Subhonova Ziyoda Anvar qizining 
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): “Kasr tartibli to‘lqin tenglamasi uchun koeffisientli teskari masalalar”, 01.01.02 – “Differensial tenglamalar va matematik fizika”.
Dissertatsiya mavzusi ro‘yxatga olingan raqam: B2023.2.PhD/FM863.
Ilmiy rahbar: Durdiev Durdimurod Qalandarovich, fizika-matematika fanlari doktori, professor.
Dissertatsiya bajarilgan muassasa nomi: V.I. Romanovskiy nomidagi Matematika instituti.
IK faoliyat ko‘rsatayotgan muassasa nomi, IK raqami: Samarqand davlat universiteti huzuridagi DSc.03/30.12.2019.FM.02.01.
Rasmiy opponentlar: Sattorov Ermamat Norqulovich, fizika-matematika fanlari doktori, dotsent; Sobirov Zarifboy Axmedovich, fizika-matematika fanlari doktori, dotsent.
Yetakchi tashkilot: Abu Rayhon Beruniy nomidagi Urganch davlat universiteti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi kasr tartibli differensial va integro-differensial diffuziya-to‘lqin tenglamalari uchun to‘g‘ri va koeffisientli teskari masalalarni bir qiymatli echiluvchanligini ko‘rsatishdan iborat.
III. Tadqiqotning ilmiy yangiligi:
bir o‘lchamli kasr tartibli diffuziya-to‘lqin tenglamasi uchun qo‘yilgan Koshi masalasi echimining korrektligi ya’ni echimning mavjudligi, yagonaligi va boshlang‘ich shartlarga uzlyuksiz bog‘liqligi to‘liq asoslangan;
vaqt o‘zgaruvchisiga bog‘liq koeffisientli teskari masalaning shartli korrektligi operatorlar nazariyasi hamda Banaxning siqib akslantirish prinsipi asosida qat’iy isbotlangan;
kasr tartibli integro-differensial superdiffuziya tenglamasidan vaqt o‘zgaruvchisiga bog‘liq xotira funksiyasini aniqlash masalasi - xotira yadrosining vaqt bo‘yicha evolyusiyasini tavsiflovchi teskari masala Volterra tipidagi integral tenglamalar sistemasiga keltirildi va uning bir qiymatli echiluvchanligi ko‘rsatilgan;
ko‘p o‘lchamli integro-differensial diffuziya-to‘lqin tenglamasidan vaqt va fazoviy o‘zgaruvchilarga bog‘liq yadro funksiyasini aniqlash teskari masalasining bir qiymatli echiluvchanligi to‘g‘risidagi teorema isbotlangan.
IV. Tadqiqot natijalarining joriy qilinishi. Kasr tartibli to‘lqin tenglamasi uchun koeffisientli teskari masalalar bo‘yicha olingan natijalar asosida: 
kasr tartibli diffuziya-to‘lqin tenglamasi uchun qo‘yilgan Koshi masalasi echimining mavjudligi va yagonaligi to‘g‘risidagi nazariy natijalardan IL-21071166 raqamli “Shamolning past tezligi uchun mo‘ljallangan vertikal o‘qli shamol turbinasini yaratish” mavzusidagi innovatsion loyihada foydalanilgan. Xususan, mazkur natijalar shamol turbinalarining samarali ishchi parametrlarini aniqlashga qaratilgan matematik modellar zanjirini qurishda hamda tegishli tenglamalarni taqribiy echish usullarining korrektligini asoslashda tatbiq etilgan. (Mexanika va inshootlar seysmik mustahkamligi institutining 2025 yil 14-noyabrdagi 1463-3-son ma’lumotnomasi). Ilmiy natijaning qo‘llanilishi rezonansli xatti-harakatlarni oldini olish imkonini bergan; 
integro differensial diffuziya to‘lqin tenglamalari uchun ko‘p o‘lchovli teskari masalaning lokal bir qiymatli echilishi va shartli turg‘unlik baholaridan 122041100096-4 raqamli “Sotsiologiya, geofizika va muhandislik fanlarida matematik modellashtirish” mavzusidagi xorijiy grant loyihasida izotrop yopishqoqlik-elastiklik tenglamalari uchun ko‘p o‘lchovli teskari masalalarni echishda foydalanilgan (RFA Vladikavkaz ilmiy markazi Janubiy matematika institutining 2025 yil 20-noyabrdagi №125-sonli ma’lumotnomasi, Rossiya Federatsiyasi). Ilmiy natijalarning qo‘llanilishi er osti muhitlarida to‘lqin hodisasini kuzatish imkonini bergan.