Azimova Dilshoda Azimovnaning 
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar. Dissertatsiya mavzusi, ixtisoslik shifri (ilmiy daraja beriladigan tarmog‘i nomi): «Toshkent viloyati madaniy-tarixiy rekreatsion-turistik obektlarining shakllanishida tabiiy geografik omillarning roli», 11.00.01 – Tabiiy geografiya (geografiya fanlari).
Dissertatsiya mavzusi ro‘yxatga olingan raqam: B2025.3.PhD/Gr401.
Ilmiy rahbar: Sharipov Shavkat Muxamajanovich, geografiya fanlari doktori, professor.
Dissertatsiya bajarilgan muassasa nomi: O‘zbekiston Milliy  universiteti.
IK faoliyat ko‘rsatayotgan muassasa nomi, IK raqami: O‘zbekiston Milliy universiteti, DSc.03/2025.27.12.Gr.01.17.
Rasmiy opponentlar: Urazbaev Abdukarim Kendirbaevich, geografiya fanlari doktori, professor; Eshboev Bexzod Tojievich, geografiya fanlari bo‘yicha falsafa doktori (PhD), dotsent.
Yetakchi tashkilot: O‘zbekiston Milliy pedagogika universiteti.
Dissertatsiya yo‘nalishi: nazariy va amaliy ahamiyatga molik. 
II. Tadqiqotning maqsadi: Toshkent viloyatidagi madaniy-tarixiy rekreatsion-turistik obektlar bo‘lgan arxeologiya, monumental, arxitektura yodgorliklari va ziyoratgohlarning tarqalish xususiyatlarini va joylashuvida tabiiy geografik omillarning ahamiyatini aniqlash asosida ulardan foydalanish bo‘yicha taklif va tavsiyalar ishlab chiqishdan iborat.
III. Tadqiqotning ilmiy yangiligi:
Toshkent viloyatidagi madaniy-tarixiy rekreatsion-turistik obektlarni kompleks tavsiflash va tabiiy geografik xususiyatlarini (relef turi, mutlaq va nisbiy balandligi, maydoni, perimetri, shakli, tashqi ko‘rinishi, geografik koordinatalari, foydalanilishi) aniqlash asosida moddiy madaniy meros obektlari kadastr ma’lumotlari takomillashtirilgan; 
Toshkent viloyati madaniy-tarixiy rekreatsion-turistik obektlarining landshaftlar bilan o‘zaro aloqadorligini va kompleks tarixiy-geografik tavsifini ifodalovchi yirik masshtabli (1:100 000) kartasi yaratilgan;
viloyatdagi madaniy-tarixiy rekreatsion-turistik obektlarning shakllanishi va hududiy joylashuvida gidrologik obektlarning landshaft hosil qiliuvchi hamda hududiy rejalashtirish omili sifatidagi roli asoslangan;
viloyat madaniy-tarixiy rekreatsion-turistik obektlarining joy relefi morfologiyasi(relef shakllari, tashqi ko‘rinishi) va morfometriyasi(balandligi, qiyaligi, parchalanganligi)ga bog‘liq holda joylashuvi va hududiy tarqalish qonuniyati aniqlangan. 
IV. Tadqiqot natijalarining joriy qilinishi. Toshkent viloyati madaniy-tarixiy rekreatsion-turistik obektlarining shakllanishida tabiiy geografik omillarning rolini aniqlash bo‘yicha olingan ilmiy natijalar asosida:
Toshkent viloyatidagi rekreatsion-turistik obektlarning relef turi, balandligi, o‘lchamlari, shakli kabi o‘ziga xos geografik xususiyatlari xaqidagi ma’lumotlari O‘zbekiston Milliy teleradiokompaniyasida “Salom Toshkent!” ko‘rsatuvini tayyorlashda foydalanilgan (O‘zbekiston Milliy teleradiokompaniyasining 2025-yil 27-noyabrdagi 01-15-170-sonli ma’lumotnomasi). Natijada, Toshkent viloyatidagi madaniy-tarixiy rekreatsion-turistik obektlarning o‘ziga xos xususiyatlari to‘g‘risida keng jamoatchilikka ilmiy-ommabop ma’lumot berish imkonini bergan;
Toshkent viloyatining rekreatsion-turistik obektlari aks ettirilgan turistik kartasi O‘zbekiston Milliy teleradiokompaniyasida “Salom Toshkent!” ko‘rsatuvini tayyorlashda foydalanilgan (O‘zbekiston Milliy teleradiokompaniyasining 2025-yil 27-noyabrdagi 01-15-170-sonli ma’lumotnomasi). Natijada, viloyatdagi madaniy-tarixiy rekreatsion-turistik obektlarning o‘ziga xos xususiyatlari to‘g‘risida teletomoshabinlarga ilmiy-ommabop ma’lumot ulashish imkonini bergan;
Toshkent viloyatidagi rekreatsion-turistik obektlarning shakllanishi va joylashuvida suv manbalarining roli xaqidagi ma’lumotlari O‘zbekiston Milliy teleradiokompaniyasida “Salom Toshkent!” ko‘rsatuvini tayyorlashda foydalanilgan (O‘zbekiston Milliy teleradiokompaniyasining 2025-yil 27-noyabrdagi 01-15-170-sonli ma’lumotnomasi). Natijada, viloyatdagi ko‘pgina ziyoratgohlar va qadamjolar daryo va soylar, buloqlar yonida joylashganligi to‘g‘risida keng jamoatchilikka ilmiy-ommabop ma’lumot etkazish imkonini bergan;
Toshkent viloyati rekreatsion-turistik obektlarining joy relefiga bog‘liq holda joylashuvi va tarqalish xaqidagi ma’lumotlari O‘zbekiston Milliy teleradiokompaniyasida “Salom Toshkent!” ko‘rsatuvini tayyorlashda foydalanilgan (O‘zbekiston Milliy teleradiokompaniyasining 2025-yil 27-noyabrdagi 01-15-170-sonli ma’lumotnomasi). Natijada, viloyatdagi arxeologik yodgorliklar va obidalar daryo terrasalari va havzalarida joylashganligi to‘g‘risida keng jamoatchilikka ilmiy-ommabop ma’lumot etkazish imkonini bergan.