Буронов Хайрулло Жумабоевичнинг

фан доктори (DSc) диссертацияси ҳимояси ҳақида эълон

I. Умумий маълумотлар.

Диссертация мавзуси, ихтисослик шифри (илмий даража бериладиган фан тармоғи номи): «Юрак эхинококкози билан касалланган беморларда ташхислаш ва хирургик тактикани танлаш», 14.00.34–Юрак-қон томир хирургияси (тиббиёт фанлари).

Диссертация мавзуси рўйхатга олинган рақам: В2019.1.DSc/Tib350.

Илмий маслаҳатчи: Абдумаджидов Хамидулла Амануллаевич, тиббиёт фанлари доктори.

Диссертация бажарилган муассаса номи: Академик В.Воҳидов номидаги Республика ихтисослаштирилган хирургия илмий-амалий тиббиёт маркази.

ИК фаолият кўрсатаётган муассаса (муассасалар) номи, ИК рақами: Академик В.Воҳидов номидаги Республика ихтисослаштирилган хирургия илмий-амалий тиббиёт маркази ва Тошкент тиббиёт академияси, DSc.27.06.2017.Tib.49.01.

Расмий оппонентлар: Джошибаев Сейтхан Джошибаевич, тиббиёт фанлари доктори, профессор, академик; Асамов Равшан Эркинович, тиббиёт фанлари доктори, профессор; Акилов Хабибулла Атауллаевич, тиббиёт фанлари доктори, профессор.

Етакчи ташкилот: А.В. Вишневский номидаги Хирургия миллий тиббий текшириш маркази федерал давлат бюджет ташкилоти (Россия Федерацияси).

Диссертация йўналиши: амалий аҳамиятга молик.

II. Тадқиқотнинг мақсади: юрак эхинококкози билан беморларни даволаш натижаларини касаллик кечишининг анатомо-топографик, функционал хусусиятларини омилли таҳлил қилиш ва жарроҳлик амалиётларининг тактико-техник жиҳатларини такомиллаштириш ёрдамида яхшилашдан иборат.

III. Тадқиқотнинг илмий янгилиги:

Ўзбекистон Республикасида илк маротаба юрак эхинококкози билан касалланиш кўрсаткичи ва ушбу этиологияли барча паразитар касалликлар таркибида жараёнинг кечиши (бирламчи ва қайталанган) ва зарарланиш хусусиятини (изоляцияланган ва қўшма) инобатга олган ҳолда унинг улуши аниқланган;

кардиал эхинококкознинг анатомо-топографик хусусиятлари, асосий ва такрорий, изоляцияланган ёки қўшма гидатид юрак зарарланишининг хусусияти жойлашуви ва тузилишига кўра очиб берилган;

эхинококкозни жарроҳлик даволашда, гепатокардал, кардиопульмонал ва перикардио-пульмонал гидатид зарарланишда бир босқичли кетма-кет симультан амалиётларни бажариш бўйича тактик ёндашувлар ишлаб чиқилган;

эхинококкэктомияни бажаришда куртак элементларининг тарқалиш хавфини кескин камайтирувчи юракда жойлашган паразит бўшлиғини ишлов бериш усули ишлаб чиқилган;

юрак гидатид зарарланишининг асосий морфологик хусусиятлари полиморфизмнинг ривожланиши, ларвоцистлар ташқи ва ички пардасининг бўлиниши ва шишиши, эхинококк кистасининг тешилиши ва ёрилишига олиб келиши аниқланган;

юрак эхинококкози якка ёки қўшма амалиётлари салбий натижаларининг асосий омиллари: юракдаги амалиёт шароитлари, юрак кўрсаткичларининг бошланғич функционал-геометрик қиймати, жойлашиши, гидатидлар тузилиши ва чап қоринча деворидаги таркибий ўзгаришлар эканлиги аниқланган;

кардиал эхинококкозда юракнинг тузилиш ва вазифасини баҳолашнинг эхографик мезонлари ва кўшимча мустаҳкамлашга қаратилган тадбирларни талаб этувчи миокард деворининг гидатид таъсирида маҳаллий патологик ўзгаришлари ва амалиёт ичи анатомик хусусиятлари аниқланган;

изоляцияланган ёки қўшма юрак гидатид зарарланишининг жарроҳлик усулида даволашнинг тактик ва техник жиҳатларини ҳисобга олган ҳолда тирик қолганларнинг умумий миқдори, қайталанган эхинококкоз фонида такрорий амалиётлардан озод даври аниқланган.

IV. Тадқиқот натижаларининг жорий қилиниши.

Юрак гидатид зарарланиши бўлган беморларни жарроҳлик усулида даволаш натижаларини яхшилаш бўйича бажарилган илмий тадқиқот натижаларига кўра:

“Юрак эхинококкозини жарроҳлик даволаш усули”га Интеллектуал мулк агентлигининг ихтиро учун патенти олинган (№IAP 0323, 2018). Таклиф этилган усул жарроҳлик усулида даволаш натижаларини яхшилашга ва касалликнинг қайталаниш хавфини камайтириш имконини берган;

“Юрак эхинококкозини ташхислаш ва хирургик даволаш” услубий тавсияномаси тасдиқланган (Соғлиқни сақлаш вазирлигининг 2019 йил 8 майдаги 8н-р/180-сон маълумотномаси). Таклиф этилган тавсиялар юрак эхинококкозини жарроҳлик усулида даволаш сифатини яхшилаш, амалиётдан кейинги асоратларни камайтириш ва беморларнинг шифохонада бўлиш муддатини қисқартириш имконини берган;

юрак гидатид зарарланиши бўлган беморларни жарроҳлик усулида даволашни яхшилаш бўйича бажарилган диссертация ишидан олинган илмий натижалар соғлиқни сақлаш амалий фаолиятига, хусусан, академик В.Воҳидов номидаги Республика ихтисослаштирилган хирургия илмий-амалий тиббиёт маркази, Республика ихтисослаштирилган кардиология илмий-амалий тиббиёт маркази Наманган филиали ва Андижон давлат тиббиёт институти клиникасининг кардиохирургия бўлимлари амалий фоалиятига (Соғлиқни сақлаш вазирлигининг 2019 йил 8 майдаги 8н-р/180-сон маълумотномаси) татбиқ этилган. Изоляцияланган ва қўшма юрак эхинококкозининг даволашнинг оптимал усулини жарроҳлик амалиётининг такомиллаштирилган техник жиҳатлари билан биргаликда танлаш бўйича бажарилган тадқиқотлар натижалари яқин ва узоқ муддатдаги ижобий натижалари улушини 77,1% дан 94,7% гача ошириш ва қониқарсиз натижалар улушини 22,9% дан 5,3% гача камайтириш имконини берган.