Рахмонова Гулхаёхон Авазбековнанинг 
фалсафа доктори (PhD) диссертацияси химояси ҳақида эълон

I.Умумий маълумотлар. Диссертация мавзуси, ихтисослик шифри (илмий даража бериладиган фан тармоғи): «Онкогематологик касалликларни даволашда тизимли фармацевтик ёрдамни моделлаштириш», 15.00.03 - Фармацевтика ишини ташкил этиш (фармацевтика фанлари).
Диссертация мавзуси рўйҳатга олинган рақам: В2023.1.PhD/Far104.
Илмий раҳбар: Умарова Шахноз Зиятовна, фармацевтика фанлари номзоди, профессор.
Диссертация бажарилган муассаса: Тошкент фармацевтика институти. 
ИК фаолият кўрсатаётган муассаса, ИК раками: Тошкент фармацевтика институти, DSc.06/2025.27.12.Far.23.01.
Расмий оппонентлар: Ганиева Хилола Гайратовна, фармацевтика фанлари доктори, доцент; Зайнутдинов Хикматилла Суннатович, фармацевтика фанлари доктори, профессор.
Етакчи ташкилот: Ўзбекистон Республикаси Соғлиқни сақлаш вазирлиги ҳузуридаги “Фармацевтика маҳсулотлари хавфсизлиги маркази” Давлат муассасаси.
Диссертация йўналиши: назарий ва амалий аҳамиятга молик.
II. Тадқиқотнинг мақсади онкогематологик касалликларда қўлланиладиган дори воситаларни маркетинг ва фармакоиқтисодий таҳлиллари асосида эҳтиёжни прогноз қилиш ва тизимли фармацевтик  ёрдам моделини ишлаб чиқишдан иборат.
III.  Тадқиқотнинг илмий янгилиги: 
онкогематологик касалликлар билан касалланган беморларга фармацевтик ёрдамни мақбуллаштириш бўйича модель ва ушбу моделни амалга оширишни ташкилий-иқтисодий асосланиши ишлаб чиқилган;
илк бор сурункали миелолейкоз касаллиги билан касалланган беморларни даволашда қўлланиладиган дори воситаларининг клиник ва иқтисодий самарадорлиги тизимли ва мета-таҳлил усуллари асосида аниқланган;
фармакоиқтисодий моделлаштириш асосида сурункали миелолейкоз касаллигини даволашда қўлланиладиган таргет терапия (иматиниб) дори воситасининг иқтисодий самарадорлиги интерферон альфа дори воситасининг иқтисодий самарадорлигига нисбатан устун эканлиги аниқланган ва иматиниб дори воситасини асосий дори воситалари рўйхатига қўшиш зарурати асосланган;
Ўзбекистон Республикаси шароитида онкогематологик касалликларини касалланиш даражаси прогноз қилинган ва ушбу касалликларда қўлланиладиган таргет дори воситаларга бўлган эҳтиёж аниқланган. 
IV. Тадқиқот натижаларининг жорий қилиниши. Онкогематологик касалликларни даволашда тизимли фармацевтик ёрдамни моделлаштириш бўйича олинган илмий натижалар асосида:
«Сурункали миелолейкоз касаллигида қўлланиладиган дори воситаларнинг иқтисодий самарадорлигини бахолаш» услубий тавсияномаси Ўзбекистон Республикаси Соғлиқни сақлаш вазирлиги ҳузуридаги Илмий техник кенгаши томонидан тасдиқланган (Ўзбекистон Республикаси Соғлиқни сақлаш вазирлиги ҳузуридаги Илмий техник кенгашининг 2025 йил 4 ноябрдаги 28-сонли хулосаси) ҳамда Республика  ихтисослаштирилган  Гематология  илмий-амалий  тиббиёт маркази  (2025 й. 30 июндаги 8-d ва 7-d-сонли буйруқлар) ва  Наманган  вилояти Соғлиқни  сақлаш  бошқармаси Наманган  шахар 1-шифохонасига  жорий қилинган(2025 й. 5 июлдаги 88 ва 89-сонли буйруқлар). Натижада, сурункали миелолейкоз касаллигида қўлланиладиган дори воситаларининг иқтисодий тадқиқотини амалга ошириш ва шу асосида иқтисодий самарадорлигини аниқлаш имконини берган;
«Онкогематология амалиётида қўлланиладиган дори воситаларини эҳтиёжини аниқлаш» услубий тавсияномаси Ўзбекистон Республикаси Соғлиқни сақлаш вазирлиги ҳузуридаги Илмий техник кенгаши томонидан тасдиқланган (Ўзбекистон Республикаси Соғлиқни сақлаш вазирлиги ҳузуридаги Илмий техник кенгашининг 2025 йил 4 ноябрдаги 28-сонли хулосаси). Натижада, онкогематологик касалликларни тарқалишини олдиндан прогноз қилиш ва шу асосида дори воситаларига бўлган эҳтиёжини аниқлаш имконини берган.