Актамов Шоҳруҳбек Улуғбек ўғлининг
Фалсафа доктори (PhD) диссертацияси ҳимояси ҳақида эълон

I.Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи):
“Қон айланиш тизими касалликларини таснифлашда информацион хусусиятлар тўпламини танлаш алгоритмлари”, 05.01.03 – “Информатиканинг назарий асослари” (техника фанлари).
Диссертация мавзуси рўйхатга олинган рақам:В2025.4.PhD/Т6143
Илмий раҳбар: Нишанов Ахрам Хасанович, техника фанлари доктори, профессор. 
Диссертация бажарилган муассаса номи: Муҳаммад ал-Хоразмий номидаги Тошкент ахборот технологиялари университети.
Илмий кенгаш фаолият кўрсатаётган муассаса номи, Илмий кенгаш рақами: Муҳаммад ал-Хоразмий номидаги Тошкент ахборот технологиялари университети, DSc.09/2025.27.12. Т.01.03.
Расмий оппонентлар: Толаниддин Нурмуҳамедов Рамзиддинович, техника фанлари доктори, профессор; Дадаханов Мусохон Хошимхонович, техника фанлари номзоди, доцент.
Етакчи ташкилот: Бухоро давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади қон айланиш тизими касалликларини таснифлаш жараёнида юқори аниқликка эришишни таъминловчи информацион хусусиятлар тўпламини танлаш алгоритмларини ишлаб чиқиш ҳисобланади.
III. Тадқиқотнинг илмий янгилиги қуйидагилардан иборат:
Қон айланиш тизими касалликларини ифодаловчи информацион хусусиятлар мажмуасини шакллантириш, маълумотларни синтетик тарзда кўпайтириш ва кенгайтирилган маълумотлар асосида синф ичидаги ҳамда синфлараро обектлар ўртасидаги ўхшашлик даражаларини ҳисобга олувчи кластерлаш алгоритми ишлаб чиқилган;
қон айланиш тизими касалликларини таснифлашда “қийматли”, “номинал ва қийматли” фазода Фишер типидаги мезонга асосланган синфлараро фарқланишни максимал даражада таминловчи информацион хусусиятлар тўпламини танлаш алгоритми ишлаб чиқилган;
қон айланиш тизими касалликларида обектлар ўхшашлиги информацион мезонларига асосланган синф ичидаги обектларнинг бир-бирига яқинлигини ўртача даражаси ҳамда турли синф обектлари ўртасидаги фарқларни оширувчи информацион хусусиятлар мажмуасини танлаш алгоритми ишлаб чиқилган;
Номинал ва миқдорий белгилар фазосида обектларнинг синфлараро фарқланиш даражасини ҳисобга олувчи Фишер типидаги ҳамда уларнинг ўхшашлик хусусиятларини инобатга олувчи мезонлар асосида информацион хусусиятлар тўпламини танлаш алгоритми ишлаб чиқилган.
IV. Тадқиқот натижаларининг жорий қилиниши. Тадқиқотда ишлаб чиқилган қон айланиш тизими касалликларини тавсифловчи информацион хусусиятларни шакллантириш, синтетик маълумотлар яратиш, обектларни кластерлаш ва таснифлаш, Фишер типидаги ҳамда ўхшашлик мезонларига асосланган оптимал белгилар мажмуасини танлаш, шунингдек ташхислаш учун энг муҳим информатив белгиларни аниқлаш алгоритмлари ва улар асосида яратилган «Ақлли инсулт» дастурий мажмуаси асосида:
Навоий вилояти Қизилтепа туман тиббиёт бирлашмасида инсулт касаллигини ташхислаш жараёнларини такомиллаштириш мақсадида мазкур дастурий мажмуа фойдаланиш учун қабул қилинган ва амалиётга жорий этилган (Ўзбекистон Республикаси Соғлиқни сақлаш вазирлигининг 2025-йил 27-июндаги 05-28/14414-сон маълумотномаси). Натижада инсулт касаллигини тавсифловчи 30 та симптом белгидан ташхислаш учун энг муҳим бўлган 23 та информатив белгилар мажмуаси танлаб олинган ҳамда ушбу белгилар асосида касалликка ташхис қўйишга кетадиган вақт тахминан 30 фоизга қисқартирилган;
Шунингдек, Навоий вилояти Қизилтепа туманидаги СОФ + МЕД тиббий муассасасида инсулт касалликларини ташхислаш самарадорлигини ошириш мақсадида «Ақлли инсулт» дастурий мажмуаси амалиётга жорий этилган (Ўзбекистон Республикаси Соғлиқни сақлаш вазирлигининг 2025-йил 27-июндаги 05-28/14414-сон маълумотномаси). Натижада инсулт касаллигини ифодаловчи 27 та симптом белгидан ташхислаш учун энг муҳим бўлган 17 та информатив белгилар мажмуаси танлаб олинган, касалликка ташхис қўйишга кетадиган вақт 1,5 баробарга қисқартирилган ва ташхислаш самарадорлиги 1,7 баробарга оширилган.