Саттаров Алижон Бозорбоевичнинг

фалсафа доктори (PhD) диссертацияси ҳимоясиҳақида эълон

I. Умумий маълумотлар.

Диссертация мавзуси, ихтисослик шифри (илмий даража бериладиган фан тармоғи номи): «ГОСТ 28147-89 алгоритми бардошлилигини чизиқли-дифференциал ва алгебраик криптотаҳлил усуллари ёрдамида баҳолаш ва бардошлилиги юқори бўлган шифр яратиш», 05.01.05–Ахборотларни ҳимоялаш усуллари ва тизимлари. Ахборот хавфсизлиги (физика-математика фанлари).

Диссертация мавзуси рўйхатга олинган рақам: B2018.1.PhD/FM190.

Илмий раҳбар: Абдурахимов Бахтиёр Файзиевич, физика-математика фанлари доктори, профессор.

Диссертация бажарилган муассаса номи: Ўзбекистон Миллий университети.

ИК фаолият кўрсатаётган муассаса номи, ИК рақами: Ўзбекистон Миллий университети, DSc.27.06.2017.FM.01.02.

Расмий оппонентлар: Туйчиев Ғулом Нумонович, физика-математика фанлари доктори; Худойқулов Зариф Тўрақулович, техника фанлари бўйича фалсафа доктори (PhD).

Етакчи ташкилот: «UNICON.UZ» давлат унитар корхонаси.

Диссертация йўналиши: назарий ва амалий аҳамиятга молик.

II. Тадқиқотнинг мақсади: ГОСТ 28147-89 шифрлаш алгоритми бардошлилигини чизиқли-дифференциал ва алгебраик криптотаҳлил усуллари ёрдамида баҳолаш ҳамда криптобардошлилиги юқори бўлган блокли симметрик шифрлаш алгоритмини ишлаб чиқишдан иборат.

III. Тадқиқотнинг илмий янгилиги:

криптографик акслантиришларни қуйи даражали алгебраик тенгламалар орқали ифодалаш усули ишлаб чиқилган;

SP тармоғига асосланган шифрлаш алгоритми яратилган ҳамда унинг бардошлилиги баҳоланган;

ўрин алмаштириш асосида максимал алгебраик иммунитетга ва юқори чизиқсизлик даражасига эга бўлган 8х8 ўлчамли S-блок қуриш алгоритми ишлаб чиқилган;

чекли майдонда аниқланган 8х8 ўлчамли тезкор ва инволютив MDS матрица ишлаб чиқилган;

SP тармоғига асосланган ва бардошлилиги юқори бўлган янги блокли симметрик шифрлаш дастури яратилган.

IV. Тадқиқот натижаларининг жорий қилиниши.

ишлаб чиқилган S-блок қуриш алгоритми Ўзбекистон Республикаси Мудофаа вазирлиги тизимидаги «Zebra» дастурий таъминотида S-блокларни ишлаб чиқишда фойдаланилган (Радиоэлектрон тизимлар ва ахборот технологиялари марказининг 2019 йил 8 апрелдаги 20/2061-сон маълумотномаси). Илмий натижанинг қўлланилиши ихтиёрий чекли сондаги турли хил S-блок жадвалларини қисқа вақт давомида ишлаб чиқишга имкон берган;

ишлаб чиқилган S-блок қуриш алгоритми Ўзбекистон Республикаси Мудофаа вазирлиги тизимидаги «Generator» дастурий таъминотида S-блокларни ишлаб чиқишда фойдаланилган (Радиоэлектрон тизимлар ва ахборот технологиялари марказининг 2019 йил 8 апрелдаги 20/2061-сон маълумотномаси). Илмий натижанинг қўлланилиши юқори чизиқсизлик даражасига эга бўлган ўлчами 8х8 бўлган алмаштириш жадвалларини қисқа вақт давомида ишлаб чиқишга имкон берган.