Shokirov Asrorjon Murodjonovich
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar: 
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): “Uch o‘lchovli fazoda singulyar koeffisientli aralash tipdagi tenglamalar uchun Frankl va Gellerstedt tipidagi masalalar”, 01.01.02-Differensial tenglamalar va matematik fizika (fizika-matematika fanlari).
Dissertatsiya mavzusi ro‘yxatga olingan raqam: B2025.2.PhD/FM1292
Ilmiy rahbar: Karimov Kamoliddin To‘ychiboevich, fizika-matematika fanlari doktori.
Dissertatsiya bajarilgan muassasa nomi: Farg‘ona davlat universiteti.
IK faoliyat ko‘rsatayotgan muassasa nomi, IK raqami: Farg‘ona davlat universiteti, PhD.03/2025.27.12.FM.10.04.
Rasmiy opponentlar: Ergashev Tuxtasin Gulamjanovich, fizika-matematika fanlari doktori (DSc), dotsent;  Ruziev Menglibay Xoltojibaevich, fizika-matematika fanlari doktori (DSc), dotsent.
Yetakchi tashkilot: Samarqand davlat universiteti.
Dissertatsiya yo‘nalishi: nazariy ahamiyatga molik.
II. Tadqiqotning maqsadi. Singulyar koeffisientli uch o‘lchovli aralash tipdagi differensial tenglamalar uchun chegaraviy masalalarni echishdan iborat.
III. Tadqiqotning ilmiy yangiligi quyidagilardan iborat:
chorak silindr va ikkita uchburchakli to‘g‘ri prizmadan iborat uch o‘lchovli sohada bitta singulyar koeffisientli aralash tipdagi tenglama uchun Frankl tipidagi masalalarga o‘zgaruvchilarni ajratish usulini qo‘llab bir qiymatli echilishi isbotlangan;
chorak silindr va to‘rtta uchburchakli to‘g‘ri prizmalardan iborat uch o‘lchovli sohada bitta singulyar koeffisientli aralash tipdagi tenglama uchun ichki-chegaraviy masalalar echimlarining oshkor ko‘rinishi o‘zgaruvchilarni ajratish usulidan foydalanib topilgan; 
bitta uchburchakli to‘g‘ri prizma va chorak silindrdan iborat uch o‘lchovli sohada uchta singulyar koeffisientli aralash tipdagi tenglama uchun Trikomi hamda Trikomi-Neyman masalalari echimlarining mavjudligi va yagonaligi haqidagi teoramalar o‘zgaruvchilarni ajratish usulidan foydalanib isbotlangan;
yarim silindr va ikkita uchburchakli to‘g‘ri prizmalardan iborat uch o‘lchovli sohada uchta singulyar koeffisientli aralash tipdagi tenglama uchun Gellerstedt masalasining bir qiymatli oshkor ko‘rinishidagi echimi o‘zgaruvchilarni ajratish usulidan foydalanib topilgan. 
IV. Tadqiqot natijalarining joriy qilinishi. Uch o‘lchovli fazoda singulyar koeffisientli aralash tipdagi tenglamalar uchun Frankl va Gellerstedt tipidagi masalalar bo‘yicha olingan natijalar asosida:
singulyar koeffisientli aralash tipdagi tenglama uchun Frankl va ichki-chegaraviy masalalarni tadqiq etish natijalaridan «Vekua-Erdey-Laundes turidagi almashtirish operatorlarining differensial tenglamalarga tatbiqlari» mavzusidagi xorijiy loyihada parabolo-giperbolik tenglama uchun nolokal chegaraviy masalalarn echishda foydalanilgan (Voronej davlat universiteti, 2025-yil 31-oktyabrdagi 135-sonli ma’lumotnoma). Natijada, Bessel operatorining kasr darajasiga ega bo‘lgan aralash parabolo-giperbolik tenglama uchun nolokal chegaraviy masalalarning echimlarini topish imkonini bergan;
singulyar koeffisientli aralash tipdagi tenglamalar uchun nolokal shartlarga ega chegaraviy masalalarning echimiga oid olingan ilmiy natijalardan 374874-2022-sonli  “Fazali o‘tish masalalari va kritik hodisalari. Tenglamalarning matematik jihatlari, tezkor o‘tishlar va asimptotika” nomli xorijiy loyihada aralash tipdagi tenglamalar uchun nolokal shartli chegaraviy masalalarning echimini topishda foylanilgan (O‘sh davlat universiteti, 2025-yil 17-apreldagi №652-sonli ma’lumotnoma). Natijada, aralash tipdagi tenglamalar uchun nolokal shartli chegaraviy masalalarning echimlarini sonli qayta ishlash va ular asosida matematik modellarni yaratish imkonini bergan.