Қозақов Файзирахмон Ахмаджон ўғлининг
 фалсафа доктори (PhD) диссертацияси ҳимояси ҳақида эълон

I.Умумий маълумотлар.
 Диссертация мавзуси, ихтисослик шифри: 05.06.02–Тўқимачилик материаллари технологияси ва хомашёга дастлабки ишлов бериш - “Тўқималарни тўқиш жараёнида ҳаракатланаётган танда ипларини таранглиги турғунлигини таъминлаш имкониятларини тадқиқ этиш”.
Диссертация мавзуси рўйхатга олинган рақам: B2025.3.PhD/T5975
Илмий раҳбар:Алиева Дилбар Ганиевна, техника фанлари доктори, доцент.
Диссертация бажарилган муассаса номи: Наманган давлат техника университети
ИК фаолият кўрсатаётган муассаса номи, ИК рақами: Наманган давлат техника университети, DSc.03/2025.27.12.T.15.03
Расмий оппонентлар: Валиев Гулам Набиджанович, техника фанлари доктори, профессор; Абдуллаев Улуғбек Тўланбаевич, техника фанлари доктори, профессор
Етакчи ташкилот: Жиззах политехника институти.
Диссертация йўналиши: назарий ва амалий аҳамиятга молик.
II.Тадқиқотнинг мақсади: тўқима тўқиш технологик жараёнида, тўқув дастгоҳидаги танда ипларининг  таранглигини  ростлаш, тўқима сифатини яхшилаш ҳамда тўқима тўқиш унумдорлигини оширишдан иборат 
III.Тадқиқотнинг илмий янгилиги қуйидагилардан иборат:
тўқув дастгоҳининг скало мосламасига қўшимча мослама сифатида ҳамда скало мосламасидан фарқли равишда тўқув дастгоҳида танда ипларини  таранглигини дастгоҳнинг бутун эни бўйича ростловчи компенсатор мосламасини конструксияси яратилган;
тўқув дастгоҳидаги тарангликларни бир меъёрга келтириш учун такомиллаштирилган компенсатор валини эркин қопланган лист параметрларини (листнинг кўндаланг кесим юзаси,  листнинг қалинлиги, лист қопланган вални узунлиги) аниқланган;
танда ипларининг вал устида жойлашган листга (компенсаторга) тегиб турган ҳолатида ҳосил бўладиган ёйнинг геометрик параметрлари таҳлил қилиниб, уларнинг натижасида юзага келадиган ёй узунлиги аниқланган; 
тўқув дастгоҳида танда ипларининг таранглигига таъсир этувчи асосий технологик ва конструктив параметрларга боғлиқликни ифодаловчи адекват регрессион тенгламаси ишлаб чиқилган. 
IV. Тадқиқот натижаларининг жорий қилиниши. Тўқималарни тўқишда танда ипларининг таранглигини меъёрлаштириш ва уларни синов жараёнидаги узунликларига боғлиқлигини аниқлаш усули бўйича олинган илмий натижалар асосида:
СТБ – 220 тўқув дастгоҳларида ишлатиладиган оҳорланган танда ипларининг физик-механик хоссаларини муқобиллаштириш усулини “Ҳоме техтиле НТ” МЧЖ корхонасида  ишлаб чиқаришга жорий этилган (“Ўзтўқимачиликсаноат” уюшмасининг 2025-йил 22-декабрдаги №02/06-2937-сонли маълумотномаси). Натижада танда ипларининг таранглиги 45.3% га камайган, олинган тўқима мустаҳкамлиги: танда ипи йўналиши бўйича 13.71 % га ошган, тўқув жараёнида танда ва арқоқ ипларининг узулишлари сони 28.5 % камайган, дастгоҳнинг ишлаб чиқариш самарадорлиги 19 % га ошган.