Абдуллаев Фаррухжон Комилжон ўғлининг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “300Х28Н2Л маркали чўяннинг ейилишбардошлиги ва юза қаттиқлигини ошириш технологиясини такомиллаштириш”, 05.02.01 – “Машинасозликда материалшунослик. Қуймачилик. Металларга термик ва босим остида ишлов бериш. Қора, рангли ва ноёб металлар металлургияси. (Қуймачилик ва металларга ишлов бериш технологияси йўналиши)” ихтисослиги.
Диссертация мавзуси рўйхатга олинган рақам: B2025.3.PhD/Т3900
Диссертация бажарилган муассаса номи: Тошкент давлат техника университети
ИК фаолият кўрсатаётган муассаса номи, ИК рақами: Тошкент давлат техника университети хузуридаги DSc.03/2025.27.12.Т.02.04 рақамли Илмий Кенгаш.
Илмий раҳбар: Ташбулатов Шерзод Бахтиярович, техника фанлари доктори, доцент.
Расмий оппонентлар: Норхуджаев Файзулла Рамазанович, техника фанлари доктори, профессор; Аллназаров Акмал Абдулхақович, техника фанлари бўйича фалсафа доктори, доцент.
Етакчи ташкилот: Наманган давлат техника университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади 300Х28Н2Л маркали чўяннинг ейилишбардошлиги ва юза қаттиқлигини ошириш технологиясини такомиллаштиришдан иборат.
III. Тадқиқотнинг илмий янгилиги:
300Х28Н2Л маркали чўянни молибден билан модификациялаш технологияси молибденнинг чўян таркибида ҳосил қиладиган кимёвий бирикмаларнинг структурага таъсир қилиш механизми асосида ишлаб чиқилган; 
300Х28Н2Л маркали чўяндан қуйма усулда насос паррагини олиш технологияси чўяннинг қолип ичида совуш тезлигининг юза қаттиқлигига таъсир этиш даражаси асосида ишлаб чиқилган;
300Х28Н2Л маркали чўяндан қуйма усулда олинган насос паррагига термик ишлов бериш режими парракнинг девор қалинлиги ва қолип материалининг иссиқлик ўтказувчанлик коеффициенти асосида ишлаб чиқилган;
300Х28Н2Л маркали чўяндан қуйма усулда олинган насос паррагини қолип ичида совутиш технологияси қолип материали ва қуйма орасидаги иссиқлик алмашинув коеффициентининг хароратга боғлиқ равишда ўзгариш динамикаси асосида ишлаб чиқилган.
IV.Тадқиқот натижаларининг жорий қилиниши.
300Х28Н2Л маркали чўяннинг ейилишбардошлиги ва юза қаттиқлигини ошириш технологиясини такомиллаштириш бўйича олинган тадқиқот натижалар асосида:
ГРАТ насосининг парраклари қуйма усулида олиш учун қўлланиладиган 300Х28Н2Л маркали чўянни молибден билан модификациялаш технологиясини “Олмалиқ кон металлургия комбинати” АЖ “МТМЗ” заводининг қуюв цехига жорий қилинган (“Олмалиқ кон металлургия комбинати” АЖ томонидан берилган 16.02.2024 даги 02-24/01-0209-сонли маълумотномаси). Жорий қилиш натижасида дискнинг ейилишбардошлиги 10-12% га ошган;
ГРАТ насосининг паррагини қуйма усулда олиш технологиясини “Олмалиқ кон металлургия комбинати” АЖ “МТМЗ” заводининг қуюв цехига жорий қилинган (“Олмалиқ кон металлургия комбинати” АЖ томонидан берилган 16.02.2024 даги 02-24/01-0209-сонли маълумотномаси). Жорий қилиш натижасида парракнинг юза қаттиқлиги 7-8% га ошган;
300Х28Н2Л маркали чўяндан қуйма усулда олинган насоснинг парракларига термик ишлов бериш технологиясини “Олмалиқ кон металлургия комбинати” АЖ “МТМЗ” заводининг қуюв цехига жорий қилинган (“Олмалиқ кон металлургия комбинати” АЖ томонидан берилган 16.02.2024 даги 02-24/01-0209-сонли маълумотномаси). Жорий қилиш натижасида насос парракларининг ейилишбардошлиги 3-4% га ошган.