Маҳмадуллаев Жасурбек Одилжон ўғлининг 
фалсафа доктори (PhD) диссертацияси ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган тармоғи номи): «Модификацияланган полимер олтингугурт олиш технологиясини ишлаб чиқиш ва қўллаш», 02.00.14 – Органик моддалар ва улар асосидаги материаллар технологияси (техника фанлари).
Диссертация мавзуси рўйхатга олинган рақам: В2025.3.PhD/Т5836. 
Илмий раҳбар: Соттиқулов Элёр Сотимбоевич, техника фанлари доктори, катта илмий ходим.
Диссертация бажарилган муассаса номи: Тошкент кимё-технология илмий тадқиқот институти. 
ИК фаолият кўрсатаётган муассаса номи, ИК рақами: Тошкент кимё-технология илмий тадқиқот институти, DSc.30/2025.27.12.К/Т.01.01.
Расмий оппонентлар:  Ёдгоров Нормуҳаммад, кимё фанлари доктори, профессор; Назаров Сайфулло Ибодуллаевич, техника фанлари номзоди, профессор.
Етакчи ташкилот: Наманган давлат техника университети.
Диссертация йўналиши: назарий ва амалий аҳамиятга молик. 
II. Тадқиқотнинг мақсади: маҳаллий хомашёлар асосида модификацияланган полимер олтингугурт олиш технологиясини ишлаб чиқиш ҳамда унинг амалий қўлланилиш имкониятларини аниқлашдан иборат.
III. Тадқиқотнинг илмий янгилиги: 
модификацияланган полимер олтингугурт олиш жараёнида ҳарорат 165℃ ҳамда унга инициатор сифатида аммоний персулфати ишлатилганда энг юқори самарадорликка эришиши аниқланган;
танлаб олинган модификатор ёрдамида модификацияланган полимер олтингугуртнинг кристаллик даражаси 92,97% дан 39,48 % га камайиб амморф ҳолатига ўтганлиги аниқланган;
модификацияланган полимер олтингугурт 101-Н, 101-Л, 301-Л, 201, ҲФ5366 ва ҲА6000 маркали резина қоришмаларида қўлланилганда олинган материалларнинг физик механик хоссалари 2-10% га ортиши исботланган;
олинган полимер олтингугурт БНД 60/90 маркали битумни модификация қилишда қўлланилганда юмшаш ҳарорати 10-12% га ортиши, мўртлик даражаси -18℃ гача пасайиши аниқланган;
ярим саноат шароитида полимер олтингугурт олиш технологияси ишлаб чиқилган ва техник иқтисодий самарадорлиги асосланган.
IV. Тадқиқот натижаларининг жорий қилиниши. Модификацияланган полимер олтингугурт олиш технологиясини ишлаб чиқиш ва қоʻллаш боʻйича олинган илмий натижалар асосида: 
маҳаллий хомашёлар асосида олинган модификацияланган полимер олтингугурт “Биринчи Резинатехника заводи” МЧЖ ХКда амалиётга жорий қилинган (“Биринчи Резинатехника заводи” МЧЖ ХКнинг 2025 йил 24 июлдаги 09/1-492-сонли маълумотномаси). Натижада, конвеер тасмаларининг ва автомобил шиналарининг бошқа турдаги резина қоришмаларида ҳам қоʻллаш имконини берган;
импорт ўрнини босувчи вулқонлаш агенти сифатида эримайдиган олтингугурт “Биринчи Резинатехника заводи” МЧЖ ХКнинг резина қоришмалари цехида амалиётга жорий қилинган (“Биринчи Резинатехника заводи” МЧЖ ХК нинг 2025 йил 24 июлдаги 09/1-492-сонли маълумотномаси). Натижада, импорт маҳсулотларни маҳаллийлаштириш имконини берган.