Бухоров Исмоил Неъматовичнинг
фалсафа доктори (PhD) диссертацияси ҳимояси ҳақида
 эълон

I. Умумий маълумотлар. Диссертация мавзуси, ихтисослик шифри (илмий даража бериладиган фан тармоғи номи): “Бўлажак мутахассис кадрларнинг касбий компетентлигини андрогогик ёндашув асосида ривожлантириш”, 13.00.02–“ Таълим ва тарбия назарияси ва методикаси”.
Диссертация мавзуси рўйхатга олинган рақам: B2026.1.PhD/Ped7295
Илмий раҳбарнинг Ф.И.Ш., илмий даражаси ва унвони: педагогика фанлари доктори, профессор, Усаров Жаббор Эшбекович.
Диссертация бажарилган муассаса номи: “Тошкент ирригация ва қишлоқ хўжалигини механизациялаш муҳандислари институти” Миллий тадқиқот университети 
ИК фаолият кўрсатаётган муассаса номи, ИК рақами: “Тошкент ирригация ва қишлоқ хўжалигини механизациялаш муҳандислари институти” Миллий тадқиқот университети (мустақил кенгаш).
Расмий оппонентлар: Хаджибеков Садриддин Насриддинович педагогика фанлари доктори, доцент; Исақов Абдусаид Жалилович техника фанлари доктори, профессор.
Етакчи ташкилот: Жиззах политехника институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: бўлажак мутахассис кадрларнинг касбий компетентлигини андрагогик ёндашув асосида ривожлантиришдан иборат.
III. Тадқиқотнинг илмий янгилиги:  
бўлажак мутахассис кадрларнинг касбий компетентлигини ривожлантиришнинг назарий жиҳатлари ва дидактик имкониятлари мутахассисликка кириш жараёнининг диагностика, коррексия, стимуляция босқичларини мустақил таълим мазмунига устоз шогирд муносабатида киритиш орқали очиб берилган;
андрагогик ёндашув шароитида бўлажак мутахассис кадрларнинг касбий компетентлигини такомиллаштириш модели касбий фаолиятга оид академик топшириқларни ўзлаштиришнинг рақамли мобиллигини таъминлаш усулларини репродуктивлик, продуктивлик, креативлик каби касбий етилиш даражалари билан дидактик синергиясига устуворлик бериш асосида такомиллаштирилган;
бўлажак мутахассис кадрларнинг касбий компетентлигини андрагогик ёндашув асосида ривожлантириш методикаси талабаларда тезкорлик, ижтимоий сергаклик, тизимли бошқариш каби педагогик таъсир компетенсияларини шакллантиришга йўналтирилган “Эдумен”, “ПР-менеджер”, “АндроПед” каби интерфаол усулларни ишбилармонлик ва СМАРТ-тиме муҳитида конструктив-инструментал қўллаш асосида такомиллаштирилган;
таълимни рақамлаштириш шароитида бўлажак мутахассис кадрларнинг касбий компетентлигини ривожланганлик даражасини баҳолаш мезонлари кузатиш, ўрганиш ва қўллаш каби трансформатив кўникмалар ҳамда методик йўналганлик малакаларини “билимдан тажрибага” муносабатидаги ижодий топшириқлар мазмунига назоратли импулс асосида киритиш орқали такомиллаштирилган. 
IV. Тадқиқот натижаларининг жорий қилиниши: Талабаларнинг касбий компетентлигини андрагогик ёндашув асосида ривожлантиришга оид тадқиқот натижалари асосида:
бўлажак мутахассис кадрларнинг андрагогик компетентлигини шакллантиришнинг назарий жиҳатлари ва дидактик имкониятлари мутахассисликка кириш жараёнининг мустақил таълим мазмунига устоз-шогирд муносабатида киритиш асосида “Педагогик диагностика ва коррексия” номли ўқув қўлланма мазмунига сингдирилган (Ўзбекистон Республикаси Олий таълим, фан ва инновациялар вазирлигининг 2023 йил 6-ноябрдаги 491-сонли буюруғига асосан №491212-сон маълумотномаси). Натижада, талабалар мустақил таълимини ташкил этишда устоз шогирд муносабатлари шаклланишига асос бўлган;
таълимни рақамлаштириш шароитида бўлажак мутахассисларнинг касбий компетентлигини такомиллаштириш модели репродуктивлик, продуктивлик, креативлик каби касбий етилиш даражаларига устуворлик бериш асосидаги таклифлар “Педагогик диагностика ва коррексия” номли дарслик мазмунига сингдирилган (Ўзбекистон Республикаси Олий таълим, фан ва инновациялар вазирлигининг 2024-йил 27-декабрдаги 485-сонли буюруғига асосан №804134-сон маълумотномаси). Натижада талабаларнинг ижодий-касбий фаолиятини ривожлантиришга йўналтирилган дидактик  имконияти оширилган;
талабаларнинг касбий компетентлигини андрагогик ёндашув асосида ривожлантириш методикаси талабаларда тезкорлик, ижтимоий сергаклик, тизимли бошқаришга йўналтирилган “Блиц”, “ПР-менеджер”, “АндроПед” каби интерфаол усулларни ишбилармонлик ва СМАРТ-тиме муҳитида конструктив-инструментал қўллашга доир тавсиялар Ўзбекистон Республикасининг “ЗЎР ТВ” телеканалида эфирга узатилган “Ўзимизда” ток шоу кўрсатуви мазмунида баён этилган (Ўзбекистон Республикаси Олий таълим, фан ва инновациялар вазирлиги Олий таълимни ривожлантириш тадқиқотлари марказининг 2026-йил 13-февралдаги 01/01-01-90-сонли маълумотномаси). Натижада бўлажак мутахассисларнинг андрагогик ёндашув асосида ўқитиш методикасини конструктив-инструментал қўллашга доир илмий қарашлар муносабати ўрнатилган.