Ражабов Шаҳбоз Холмамат ўғлининг 
фалсафа доктори (PhD) диссертацияси ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган тармоғи номи): «Хондиза кони полиметалл рудаларидан рух бойитмасини ажратиб олиш технологиясини такомиллаштириш», 04.00.14 – Фойдали қазилмаларни бойитиш (техника фанлари). 
Диссертация мавзуси рўйхатга олинган рақам: В2025.4.PhD/Т6138.
Илмий раҳбар: Хакимов Камол Жураевич, техника фанлари фалсафа доктори, доцент.
Диссертация бажарилган муассасалар номи: Қарши давлат техника университети.
ИК фаолият кўрсатаётган муассаса номи, ИК рақами: Қарши давлат техника университети, PhD.03/2025.27.12.Т.17.04. 
Расмий оппонентлар: Алматов Илҳомжон Мирзабек ўғли, техника фанлари доктори, катта илмий ходим; Хасанов Адхам Аманкулович, техника фанлари фалсафа доктори (PhD), доцент.
Етакчи ташкилот: Миллий технологик тадқиқотлар университети “МИСиС”нинг Олмалиқ шаҳридаги филиали.
Диссертация йўналиши: назарий ва амалий аҳамиятга молик. 
II. Тадқиқотнинг мақсади: Хондиза кони полиметалл рудаларидан рух бойитмасини ажратиб олиш технологиясини такомиллаштиришдан иборат.
III. Тадқиқотнинг илмий янгилиги:
рухни бойитмага ажралишини 73,16% гача ва бойитмадаги миқдорини 55,9 % гача ошишириш имконини берадиган флотация усулида бойитиш учун янги реагентлар режими асослаб берилган;
икки босқичли назорат флотацияси учун оптимал режим ишлаб чиқилган бўлиб ИИ-босқич назорат флотацияси жорий этилиши ҳисобига рухни ажралишини 12,84% га оширилиши асосланган;
рух бойитмаси таркибидаги зарарли таъсир этувчи қўрғошин миқдорини камайтиришга эришувчи флотация усулида бойитишнинг оптимал реагентлар параметрлари аниқланган;
полиметалл рудалардан рух ва бошқа рангли металлар бойитмасини комплекс ажратиб олишнинг технологик схемаси яратилиб, оптимал реагентлар режими аниқланган, ҳамда саноат миқёсида қўлланилиш учун мос келадиган дастгоҳлар занжири схемаси ишлаб чиқилган. 
IV. Тадқиқот натижаларининг жорий қилиниши. Полиметалл рудалардан рух ва рангли металларни бойитмага комплекс ажратиб олиш технологиясини ишлаб чиқиш бўйича олинган илмий натижалар асосида: 
Хондиза конининг полиметалл рудаларидан рухни бойитишнинг технологик схемаси “ОКМК” АЖнинг Хондиза бойитиш фабрикасида амалиётга жорий этилган (“Олмалиқ КМК” АЖнинг 2025 йил 4 декабрдаги 12-25/61-02890-сонли маълумотномаси). Натижада, икки босқичли назорат флотацияси ва ИИ-асосий флотация босқичида йиғувчи ва кўпик ҳосил қилувчи реагент миқдорини оширилишини, шунингдек, ИИ-босқич назорат флотациясида реагентлар оптимал сарфини (120±60 г/т БКК) оширишни ўз ичига олган бўлиб, бу рухни ажратиб олиш даражасини 73,16 % гача кўтариш имконини берган; 
таклиф этилган янги флотация реагентлар режими “ОКМК” АЖнинг Хондиза бойитиш фабрикасида амалиётга жорий этилган (“Олмалиқ КМК” АЖнинг 2025 йил 4 декабрдаги №12-25/61-02890-сонли маълумотномаси). Натижада, рухни ажратиб олиш даражасини 73,16 % гача, бойитмадаги Зн миқдорини эса 55,9 % гача ошириш имконини берган; 
рух ва рангли металларни ажратиб олишнинг комплекс технологияси “ОКМК” АЖнинг Хондиза бойитиш фабрикасида амалиётга жорий этилган (“Олмалиқ КМК” АЖнинг 2025-йил 4-декабрдаги №12-25/61-02890-сонли маълумотномаси). Натижада, ИИ-асосий рух флотациясида рух ажратиб олиш даражаси оширилган, ИИ-назорат флотацияси босқичининг жорий этилиши эса қўшимча равишда рухни ажратиб олиш имконини берган.