Ахмедова Гулноза Фахрутдин қизининг 
фалсафа доктори (PhD) диссертацияси ҳимояси ҳақида эълон 

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Театр педагогикаси воситасида талабаларда бадиий-креативлик компетенсияларини ривожлантириш”, 13.00.01 – Педагогика назарияси. Педагогик таълимотлар тарихи.
Диссертация мавзуси рўйхатга олинган рақам: B2024.4.PhD/Ped8524
Диссертация бажарилган муассаса номи: Урганч давлат педагогика институти. 
Илмий раҳбар: Нафасов Дониёр Шернафасович, педагогика фанлари бўйича фалсафа доктори (PhD), доцент.
ИК фаолият кўрсатаётган муассаса номи, ИК рақами: Урганч давлат педагогика институти, PhD.01/2025.27.12.Ped.12.01. 
Расмий оппонентлар: педагогика фанлари доктори (DSc), профессор Салаева Мухаббат Сабуровна; педагогика фанлари доктори (DSc), профессор Жумашева Гулнора Ҳамидуллаевна.
Етакчи ташкилот: Низомий номидаги Ўзбекистон миллий педагогика университети.
Диссертация йўналиши: назарий ва амалий аҳамиятга молик. 
II. Тадқиқотнинг мақсади: театр педагогикаси воситасида талабаларда бадиий-креативлик компетенсияларини ривожлантиришнинг назарий ва амалий асослари, педагогик шарт-шароитлари, механизмларини аниқлаш ҳамда илмий-методик тавсиялар ишлаб чиқишдан иборат.
III. Тадқиқотнинг илмий янгилиги: 
талабаларда бадиий-креативлик компетенсияларини ривожлантиришнинг назарий-методологик асослари ижодий тафаккурини театр санъати ва саҳнавий фаолиятга йўналтирилган эмоционал-иродавий тажрибаси ва рефлексив фаолиятларига координациялаш, театр педагогикасини ривожлантириш механизмлари, таркибий тузилмаси ва методологик тамойилларига устуворлик бериш орқали аниқлаштирилган;
талабаларнинг бадиий-креативлик компетенсияларини ривожлантиришнинг педагогик модели мақсад-мазмун-жараён-натижа компонентларининг функсионал боғлиқлигини таъминлашда театр педагогикасининг стратегик вазифаларини аниқлаштириш, бадиий тафаккурни ривожлантиришда драматизация, импровизация, саҳналаштирилган муаммоли вазиятлар, рефлексив таҳлил ва дебрифинг усулларини қўллаш асосида такомиллаштирилган;
талабаларда бадиий-креативлик компетенсияларини ривожлантиришнинг педагогик механизми образли фикрлашни импровизация, драматизация, ролли ўйинларга интеграциялаш, саҳнавий ижодкорлик ва бадиий тафаккурни компетенсиявий мақсадларга йўналтирилган технологияларга мослаштириш асосида такомиллаштирилган;
театр педагогикаси воситасида талабаларда бадиий-креативлик компетенсияларини ривожлантириш самарадорлиги бадиий дунёқарашини кенгайтирувчи ижодий таълим муҳитини яратиш, саҳнавий маданиятининг креатив фаоллигини фанлараро интеграциялаш ва рефлексив баҳолаш тизимини жорий этиш асосида оширилган.
IV. Тадқиқот натижаларининг жорий қилиниши. Театр педагогикаси воситасида талабаларда бадиий-креативлик компетенсияларини ривожлантириш бўйича олинган илмий натижалар асосида:
талабаларда бадиий-креативлик компетенсияларини ривожлантиришнинг назарий-методологик асослари ижодий тафаккурини театр санъати ва саҳнавий фаолиятга йўналтирилган эмоционал-иродавий тажрибаси ва рефлексив фаолиятларига координациялаш, театр педагогикасини ривожлантириш механизмлари, таркибий тузилмаси ва методологик тамойилларига устуворлик бериш орқали аниқлаштиришга оид илмий янгиликлар “Халқ педагогикаси” номли дарслик мазмунига сингдирилган (Урганч давлат университети ректорининг 2025-йил 11-январдаги 5-Ш-сонли буйругʻи асосида берилган №123 рақамли нашр рухсатномаси). Натижада, талабаларда бадиий-креативлик компетенсияларнинг мазмуни бойитилиб, ижодий тафаккур, эмоционал-иродавий барқарорлик, эстетик идрок, рефлексив таҳлил кўникмалари ҳамда саҳна фаолиятида мустақил ва ҳамкорликда ижодий фаолият юритиш қобилиятларининг ривожланиши таъминланди;
талабаларда бадиий-креативлик компетенсияларини ривожлантиришнинг педагогик механизми образли фикрлашни импровизация, драматизация, ролли ўйинларга интеграциялаш, саҳнавий ижодкорлик ва бадиий тафаккурни компетенсиявий мақсадларга йўналтирилган технологияларга мослаштириш ҳамда мотивацияни кучайтирувчи ўйин элементлари билан интеграциялашган ҳолда қўллашнинг педагогик механизми илмий жиҳатдан асосланишига оид янгиликлар “Мактабгача ёшдаги болалар психологияси ва психодиагностикаси” номли оʻқув қоʻлланма мазмунига сингдирилган. (Оʻзбекистон Республикаси Олий таʼлим, фан ва инновациялар вазирлигининг 2024-йил 25-июндаги 218-сонли буйругʻи асосида берилган 218002 рақамли нашр рухсатномаси). Натижада, театр педагогикаси воситасида талабаларнинг бадиий-креативлик компетенсиясини ривожлантиришнинг назарий асосларини оʻрганиш самарадорлиги ошган; 
талабаларнинг бадиий-креативлик компетенсияларини ривожлантиришнинг педагогик модели мақсад-мазмун-жараён-натижа компонентларининг функсионал боғлиқлигини таъминлашда театр педагогикасининг стратегик вазифаларини аниқлаштириш, бадиий тафаккурни ривожлантиришда драматизация, импровизация, саҳналаштирилган муаммоли вазиятлар, рефлексив таҳлил ва дебрифинг усуллари мажмуига таянган ҳолда такомиллаштирилишига доир илмий янгиликлар “Халқ педагогикаси” номли дарслик мазмунига сингдирилган (Урганч давлат университети ректорининг 2025-йил 11-январдаги 5-Ш-сонли буйругʻи асосида берилган №123 рақамли нашр рухсатномаси). Натижада театр педагогикаси воситасида талабаларда бадиий-креативлик компетенсиясини шакллантириш моделини такомиллаштириш имкони яратилган; 
театр педагогикаси воситасида талабаларда бадиий-креативлик компетенсияларини ривожлантириш самарадорлиги бадиий дунёқарашини кенгайтирувчи ижодий таълим муҳитини яратиш, саҳнавий маданиятининг креатив фаоллигини фанлараро интеграциялаш ва рефлексив баҳолаш тизимини жорий этиш асосида ишлаб чиқилган илмий-методик тавсиялардан ФЗ-2020010829-сонли “Талаба ёшлар илмий фаолиятида амалий кўникмаларни шакллантиришнинг инновацион механизмлари” номли амалий лойиҳа доирасида белгиланган вазифалар ижросини таъминлашда фойдаланилган. (Ўзбекистон Республикаси Мактабгача ва мактаб таълими вазирлиги Низомий номидаги Ўзбекистон миллий педагогика университетининг 2025-йил 6-октябрдаги №22-01-727/22 сонли маълумотномаси). Натижада талабаларнинг бадиий-креативлик компетенсияларини баҳолаш тизими такомиллашиб, уларнинг илмий ва бадиий - креатив фаолиятида амалий кўникмаларни ривожлантириш самарадорлиги таъминланди.