Муминов Рустам Тулкинбаевичнинг

фалсафа доктори (PhD) диссертацияси ҳимояси ҳақида эълон

I. Умумий маълумотлар.

Диссертация мавзуси, ихтисослик шифри (илмий даража бериладиган фан тармоғи номи): «Уйқу артерияларининг икки томонлама атеросклеротик зарарланишида жарроҳлик тактикасини такомиллаштириш», 14.00.34–Юрак-қон томир хирургияси (тиббиёт фанлари).

Диссертация мавзуси рўйхатга олинган рақам: B2018.2.PhD/Tib706.

Илмий раҳбар: Каримов Шавкат Ибрагимович, тиббиёт фанлари доктори, профессор, академик.

Диссертация бажарилган муассаса номи: Тошкент тиббиёт академияси.

ИК фаолият кўрсатаётган муассаса (муассасалар) номи, ИК рақами: Академик В.Воҳидов номидаги Республика ихтисослаштирилган хирургия илмий-амалий тиббиёт маркази ва Тошкент тиббиёт академияси, DSc.27.06.2017.Tib.49.01.

Расмий оппонентлар: Зотиков Андрей Евгеньевич, тиббиёт фанлари доктори, профессор; Бахритдинов Фазлитдин Шамситдинович, тиббиёт фанлари доктори, профессор.

Етакчи ташкилот: «Миллий илмий кардиохирургия маркази» АЖ (Қозоғистон Республикаси).

Диссертация йўналиши: амалий аҳамиятга молик.

II. Тадқиқотнинг мақсади: уйқу артериялари икки томонлама атеросклеротик зарарланиши, беморларда каротид реконструкцияни бажариш босқичлари ва муддатларини аниқлаш йўли билан хирургик даволаш натижаларини яхшилашдан иборат.

III. Тадқиқотнинг илмий янгилиги:

уйқу артериялари икки томонлама атеросклеротик зарарланиши ривожланишининг клиник-патогенетик жиҳатлари белгиланган ва бош мия ишемияси хавф даражасини баҳолашни оптималлаштириш учун махсус гемодинамик ва неврологик бузилишлар аниқланган;

уйқу артериялари икки томонлама критик стенозида, бош мия церебрал перфузион резерви паст бўлганида ва оғир ёндош касалликларда регионар анестезия ва вақтинчалик каротид шунтнинг аҳамияти аниқланган;

атеросклероз пилакчасининг характери, бош мия қон томирлари гемодинамиасининг ҳолати, нур ташхис семиотикаси маълумотлари ва когнитив фаолият ўзгариши оғирлигини ҳисобга олган ҳолда каротид ҳавзалар билатерал зарарланишининг клиник-диагностик хусусиятлари очиб берилган;

уйқу артериялари икки томонлама зарарланишида каротид реконструкция бажаришнинг босқичлари ва қарама-қарши тарафда бажариш муддатини аниқлаш учун юқори даражали маълумот берувчи «BCAS.exe» тиббий электрон-ҳисоблаш маҳсулоти ишлаб чиқилган.

IV. Тадқиқот натижаларининг жорий қилиниши.

Уйқу артериялари икки томонлама атеросклеротик зарарланиши билан беморларни хирургик даволаш натижаларини яхшилаш бўйича илмий тадқиқот натижаларига кўра:

“Ишемик генезли сурункали қон-томир мия етишмовчилиги билан беморларни ташхислаш ва даволаш” услубий тавсияномаси тасдиқланган (Соғлиқни сақлаш вазирлигининг 2019 йил 29 майдаги 8н-з/86-сон маълумотномаси). Таклиф этилган тавсиялар уйқу артерияси билатерал зарарланишини эрта ташхислаш ва хирургик даволаш самарадорлигини яхшилаш ва амалиёт вақтида инсульт ривожланиш частотасини 8,4% дан 1,8% гача камайтириш имконини берган;

уйқу артерияси икки томонлама атеросклеротик зарарланиши билан беморлар диагностикаси ва хирургик даволаш сифатини яхшилаш бўйича бажарилган диссертация ишидан олинган илмий натижалар соғлиқни сақлаш амалий фаолиятига, хусусан, Тошкент тиббиёт академияси 1- ва 2-клиникалари хирургик ва ангиографик бўлимлари амалий фаолиятига (Соғлиқни сақлаш вазирлигининг 2019 йил 29 майдаги 8н-з/86-сон маълумотномаси) татбиқ этилган. Тадқиқот натижаларини татбиқ этишда хирургик даволашнинг тактик-техник жиҳатларини такомиллаштириш ҳисобига бош мия жуфт нервлари билатерал дисфункцияси частотасини 4,2% дан 0,9% гача, гиперперфузион синдромни 2,8% дан 0% гача, геморрагик инсультни 1,4% дан 0% гача камайтириш ҳамда когнитив жараёнларни МоСА шкаласи бўйича 21±3 дан 25±2 баллгача яхшилаш имконини берган.