Рахматов Элёр Оманкуловичнинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган фан тармоғи номи): “Бензимидазоллар ва хиназолонлар қаторида қишлоқ хўжалиги учун самарали пестицидлар олиш технологияси”, 02.00.03 - Органик кимё (техника фанлари). 
Диссертация мавзуси рўйхатга олинган рақам: В2024.4.PhD/Т5018.
Илмий раҳбар: Абдуразаков Асқар Шералиевич, техника фанлари доктори, катта илмий ходим.
Диссертация бажарилган муассаса номи: акад. С.Й. Юнусов номидаги Ўсимлик моддалари кимёси институти.
ИК фаолият кўрсатаётган муассаса номи, ИК рақами: акад. С.Й. Юнусов номидаги Ўсимлик моддалари кимёси институти, DSc.05/2025.27.12.К/Т.20.01.М.
Расмий оппонентлар: Уринов Улуғбек Комилжонович, техника фанлари доктори, профессор; Холиков Турсунали Суюнович, кимё фанлари доктори,  профессор.
Етакчи ташкилот: Тошкент кимё-технология институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: 2-Метил-5-хлорбензимидазол ҳосилаларини синтез қилиш, уларнинг тузилишини аниқлаш, гербицид фаоллигини баҳолаш ва юқори самарали “Буран ДОС-И 50% эм.к.”ни, 5-нитро-2-пропионамидобензимидазол гербицид моддасини ҳамда инсектицид фаолликни намоён этган 6-нитро-хиназолин-4-онларни барқарор суспензиясини олиш технологиясини ишлаб чиқишдан иборат. 
III. Тадқиқотнинг илмий янгилиги:
илк бор 4-хлор-2-нитроанилинни пропион ва мой кислоталари билан реакциялари олиб борилган ва реакциянинг боришига таъсир этувчи омиллар (субстрат тузилиши, кислота табиати, реакция ҳарорати ва давомийлиги) аниқланган ҳамда реакция механизми тавсия этилган; 
2-Метил-5-хлорбензимидазол ҳосилалари қаторида 2-ҳолатдаги метилен гуруҳлари сони ортиб бориши (гомологик қатор катталашиши) билан уларнинг гербицидлик хоссаси камайиб бориши аниқланган;
илк бор 2-метил-5-хлорбензимидазол ва Н-(фосфонометил)глициннинг ўзаро таъсирлашиши натижасида юқори гербицид фаолликка эга сувда эрувчан субстанция ҳосил бўлиши аниқланган;
илк бор 2-пропионамидобензимидазолни мақсадли нитролаш амалга оширилган, реакциянинг боришига таъсир этувчи асосий омиллар (кислота табиати, реакция ҳарорати ва давомийлиги) аниқланган, ҳамда, реакция ароматик электрофил алмашиниш (СЕАр) механизмида бориши назарий асослаб берилган;
юқори пестицид фаолликка эга 2-метил-5-хлор-1Ҳ-бензо[д]имидазол-1-иум (фосфонометил)глицинат тузининг (Буран ДОС-И) 50% эм.к., 5-нитро-2-пропионамидобензимидазол, 6-нитрохиназолин-4-онларнинг физик-кимёвий хоссалари ва токсикологик хусусиятлари аниқланган;
илк бор 6-нитрохиназолин-4-оннинг ГОСТ талабларига мос бўлган 10% ли барқарор препаратив суспензион шаклини олиш мумкинлиги исботланган.
IV. Тадқиқот натижаларининг жорий қилиниши. 5-Хлорбензимидазол ва хиназолин-4-онларнинг янги ҳосилаларини синтез қилиш, кимёвий ўзгаришларини тадқиқ этиш, олинган бирикмаларни тузилишини ва биологик хоссаларини аниқлаш, шунингдек, юқори фаолликка эга субстанцияларни сувда эрувчан туз шаклларини олиш технологияларини ишлаб чиқиш бўйича олинган илмий натижалар асосида:
синтез қилинган бензимидазол ва хиназолин асосидаги бирикмаларнинг биологик фаоллигини тадқиқ қилиш  бўйича олинган илмий натижалар ЎзР ФА ЎМКИ нинг синтетик препаратлар технологияси лабораториясида базавий молиялаштириш доирасида 2022-2024-йилларда амалга оширилган тадқоқотларни бажаришда фойдаланилган (Маълумотнома №4/1255-1501 17 июн 2025 й.). Натижада, 2-аминобензимидазол ҳосиласи асосида 5-хлор-2-метил-1Ҳ-бензо[д]имидазол-1-иум(фосфонометил)глицинат тузи ва 5-нитро-2-пропионамидобензимидазол синтез қилинган, 6-нитрохиназолин-4-оннинг инсектицед фаоллиги аниқланган;
гербицид фаолликка эга 5-нитро-2-пропионамидобензимидазол субстанцияси Ўзбекистон Республикаси Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси  томонидан “5-нитро-2-пропионамидобензимидазол субстанцияси” учун техникавий шарт ва техник йўриқнома (Ц 03535440- 059:2023; ТЙ-03535440-059:2024) тасдиқланган. Натижада бир ва икки паллали бир йиллик бегона ўтларга қарши кам заҳарли ва юқори самарали гербицид олиш имконини берган.