Akramova Nozima Akramovnaning
falsafa doktori (PhD) dissertatsiyasi himoyasi haqida e’lon
I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): «Yuz-jag‘ sohasi suyaklari travmatik shikastlanishining nur tashxisi», 14.00.19–Klinik radiologiya (tibbiyot fanlari).
Dissertatsiya mavzusi ro‘yxatga olingan raqam: B2017.3.PhD/Tib359.
Ilmiy rahbar: Xadjibekov Marat Xudaykulovich,tibbiyot fanlari doktori, professor.
Dissertatsiya bajarilgan muassasa nomi: Toshkent davlat stomatologiya institutida bajarilgan.
IK faoliyat ko‘rsatayotgan muassasa (muassasalar) nomi, IK raqami: Respublika ixtisoslashtirilgan onkologiya va radiologiya ilmiy-amaliy tibbiyot markazi, DSc.04.12.2018.Tib.77.01.
Rasmiy opponentlar: Ikramov Adxam Il`xamovich, tibbiyot fanlari doktori, professor; Amanullaev Rustam Azimdjanovich, tibbiyot fanlari doktori, professor.
Yetakchi tashkilot: Samarqand davlat tibbiyot instituti.
Dissertatsiya yo‘nalishi: amaliy ahamiyatga molik.
II. Tadqiqotning maqsadi: yuz-jag‘ sohasi suyaklari sinishlarining mul`timodal nur tashxisini takomillashtirishdan iborat.
III. Tadqiqotning ilmiy yangiligi:
sinishning anatomik lokalizatsiyasiga qarab yuz-jag‘ sohasi suyaklari jarohatlarida rentgenografiyaga qo‘shimcha ravishda sonografiya asosida jarohatlangan suyaklarni birlamchi tashxislashning taktik jihati asoslangan;
singan bo‘laklarning repozisiyasi sonografik tashxisot asosida bajarilishi davolash muolajalarini yaxshilash va jarohatlarni sifatli bitishini ta’minlashga asoslangan;
suyak bo‘laklari bitishini va suyak qadog‘i hosil bo‘lishini monitoring qilishda qayta sonografik tashxislash bemorning ortiqcha rentgen nurlanishining oldini olish mexanizmi asoslangan;
yuz-jag‘ sohasi suyaklari travmatik jarohatlarining lokalizatsiyasiga bog‘liq ravishda nur tashxislash usullarini uyg‘un qo‘llash kasallikni tashxislash samaradorligini oshirish asoslangan.
IV. Tadqiqot natijalarining joriy qilinishi.
Yuz-jag‘ sohasi suyaklari travmatik shikastlanishining nur tashxislash tartibini yaxshilash bo‘yicha olingan ilmiy natijalar asosida:
«Yuz-jag‘ soxasi suyaklarining sinishida nur tashxisoti» uslubiy qo‘llanmasi tasdiqlangan (Sog‘liqni saqlash vazirligining 2018 yil 12 noyabrdagi 8n-d/303-son ma’lumotnomasi). Mazkur uslubiy qo‘llanma yuz-jag‘ sohasi suyaklarining sinishida nur tashxisoti orqali suyaklarning sinishini to‘g‘ri taktik jihatdan tashxislash va davolash sifatini oshirish hamda kasallik asoratlarining oldini olish imkonini bergan;
yuz-jag‘ sohasi suyaklari jarohatlarini nur tashxislashni yaxshilash bo‘yicha olingan ilmiy natijalar sog‘liqni saqlash tizimiga, jumladan, Toshkent tibbiyot akademiyasining 3-klinikasi hamda Farg‘ona viloyat stomatologik kasalxonasi jarrohlik stomatologiya bo‘limlarining klinik amaliyotiga tatbiq etilgan (Sog‘liqni saqlash vazirligining 2018 yil 12 noyabrdagi 8Nd/303-son ma’lumotnomasi). Olingan ilmiy natijalarning amaliyotga joriy qilinishi jarohatlarning kompleks nurli tashxisida sonografiyadan foydalangan holda olingan natijalar tashxis va bemorga nur yuklamasini va iqtisodiy xarajatlarni kamaytirish imkonini bergan.
