторлик ташкилотларининг ички стандартини ҳамда акциядорлик жамиятларининг “Ички аудит тадбирларини ўтказиш” қўлланмасини ишлаб чиқишда фойдаланилган (Ўзбекистон Аудиторлар палатасининг 2025 йил 14 августдаги №53/НК-сон маълумотномаси, “Қуюв-механика заводи” АЖнинг 2025 йил 08 августдаги №05/414-сон маълумотномаси). Мазкур таклифнинг амалиётга жорий этилиши натижасида молиявий ҳисобот аудити якуни бўйича холис аудиторлик хулосасининг шаклланишига эришилган.