Mamatov Sherzod Mashrabjanovichning
doktorlik dissertatsiyasi himoyasi haqida e’lon
I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): «Cabzavot ingredientlarini quritish texnologiyasini takomillashtirish», 02.00.17– «Qishloq xo‘jalik va oziq-ovqat mahsulotlariga ishlov berish, saqlash hamda qayta ishlash texnologiyalari va biotexnologiyalari» ixtisosligi (texnika fanlari).
Talabgorning ilmiy va ilmiy-pedagogik faoliyat olib borishga layoqati bo‘yicha test sinovidan o‘tgani haqida ma’lumot: /katta ilmiy xodim-izlanuvchilar institutini tamomlagan/.
Dissertatsiya mavzusi ro‘yxatga olingan raqam: 12.05.2015/B2015.2.T472.
Dissertatsiya bajarilgan muassasa nomi: Toshkent kimyo-texnologiya instituti.
IK faoliyat ko‘rsatayotgan muassasa (muassasalar) nomi, IK raqami: Toshkent kimyo-texnologiya instituti huzuridagi 16.07.2013.T.08.01 raqamli ilmiy kengash.
Ilmiy maslahatchining F.I.Sh., ilmiy darajasi va unvoni: Dodaev Quchqor Odilovich, texnika fanlari doktori, dotsent.
Rasmiy opponentlar: Salimov Zokirjan, texnika fanlari doktori, O‘zbekiston Respublikasi Fanlar akademiyasi akademigi; Mannanov Ulug‘bek Vasikovich, texnika fanlari doktori, professor; Kurbanov Jamshed Majidovich, texnika fanlari doktori, professor.
Yetakchi tashkilot: Buxoro muhandislik-texnologiya instituti.
Dissertatsiya yo‘nalishi: amaliy ahamiyatga molik.
II. Tadqiqotning maqsadi: pazandachilikda qo‘llaniladigan sabzavot ingredientlarini quritishda energiya sarfini kamaytirish va tayyor mahsulot sifatini oshirish texnologiyasini yaratishdan iborat.
III. Tadqiqotning ilmiy yangiligi: dastlabki qisqa vaqtli IQ, O‘YuCh va IQ-O‘YuCh usullarda ishlov berishni quritish ob’ektining strukturasiga, mahsulotdagi namlikning holati va IQ-vakuum quritish jarayoniga ta’siri aniqlangan;
taratilayotgan IQ spektrli nurning nazariy asoslangan fokuslash mexanizmi, nurlanishning impul`sliligi, davomiylik va zichligi, IQ nurlatkichning qoralik darajasini quritish jarayoniga tatbiq etish analitik ishlab chiqilgan, energiya aylanishining siklliligi, energiya impul`sini tanlash va maksimal FIKni ta’minlashning mexanizmi aniqlangan;
nurlatish davri va pauza oralig‘idagi matematik bog‘liqlik, namlikning bug‘lanishidagi temperatura hamda namlik gradientini impul`sli isitishda akkumulyasiyalangan issiqlik hisobiga qayta yo‘naltirish, ayni vaqtda materialni sovutish, natijada mahsulot markazidagi namlikni chekkalarga qayta tarqatish diffuziya koeffisienti orqali ifodalash ko‘rsatilgan;
sabzavotlarni IQ-vakuum usulda quritish jarayonida chegaralovchi ko‘rsatkich sifatida suvning aktivligi qabul qilinib, tadqiq qilish uslubiyoti ishlab chiqilgan;
namunadagi osmotik bog‘langan namlikning ulushi oshishining doimiy yuqori tezlikli quritish davrining davomiyligini cheklashni aniqlashdagi roli ko‘rsatilgan;
dastlabki ishlov berish va kaskadli quritishni qo‘llash orqali quritish jarayonini jadallashtirishning texnologiyasi takomillashtirilgan.
IV. Tadqiqot natijalarining joriy qilinishi: Qisqa muddatli elektrofizik usulda mahsulotga (kartoshka, sabzi va piyoz) ishlov berish bo‘yicha texnologik jarayon yaratilgan (TI: 64-23425050-03:2014, №745/1 raqam bilan ro‘yxatga olingan, 14.11.2014). Xomashyoga dastlabki IQ nur bilan ishlov berish texnologik jarayoni O‘zbekiston Respublikasi Oziq-ovqat sanoati korxonalari uyushmasi tizimiga, jumladan, OAJ «Turaqo‘rg‘on Shirinlik Agro» XK (2014 yil 12 iyundagi 14-22-son dalolatnoma), «GOLD DRIED FRUITS» MChJ (2014 yil 20 avgustdagi 14-son dalolatnoma), «TOOL PAPER» MChJlari (2014 yil 12 iyuldagi 38/1-son dalolatnoma) tomonidan ishlab chiqarishga joriy qilingan (O‘zbekiston Respublikasi Oziq-ovqat sanoati korxonlari uyushmasining 2015 yil 16 iyundagi AP/13-1330-son ma’lumotnomasi) va yillik sof iqtisodiy samara 350 mln. so‘mni tashkil qildi.
