Насимова Нигина Рустамовнанинг
фалсафа доктори (PhD) диссертацияси ҳимояси ҳақида эълон
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Қин деворини нотўлиқ тушиши бўлган аёлларда жарроҳлик контрацепция усулларини такомиллаштириш», 14.00.01–Акушерлик ва гинекология (тиббиёт фанлари).
Диссертация мавзуси рўйхатга олинган рақам: B2017.4.PhD/Tib417.
Илмий рахбар: Негмаджанов Баходир Болтаевич, тиббиёт фанлари доктори, профессор.
Диссертация бажарилган муассаса номи: Самарқанд давлат тиббиёт институти.
ИК фаолият кўрсатаётган муассаса (муассасалар) номи, ИК рақами: Тошкент педиатрия тиббиёт институти, DSc.27.06.2017.Tib.29.01.
Расмий оппонентлар: Аюпова Фарида Мирзаевна, тиббиёт фанлари доктори, профессор; Султанов Сайдазим Насирович, тиббиёт фанлари доктори, профессор.
Етакчи ташкилот: Республика ихтисослаштирилган акушерлик ва гинекология илмий-амалий тиббиёт маркази.
Диссертация йўналиши: амалий аҳамиятга молик.
II. Тадқиқотнинг мақсади: қин деворининг нотўлиқ тушиши бўлган аёлларда жарроҳлик контрацепция усулларини ишлаб чиқиш ва аёлларнинг ҳаёт сифатига таъсирини аниқлашдан иборат.
III. Тадқиқотнинг илмий янгилиги:
жинсий аъзоларнинг нотўлиқ тушиши бўлган аёлларда бир вақтда бачадон найларини трансвагинал боғлаш ва жарроҳлик контрацепцияси усули ишлаб чиқилган;
репродуктив ёшдаги аёлларда жинсий аъзолар тушишининг шаклланишида хавф омилларининг(туғишлар сонинг кўплиги, эпизиотомия, оралиқ йиртилишлари, чокларни очилиб кетиши, вагинит ва вагинозлар, эндометриоз ва ҳоказолар) нейроэндокрин перименопауза ўзгаришларининг ривожланиши билан боғлиқлиги аникланган;
репродуктив ёшдаги аёллардаги қин деворларининг тушишининг патогенетик жиҳатлари ўзига хос клиник-анамнестик ва анатомо-топографик, шунингдек, касалликнинг эхографик, кольпоскопик ва бактериоскопик хусусиятларини ҳисобга олган ҳолда аниқланган;
жинсий аъзолар тушишининг ривожланишида сийдик тизими бузилишларининг клиник-эпидемиологик хусусиятлари ва ўзаро боғлиқлиги, сийдик аъзоларининг анатом-топографик ҳолатидаги ўзгаришлар, дизурия ва урогенитал патологик ҳолатлар оғирлик даражалари ҳисобга олган ҳолда очиб берилган;
SF-36 сўровномасига мувофиқ қин деворларининг нотўлиқ тушиши бўлган аёлларда клиник-физиологик ва косметик натижаларнинг аҳамиятини аниқлаш билан аралаш жарроҳлик даволаш усулидан фойдаланишда ҳаёт сифатининг яхшиланиши исботланган.
IV. Тадқиқот натижаларининг жорий қилиниши.
Репродуктив ёшдаги аёлларда жинсий аъзолар нотўлиқ тушишини ташхислаш ва даволаш натижаларини яхшилашга бағишланган тадқиқот бўйича олинган илмий натижалари асосида:
“Сийдикни тутиб туролмаслик билан кечувчи жинсий аъзолар тушиши бўлган аёлларда жарроҳлик стерилизация усули”га (№IAP 05076, 2015 йил) Интеллектуал мулк агентлигининг ихтиро патенти олинган. Мазкур усул бачадон бўйни узайиши мавжуд бўлган аёлларни жарроҳлик йўли билан даволашнинг тавсия этилган усули жароҳат соҳасида регенерация ва репарация жараёнларини яхшилаган, деформацияловчи чандиқлар шаклланмаган;
“Қин деворининг нотўлиқ тушиши бўлган аёлларда жарроҳлик контрацепция усули” услубий тавсияномаси тасдиқланган (Соғлиқни сақлаш вазирлигининг 2019 йил 2 апрелдаги 8н-з/42-сон маълумотномаси). Таклиф этилган тавсиянома репродуктив ёшдаги аёлларнинг жинсий аъзолари нотўлиқ тушиши ҳолатида ҳаёт сифатини яхшилашга ва уларни контрацепция воситаларининг энг самарали ва хавфсиз усули билан таъминлаш имконини берган;
репродуктив ёшдаги аёлларнинг бачадон найларини трансвагинал боғлаш билан бирга қин деворларининг нотўлиқ тушишини ташхислаш ва тиклашни яхшилаш бўйича бажарилган диссертация ишидан олинган илмий натижалар соғлиқни сақлаш амалий фаолиятига, хусусан, Самарқанд вилоят кўп тармоқли тиббиёт маркази ва Самарқанд шаҳар 3-сон туғуруқхонаси амалиётига жорий этилган (Соғлиқни сақлаш вазирлигининг 2019 йил 2 апрелдаги 8н-з/42-сон маълумотномаси). Натижада амалиётдан кейинги чокларнинг инфилтрацияли ва очилиб кетиш хавфини 1,5 бараварга камайтириш, шифохонада қолиш муддатини 1,45 кунга қисқартириш ва кузатув узоқ муддатли даврида касалликнинг такрорланиш хавфини 1,6–2,8 мартага камайтириш имконини берган.
