Акрамова Нозима Акрамовнанинг
фалсафа доктори (PhD) диссертацияси ҳимояси ҳақида эълон
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Юз-жағ соҳаси суяклари травматик шикастланишининг нур ташхиси», 14.00.19–Клиник радиология (тиббиёт фанлари).
Диссертация мавзуси рўйхатга олинган рақам: B2017.3.PhD/Tib359.
Илмий раҳбар: Хаджибеков Марат Худайкулович,тиббиёт фанлари доктори, профессор.
Диссертация бажарилган муассаса номи: Тошкент давлат стоматология институтида бажарилган.
ИК фаолият кўрсатаётган муассаса (муассасалар) номи, ИК рақами: Республика ихтисослаштирилган онкология ва радиология илмий-амалий тиббиёт маркази, DSc.04.12.2018.Tib.77.01.
Расмий оппонентлар: Икрамов Адхам Ильхамович, тиббиёт фанлари доктори, профессор; Амануллаев Рустам Азимджанович, тиббиёт фанлари доктори, профессор.
Етакчи ташкилот: Самарқанд давлат тиббиёт институти.
Диссертация йўналиши: амалий аҳамиятга молик.
II. Тадқиқотнинг мақсади: юз-жағ соҳаси суяклари синишларининг мультимодал нур ташхисини такомиллаштиришдан иборат.
III. Тадқиқотнинг илмий янгилиги:
синишнинг анатомик локализациясига қараб юз-жағ соҳаси суяклари жароҳатларида рентгенографияга қўшимча равишда сонография асосида жароҳатланган суякларни бирламчи ташхислашнинг тактик жиҳати асосланган;
синган бўлакларнинг репозицияси сонографик ташхисот асосида бажарилиши даволаш муолажаларини яхшилаш ва жароҳатларни сифатли битишини таъминлашга асосланган;
суяк бўлаклари битишини ва суяк қадоғи ҳосил бўлишини мониторинг қилишда қайта сонографик ташхислаш беморнинг ортиқча рентген нурланишининг олдини олиш механизми асосланган;
юз-жағ соҳаси суяклари травматик жароҳатларининг локализациясига боғлиқ равишда нур ташхислаш усулларини уйғун қўллаш касалликни ташхислаш самарадорлигини ошириш асосланган.
IV. Тадқиқот натижаларининг жорий қилиниши.
Юз-жағ соҳаси суяклари травматик шикастланишининг нур ташхислаш тартибини яхшилаш бўйича олинган илмий натижалар асосида:
«Юз-жағ сохаси суякларининг синишида нур ташхисоти» услубий қўлланмаси тасдиқланган (Соғлиқни сақлаш вазирлигининг 2018 йил 12 ноябрдаги 8н-д/303-сон маълумотномаси). Мазкур услубий қўлланма юз-жағ соҳаси суякларининг синишида нур ташхисоти орқали суякларнинг синишини тўғри тактик жиҳатдан ташхислаш ва даволаш сифатини ошириш ҳамда касаллик асоратларининг олдини олиш имконини берган;
юз-жағ соҳаси суяклари жароҳатларини нур ташхислашни яхшилаш бўйича олинган илмий натижалар соғлиқни сақлаш тизимига, жумладан, Тошкент тиббиёт академиясининг 3-клиникаси ҳамда Фарғона вилоят стоматологик касалхонаси жарроҳлик стоматология бўлимларининг клиник амалиётига татбиқ этилган (Соғлиқни сақлаш вазирлигининг 2018 йил 12 ноябрдаги 8Нд/303-сон маълумотномаси). Олинган илмий натижаларнинг амалиётга жорий қилиниши жароҳатларнинг комплекс нурли ташхисида сонографиядан фойдаланган ҳолда олинган натижалар ташхис ва беморга нур юкламасини ва иқтисодий харажатларни камайтириш имконини берган.