Юлдашева Мадина Кахрамоновнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Ҳайвонларнинг операцион ва тасодифий жароҳатлар битишига пробиотикнинг таъсири”, 16.00.01-Ҳайвонлар касалликлари диагностикаси, терапияси ва хирургияси (ветеринария фанлари).
Диссертация мавзуси рўйхатга олинган рақам: B2025.4.PhD/В193
Илмий раҳбар: Нарзиев Бахтиёр Долиевич, ветеринария фанлари номзоди, профессор.
Диссертация бажарилган муассаса номиСамарқанд давлат ветеринария медицинаси, чорвачилик ва биотехнологиялар университети.
ИК фаолият кўрсатаётган муассаса номи, ИК рақами: Самарқанд давлат ветеринария медицинаси, чорвачилик ва биотехнологиялар университети, DSc.08/2025.27.12.В.11.01.
Расмий оппонентлар: Эшбуриев Собир Бахтиёрович, ветеринария фанлари доктори, доцент; Исаев Машраб Турсунбаевич, ветеринария фанлари номзоди, катта илмий ходим.
Етакчи ташкилот: Самарқанд давлат тиббиёт университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади ҳайвонларда операцион ва тасодифий жароҳатларни даволашда Иннопровет пробиотикининг самарадорлигини, уни қўллаш ва ветеринария амалиётига жорий қилиш учун оптимал меъёрларини аниқлаш.
III. Тадқиқотнинг илмий янгилиги:
Республикамиз кинология питомникларидаги хизмат итлари ва аҳолига қарашли ит ва мушукларда операцион жароҳатлар 59,6 %, тасодифий жароҳатлар 40,4 % ни ташкил этиши, тасодифий жароҳатлар орасида энг кўп тишланган ва кесилган жароҳатларучраши аниқланган;
илк бор йирингли жароҳатларнинг қўзғатувчиси Стрептоcоccус пёгенесга нисбатан маҳаллий Иннопровет пробиотигининг юқори антимикроб самарадор эканлиги илмий исботланган;
итларнинг операцион жароҳатларини даволашда Иннопровет пробиотиги ва сипрофлоксацин антибиотигини комбинатив қўллашнинг самарадорлиги юқори эканлиги аниқланган;
қуён, ит ва мушукларда йирингли жароҳатларни даволаш учун Иннопровет пробиотиги ва антибиотик сипрофлоксацин комбинациясини қўллашнинг самарадорлиги ҳайвонларнинг клиник, гематологик ва жароҳатдаги гистологик ўзгаришларга қараб баҳоланган.
IV. Тадқиқот натижаларининг жорий қилиниши. Ҳайвонларнинг операцион ва тасодифий жароҳатлар битишига пробиотикнинг таъсири бўйича олиб борилган тадқиқот натижалари асосида: 
«Ҳайвонларнинг жароҳатларини даволашда пробиотиклардан фойдаланиш»бўйича услубий тавсиянома тасдиқланган ва Тошкент Миллий Кинология маркази, Самарқанд ва Жиззах вилоятлари Равот 9784-ҳарбий қисмда вилоятлари кинология питомникларига жорий этилган (Ветеринария ва чорвачиликни ривожлантириш Қўмитасининг 2025 йил 17 ноябрдаги 02/23-844-сон маълумотномаси). Ушбу тавсияларни хизмат итчилигида қўлланилиши натижасида итларда шикастланишлар оқибатида турли жароҳатларини самарали даволашга эришилган; 
Итларнинг йирингли жароҳатларини даволашда тузалгунга қадар ҳар куни ичимлик сувига 1,0×10⁹ КҲБ/мл Иннопровет пробиотигини қўшиб бериш, 2,0×10⁹ КҲБ/мл пробиотик эритмасини дренаж сифатида ҳамда сипрофлоксацин антибиотигини 1 мл мускул орасига қўллаш усули Тошкент Миллий Кинология маркази, Самарқанд ва Жиззах вилоятлари Равот 9784-ҳарбий қисм кинология питомникларига жорий этилган (Ветеринария ва чорвачиликни ривожлантириш Қўмитасининг 2025 йил 17 ноябрдаги 02/23-844-сон маълумотномаси). Ушбу комплекс даволаш усулини қўллаш натижасида йирингли жароҳатларнинг битишини 3-5 кунга қисқартириш имконияти яратилган, бунда иқтисодий самарадорлик сарфланган 1 сўм учун 7,1 сўмни ташкил этган.