Суюндиков Мухриддин Кобуловичнинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган фан тармоғи номи): “Ситостатик фаолликка эга наномицеллалар синтези ва хоссалари”, 02.00.10 - Биоорганик кимё (кимё фанлари).
Диссертация мавзуси рўйхатга олинган рақам: B2025.4.PhD/K1088.
Илмий раҳбар: Тураев Аббасхан Сабирханович, кимё фанлари доктори, академик.
Диссертация бажарилган муассасалар номи: Биоорганик кимё институти.
ИК фаолият кўрсатаётган муассаса номи, ИК рақами: Биоорганик кимё институти, DSc.05/2025.27.12.K/B.18.01.
Расмий оппонентлар: Нормахаматов Нодирали Сохобаталиевич, кимё фанлари доктори; Абдулладжанова Нодира Гуломжановна, кимё фанлари доктори, профессор.
Етакчи ташкилот: Ўзбекистон миллий университети.
Диссертация йўналиши: назарий ва амалий аҳамиятга молик. 
II. Тадқиқотнинг мақсади: гепатоселлюляр карсиномага йўналтирилган таъсирга эга, организмда самарадорлиги юқори бўлган наномицелляр тизимларни синтез қилиш, уларга тиббиёт амалиётида кенг қўлланилаётган ситостатикларни юклаш, уларнинг физик-кимёвий хусусиятлари ва биологик фаоллигини аниқлашдан иборат.
III. Тадқиқотнинг илмий янгилиги:
дори воситасини ташувчи наномицелла асосини синтез қилишнинг мақбул реакция шароитлари аниқланган ва кимёвий тузилиши спектроскопик усуллар ёрдамида исботланган;
полиетилен гликол (ПЕГ2000) ва C16 серамид асосида наномицеллаларнинг критик мицелляр консентрацияси ва барқарорлиги баҳоланиб, уларга ДОХ ва силимариннинг юкланиш коеффициенти ва инкапсуляция самарадорлиги аниқланган;
физик-кимёвий тадқиқот усуллари ёрдамида наномицелла асоси ва ситостатик фаолликга эга наномицеллаларнинг ҳажми, морфологияси, термик барқарорлиги, ўртача гидродинамик диаметри ҳамда полидисперслик индекслари аниқланган;
ситостатик фаолликга эга наномицеллаларнинг ин витро ва ин виво шароитларда биологик фаолликлари аниқланган ҳамда улар асосида мақсадли ва хавфсиз дори йетказиб берадиган нанотузилишли ситостатик бирикмалар олиш мумкинлиги исботланган. 
IV. Тадқиқот натижаларининг жорий қилиниши. Ситостатик фаолликка эга наномицеллаларни олиш ва уларнинг хоссаларини ўрганиш бўйича олинган илмий натижалар асосида:
ПЕГ2000 ва C16 серамид асосида саратоннинг гепатоселлюляр карсинома турига қарши дори воситаларини етказиб берувчи наномицелляр тизимларнинг олиш усулига Ўзбекистон Республикаси Интеллектуал мулк агентлигининг фойдали моделга патенти олинган (№ ФАП 2938). Натижада, ДОХ тутган наномицелла тузилишли саратоннинг гепатоселлюляр карсинома турига қарши танлаб таъсир этувчи, заҳарлилиги кам бўлган дори воситасини олиш имконини берган;
полимер ва липид асосидаги наномицеллага дори моддасини юклаш ва самарадорлигини ўрганиш ҳамда наностурктураларнинг критик мицелляр консентрациясини аниқлаш усулларидан Биоорганик кимё институтида 2025-йилида бажарилган “Биопарчаланувчан макромолекуляр тизимларнинг тирик организм билан ўзаро таъсирини ўрганиш, жарроҳлик амалиёти ҳамда микроигналар олиш учун янги авлод биоматериалларни яратиш” мавзусидаги базавий молиялаштириш дастурида доирасидаги тадқиқотларда фойдаланилган (Ўзбекистон Республикаси Фанлар академиясининг 2026 йил 7 апрелдаги  4/1255-907-сон маълумотномаси). Натижада, дастур доирасида полимер ва липид асосида олинган наномицеллаларга дори моддасини юклаш ва сувли муҳитда барқарор наномицеллалар ҳосил қилиниши имконини берган.