Қодиров Дилмурод Тўхтасуновичнинг

фалсафа доктори  (PhD) диссертацияси ҳимояси ҳақида эълон

I. Умумий маълумотлар.

Диссертация мавзуси, ихтисослик шифри (илмий даража бериладиган фан тармоғи номи): «Шартли Гаусс фильтрлаш усули асосида стохастик бошқарув объектлари ҳолатини адаптив баҳолаш алгоритмлари», 05.01.08–Технологик жараёнлар ва ишлаб чиқаришларни автоматлаштириш ва бошқариш (техника фанлари).

Диссертация мавзуси рўйхатга олинган рақам: B2017.2.PhD/T196.

Илмий раҳбар: Игамбердиев Хусан Закирович, техника фанлари доктори, профессор, академик.

Диссертация бажарилган муассаса номи: Тошкент давлат техника университети.

ИК фаолият кўрсатаётган муассасалар номи, ИК рақами: Тошкент давлат техника университети, DSc.27.06.2017.Т.03.02.

Расмий оппонентлар: Гулямов Шухрат Маннапович, техника фанлари доктори, профессор; Холматов Даврон Абдуалимович, техника фанлари номзоди, доцент.

Етакчи ташкилот: Бухоро муҳандислик-технология институти.

Диссертация йўналиши: назарий ва амалий аҳамиятга молик.

II. Тадқиқотнинг мақсади: шартли Гаусс фильтрлаш усули асосида стохастик бошқариш объектлари ҳолатини адаптив баҳолаш алгоритмлари ва ҳисоблаш схемаларини ишлаб чиқиш ҳамда уларни амалий қўллашдан иборат.

III. Тадқиқотнинг илмий янгилиги:

Гаусс-Зейдел усулининг блокли варианти асосида корреляцион шовқинларнинг нопараметрик тавсифида бошқариш объектларини шартли оптимал фильтрлашнинг турғун алгоритмлари ишлаб чиқилган;

ишораси аниқланмаган ёмон шартланган матрицалар тескарисини аниқлашнинг турғун амаллари асосида параметрик ғалаёнларни ҳисобга олган ҳолда бошқариш объектлари ҳолатини адаптив баҳолашнинг мунтазамлашган алгоритмлари ишлаб чиқилган;

псевдотескари матрицани қидиришнинг рекуррент алгоритмлари асосида бошқариш объектлари ҳолатини субоптимал адаптив баҳолашнинг турғун  алгоритмлари ишлаб чиқилган;

номанфий аниқланган матрицаларнинг турғун псевдомурожаат концепцияларидан фойдаланилган ҳолда субоптимал фильтрлаш амалининг редукция усули асосида ночизиқли бошқариш объектлари ҳолатини кўп қадамли баҳолашнинг турғун алгоритмлари ишлаб чиқилган.

IV. Тадқиқот натижаларининг жорий қилиниши.

Шартли Гаусс фильтрлаш усули асосида стохастик бошқариш объектлари ҳолатини адаптив баҳолаш бўйича олинган илмий натижалар асосида:

параметрик ғалаёнларни ҳисобга олган ҳолда бошқариш объектлари ҳолатини адаптив баҳолашнинг ишлаб чиқилган мунтазамлашган алгоритмлари «Muborakneftgaz» МЧЖда жорий қилинган («ЎЗНЕФТГАЗҚАЗИБЧИҚАРИШ» АЖнинг 2019 йил 30 январдаги 05/09-58ж-сон маълумотномаси). Натижада ростлагич параметрларини ҳисоблаш аниқлиги ошган;

бошқариш объектлари ҳолатини субоптимал баҳолашнинг ишлаб чиқилган турғун алгоритмлари «Muborakneftgaz» МЧЖда жорий қилинган («ЎЗНЕФТГАЗҚАЗИБЧИҚАРИШ» АЖнинг 2019 йил 30 январдаги 05/09-58ж-сон маълумотномаси). Натижада алгоритмлар газни паст ҳароратли сепарациялаш жараёнининг технологик режимини барқарорлаш имконини берган;

ночизиқли бошқариш объектлари ҳолатини кўп қадамли баҳолашнинг ишлаб чиқилган турғун алгоритмлари «Muborakneftgaz» МЧЖда жорий қилинган («ЎЗНЕФТГАЗҚАЗИБЧИҚАРИШ» АЖнинг 2019 йил 30 январдаги 05/09-58ж-сон маълумотномаси). Натижада объект параметрлари ва ғалаёнларини ҳисоблаш аниқлиги ошган.