Абдуллаев Алимардон Икромжоновичнинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): “Юқори босимли ёнилғи насосининг қайта тикланган плунжер жуфтликлари орқали эксплуатацион кўрсаткичларини асослаш” мавзусида 05.08.06 – “Ғилдиракли ва гусеницали машиналар ва уларни ишлатиш” (техника фанлари).
Диссертация мавзуси рўйхатга олинган рақам: B2025.1.PhD/Т2949
Илмий раҳбар: Исматов Жуманиез Файзуллаевич техника фанлари доктори, доцент.
Диссертация бажарилган муассаса номи: Ислом Кариомов номидаги Тошкент давлат техника университети.
ИК фаолият кўрсатаётган муассаса номи, ИК рақами: Андижон давлат техника институти, PhD.03/2025.27.12.Т.18.01
Расмий оппонентлар: техника фанлари доктори, профессор Худояров Анвар Назиржонович, техника фанлари номзоди, профессор Насиров Илхам Закирович.
Етакчи ташкилот: Фарғона давлат техника университети. 
Диссертация йўналиши: назарий ва амалий аҳамиятга молик.
II. Тадқиқотнинг мақсади: дизел двигателли автомобилларннг қайта тиканган плунжер жуфтликларига эга юқори босимли ёнилғи насосини эксплуатацион кўрсаткичларини яхшилашдан иборат.
III. Тадқиқотнинг илмий янгилиги:
график-аналитик ёндашув асосида юқори босимли ёнилғи насосининг плунжер жуфтликларида ҳосил бўладиган тирқиш миқдорини аниқлаш услуби ҳамда уларнинг ейилиш жараёнини тавсифловчи математик модел такомиллаштирилган; 
плунжер жуфтликларининг ишчи юзалари орасида ҳосил бўладиган абразив заррачаларнинг ҳаракатланиш қонуниятлари ва уларнинг ейилиш жараёнига таъсир этиш механизми заррачаларнинг геометрик ўлчам ва шаклларига боғлиқлиги асосланган;
плунжер жуфтликларининг юза ғадир-будирлик қийматлари асосида корреляцион-регрессион таҳлил усули ёрдамида, уларнинг нормал тақсимланиш қонуни бўйича бузилмасдан ишлаш эҳтимоллигини аниқлаш услуби ишлаб чиқилган;  
плунжер жуфтликларини гидравлик зичликка синаш натижаларига асосланиб, экспериментал тадқиқот усулларидан фойдаланиш орқали уларнинг эксплуатацион ҳолатини тавсифловчи чегаравий параметрларни аниқлаш услуби ишлаб чиқилган ҳамда илмий жиҳатдан асослаб берилган.
IV.Тадқиқот натижаларининг жорий қилиниши. Дизел двигателли автомобилларнинг юқори босимли ёнилғи насосининг қайта тикланган плунжер жуфтликларини эксплуатасион кўрсаткичларини асослаш  бўйича олинган илмий натижалар асосида:
дизел двигателли автомобилларнинг юқори босимли ёнилғи насосларида қайта тикланган плунжер жуфтликларини қўллаш “Андижон вилояти автомобил йўллари бош бошқармаси Асака туман йўллардан фойдаланиш давлат муассасаси”да амалиётга жорий этилган (Ўзбекистон Республикаси Транспорт вазирлигининг 2025 йил 27-июндаги 4/6900-сон маълумотномаси). Натижада дизел двигателли автомобилларнинг юқори босимли ёнилғи насосидаги плунжер жуфтликларини автотранспорт корхоналари таъмирлаш устахонаси шароитида қайта тиклаш орқали мустаҳкамлигини ошириш, эксплуатацион даврийлигини таъминлаш, ёнилғи сарфини ҳамда харажатларни камайтиришига олиб келган;
юқори босимли ёнилғи насосининг пулинжер жуфтликларини қайта тиклаш техналогияларини танлашнинг техник ва эксплуатацион кўрсаткичларни комплекс баҳолаш методи, “Андижон вилояти автомобил йўллари бош бошқармаси Асака туман йўллардан фойдаланиш давлат муассасаси” да амалиётга жорий қилинган (Ўзбекистон Республикаси транспорт вазирлигининг 2025 йил 27-июндаги 4/6900-сон маълумотномаси). Натижада, қайта тикланган плунжер жуфтликларига эга юқори босимли ёнилғи насосинг босим корсаткичи 3-5 фоизга фарқ қилди, бунинг натижасида амалий эксплуатация учун тўлиқ руҳсат этиладиган чегара кўрсаткичлари яхшиланган;
плунжер жуфтликларининг эксплуатацион ҳолатини аниқловчи чегаравий қийматларини аниқлаш услуби “Андижон вилояти автомобил йўллари бош бошқармаси Асака туман йўллардан фойдаланиш давлат муассасаси” да амалиётга жорий қилинган (Ўзбекистон Республикаси транспорт вазирлигининг 2025 йил 27-июндаги 4/6900-сон маълумотномаси). Натижада, қайта тикланган плунжер жуфтликлари янгиси билан таққослаганда ейилишга чидамлилиги 1.1 -1.2 марта оширишга эришилган;
қайта тикланган плунжер жуфтликларини қоллаш, “Андижон вилояти автомобил йўллари бош бошқармаси Асака туман йўллардан фойдаланиш давлат муассасаси” да амалиётга жорий қилинган (Ўзбекистон Республикаси транспорт вазирлигининг 2025 йил 27-июндаги 4/6900-сон маълумотномаси).  Натижада, ишлаб чиқаришга жорий этилган технология иқтисодий самарадорликка эга бўлиб, Андижон вилояти миқёсида таъмирталаб 338 махсус автомобиллар ҳисобидан 2028 дона плунжер тикланса йиллик дастурда 233 млн, 22 минг сўмлик самара бериши аниқланган.