Норимова Гулжахон Комилжон қизининг 
фалсафа доктори (PhD) диссертацияси ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган тармоғи номи): «Самарқанд шаҳри дендрофлораси микромицетлари», 03.00.05 – Ботаника (биология фанлари).
Диссертация мавзуси рўйхатга олинган рақам: B2024.2.PhD/B1163.
Илмий раҳбар: Умурзакова Зебинисо Искандаровна, биология фанлари номзоди, профессор.
Диссертация бажарилган муассаса номи: Самарқанд давлат университети.
ИК фаолият кўрсатаётган муассаса номи, ИК рақами: Самарқанд давлат университети, PhD.03/2025.27.12.B.09.10.
Расмий оппонентлар: Мавлонов Хударган, биология фанлари доктори, профессор; Мустафаев Илёр Муродуллаевич, биология фанлари фалсафа доктори (PhD), катта илмий ходим. 
Етакчи ташкилот: Қарши давлат университи.
Диссертация йўналиши: назарий ва амалий аҳамиятга молик. 
II. Тадқиқотнинг мақсади: Самарқанд шаҳри дендрофлорасида тарқалган микромицетларини идентификациялаш, уларни тарқалиши ва ривожланишини асослашдан иборат.
III. Тадқиқотнинг илмий янгилиги:
илк бор Самарқанд шаҳри шароитида ўсувчи дарахт ва буталарда микромицетларнинг 3 бўлим, 6 синф, 18 тартиб, 32 оила, 62 туркумга мансуб 133 тур, 4 форма ва 1 вариациядан иборат таркиби аниқланиб, уларнинг конспекти тузилган. Аниқланган микромицетларнинг 15 туркумга мансуб 31 тури Ўзбекистон микобиотаси учун аниқланган;
илк бор Самарқанд шаҳри шароитида микромицет замбуруғларнинг дарахт ва буталарда тарқалиши хўжайин ўсимликларининг морфо-экологик хусусиятлари ҳамда микромицетларнинг фасллараро ривожланиш хусусиятлари билан узвий боғлиқлиги илмий жиҳатдан асосланган;
Самарқанд шаҳри дендрофлорасида учрайдиган патоген микромицетларнинг бошқа ҳудудлар (Наманган вилояти, Қашқадарё воҳаси ва Тошкент Ботаника боғи) микобиотаси билан қиёсий таҳлили ўтказилиб, уларнинг ўхшашлик даражалари (Жаккард, Кулчинский ва Симпсон коеффициентлари асосида) илк бор баҳоланди ҳамда микромицетларнинг ҳудудий тарқалишида иқлимий ва флористик омилларнинг ҳал қилувчи роли илмий асослаб берилган;
Самарқанд шаҳри шароитида дарахт ва буталарда микромицет замбуруғлар томонидан қўзғатиладиган ун-шудринг (14 тур), занг (10 тур) ва турли хил доғланиш касалликларининг (88 тур) кенг тарқалганлиги аниқланган.
IV. Тадқиқот натижаларининг жорий қилиниши. Самарқанд шаҳри дендрофлораси микромицетлари бўйича олинган илмий натижалар асосида: 
Самарқанд шаҳри дендрофлорасининг микологик таҳлил қилиниши натижасида патогенлар гуруҳига мансуб 133 тур, 4 форма ва 1 вариация учраши аниқланган. 133 тур, 4 форма ва 1 вариациянинг 143 та фунгарий намуналари Тошкент Микология фунгарийси (ТАСМ) илмий ноёб объекти фондига топширилган (Ўзбекистон Республикаси Фанлар академиясининг 2025 йил 29 январдаги 4/1255-257-сонли маълумотномаси). Натижада, Оʻзбекистон Республикаси фунгасида тарқалган муҳим хўжалик ва иқтисодий аҳамиятга эга бўлган турларнинг янги фунгарий намуналари ТАСМ фондини бойитган ҳамда Ўзбекистон фунгаси ҳақидаги ахборот-таҳлил тизимини кенгайтириш имконини берган;
Самарқанд шаҳари дарахт ва буталарида аниқланган 133 тур, 4 форма ва 1 вариацияга мансуб микромицетларнинг 143 та гербарий намуналари маълумотлари электрон базаси Глобал биохилма-хиллик ахборот тизими (ГБИФ.уз)га жорий этилган (ГБИФ.уз томонидан 2024 йил 25 декабрдаги берилган 023-сонли сертификат). Натижада, Микологик гербарий ва Глобал биохилма-хиллик ахборот тизими фондини бойитиш, урбанлашган ҳудудлардаги дарахт ва буталар микромицетларини тадқиқ қилишни осонлаштириш, микромицетларнинг филогенияси ва географиясига оид маълумотларни глобал миқёсда таҳлил қилиш имконини берган.