Uzoqov G‘ulom Norboevichning

doktorlik dissertatsiyasi himoyasi haqida e’lon

    I. Umumiy ma’lumotlar.

Dissertatsiya mavzusi, ixtisoslik shifri (ilmiy daraja beriladigan fan tarmog‘i): «Meva-sabzavot omborlari issiqlik-sovuqlik ta’minoti tizimining energetik samaradorligini noan’anaviy energiya manbalaridan foydalanib oshirish usullari»,  05.05.04-«Sanoat issiklik energetikasi» ixtisosligi (texnika fanlari).

Talabgorning ilmiy va ilmiy-pedagogik faoliyat olib borishga layoqati bo‘yicha test sinovidan o‘tgani haqida ma’lumot: /texnika fanlari nomzodi/.

Dissertatsiya mavzusi ro‘yxatga olingan raqam: 12.05.2015/B2015.1.T468.

Dissertatsiya bajarilgan muassasa nomi: Qarshi muhandislik- iqtisodiyot instituti.

IK faoliyat ko‘rsatayotgan muassasa (muassasalar) nomi, IK raqami: Toshkent davlat texnika universiteti va energetika va avtomatika instituti, 16.07.2013.T.02.01.

Ilmiy maslahatchining F.I.Sh., ilmiy darajasi va unvoni: Zaxidov Romen Abdullaevich, texnika fanlari doktori, professor, akademik.

Rasmiy opponentlarning F.I.Sh., ilmiy darajasi va unvoni: Muxiddinov Djaloliddin Nosirovich, texnika fanlari doktori, professor; Avezov Rabbanaqul Raxmonovich, texnika fanlari doktori,  professor;  Iskandarov Zafar Samandarovich texnika fanlari doktori, professor.

Etakchi tashkilot nomi: O‘zbekiston FA Ion-plazma va lazer texnologiyalari instituti qoshidagi maxsus konstruktorlik texnologik byurosi.

Dissertatsiya yo‘nalishi: nazariy va amaliy ahamiyatga molik.

    II. Tadqiqotning maqsadi: noan’anaviy energiya manbalaridan foydalanish asosida meva-sabzavot omborlarining energiya samarador issiqlik-sovuqlik ta’minoti tizimini ishlab chiqishdan iborat.

    III. Tadqiqotning ilmiy yangiligi:

meva-sabzavot omborlarining issiqlik-sovuqlik taminoti tizimida noan’anaviy energiya manbalaridan foydalanishning ilmiy asoslangan  prinsipial sxemalari ishlab chiqilgan;

past potensialli ventilyasiya chiqindi issiqligi, meva-sabzavot mahsulotlarining nafas olish issiqligi va sovutish agentining kondensatsiyalanish issiqligini utilizatsiya qilish usuliga asoslangan, qo‘shimcha issiq suv olinadigan issiqlik nasosli issiqlik-sovuqlik ta’minoti tizimi ishlab chiqilgan;

ilk bor omborlarda optimal namlik rejimini saqlash uchun quyosh energiyasi va sovutish kamerasining past potensialli chiqindi issiqligi qo‘llaniladigan energiya samarador havoni namlantirish tizimi ishlab chiqilgan;

sovutish sikli orqali bir vaqtda isitish va sovutish amalga oshiriladigan energiya samarador “Sabzavot ombori - gelioissiqxona” qo‘shma termodinamik tizimi ishlab chiqilgan;

sovutish kamerasi va mahsulotlar shtabelida nobarqaror issiqlik-namlik rejimini chuqur tadqiqot qilish imkonini beradigan, mahsulotlarni tabiiy sovuqlik bilan sovutishda issiqlik va massa almashinuvi jarayonlarining takomillashtirilgan matematik modeli ishlab chiqilgan.

    IV. Tadqiqot natijalarining joriy qilinishi: Issiqlik nasosli issiqlik-sovuqlik ta’minoti tizimining sxemalari, meva-sabzavot omborlarning energetik samaradorligini oshirish usullari, energiya samarador “Sabzavot ombori-gelioissiqxona” qo‘shma tizimi va piroliz qurilmalari O‘zbekiston Respublikasi qishloq va suv xo‘jaligi vazirligi tizimiga kiruvchi korxonalar, jumladan, Qashqadaryo viloyatining «Baxt», «Dovrug‘» va «Nishonboy Allamuratovich» fermer xo‘jaliklarida joriy etilib, meva-sabzavot omborlarining energiya ta’minotida 23 foizi (721,8 kVt.soat/tonna) energiya sarfi kamayishi va omborlarning texnologik ehtiyoji uchun ishlatiladigan issiq suv ta’minotida 14068 m³tabiiy gaz (17,28 tonna shartli yoqilg‘i) tejalishi hisobiga umumiy o‘rtacha yillik iqtisodiy samara 104 mln. so‘mni tashkil etgan (O‘zbekiston Respublikasi qishloq va suv xo‘jaligi vazirligining 2015 yil 27 apreldagi 02/15-350-son ma’lumotnomasi).