Турғунов Авазхон Ахмаджановичнинг
фалсафа доктори (PhD) диссертация ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган фан тармоғи): «Композицион эпоксисилоксанли материалларни ишлаб чиқиш ва уларни қурилиш буюмлари технологик жиҳозларининг рельефли элементларида қўллаш», 02.00.07 – Композицион, лок-бўёқ ва резина материаллари кимёси ва технологияси (техника фанлари).
Диссертация мавзуси рўйхатга олинган рақам: В2025.4.PhD/Т6093.
Илмий раҳбар: Икрамова Муқаддас Эралиевна, техника фанлари доктори, профессор.
Диссертация бажарилган муассаса номи: Тошкент давлат техника университети «Фан ва тараққиёт» ДМ.
ИК фаолият кўрсатаётган муассаса номи, ИК рақами: Тошкент давлат техника университети «Фан ва тараққиёт» ДМ, DSc.03/2025.27.12.T.02.06. 
Расмий оппонентлар: Рисқулов Алимжон Ахмаджонович, техника фанлари доктори, профессор; Негматова Комила Сайибжановна, техника фанлари доктори, профессор. 
Етакчи ташкилот: Тошкент кимё-технология институти.
Диссертация йўналиши: амалий аҳамиятга молик.
II. Тадқиқотнинг мақсади: композицион эпоксисилоксанли материалларни ишлаб чиқиш ва уларни қурилиш буюмлари технологик жиҳозларнинг рельеф элементларида қўллашдан иборат. 
III. Тадқиқотнинг илмий янгилиги:
қурилиш темир-бетон буюмлари ва конструкциялари технологик жиҳозларининг рельеф элементларида қўллаш учун маҳаллий хомашёлардаги органоминерал ингредиентлардан фойдаланган ҳолда композицион эпоксисилоксан полимер материаллар ва қопламаларнинг самарали таркиби ишлаб чиқилган;
олигомерлар ва уларнинг қотирувчилари билан тикилган структурага эга бўлган эпоксисилоксанли тўрли полимерларнинг ҳосил бўлиши, композициянинг физик-механик ва технологик хусусиятлари, яъни адгезион мустаҳкамлигини 1,5-2,0 баравар яхшилаб, қурилиш буюмлари технологик жиҳозлари релъеф элементларининг иш унумдорлигини 8,0-15,0% га ошириши аниқланган;
композицион материални кимёвий шакллантиришда ҳаво билан таъсирлашувчи эпоксисилоксан полимерлари ишчи юзасининг ғадир-будурлиги, микроқаттиқлиги ва триботехник хусусиятлари каби параметрлари ўртасидаги боғлиқлик асосланган;
ейилишбардошли композицион эпоксисилоксанли полимер материалларнинг самарали таркибларини олиш технологияси ишлаб чиқилган;
йиғма темир-бетон, плёнкали ва листли пластмассалардан пардозбоп рельефли буюмлар ишлаб чиқаришда ишлаш қобилияти юқори бўлган технологик жиҳозларнинг ишчи элементларида қўллаш учун композицион эпоксисилоксанли ейилишбардош қопламаларнинг қаттиқлиги 1,3-1,5 марта ортганлиги аниқланган.
IV. Тадқиқот натижаларининг жорий қилиниши. Композицион эпоксисилоксан материалларини ишлаб чиқиш ва уларни қурилиш буюмлари технологик жиҳозларининг рельеф элементларида қўллаш бўйича олинган илмий натижалар асосида:
технологик жиҳозларнинг рельеф элементларида қўлланиладиган композицион эпоксисилоксанли материалларни олиш технологияси «CENTRON» МЧЖ га қарашли Жиззах темир-бетон буюмлари ишлаб чиқариш заводида амалиётга жорий этилган («O‘zsanoatqurilishmateriallari» уюшмасининг 2025 йил 28 ноябрдаги 02/15-3917-сонли маълумотномаси). Натижада, темир-бетон плита ва бетон маҳсулотларини олиш учун ишлатиладиган янги олинган ейилишбардошли композицион эпоксисилоксанли материалларнинг физик-механик ва технологик хусусиятлари, яъни адгезион мустаҳкамлиги 1,5-2,0 баравар яхшиланиб, қурилиш буюмлари технологик жиҳозлари релъеф элементларининг иш унумдорлигини 8,0-15,0% га ошириш имконини берган;
маҳаллий ва иккиламчи хом ашё асосида ишлаб чиқилган ейилишбардошли композицион эпоксисилоксанли полимер қопламаларнинг самарали таркиблари «CENTRON» МЧЖ га қарашли Жиззах темир-бетон буюмлари ишлаб чиқариш заводида амалиётга жорий этилган («O‘zsanoatqurilishmateriallari» уюшмасининг 2025 йил 28 ноябрдаги №02/15-3917-сонли маълумотномаси). Натижада, меъморий-бадиий буюмлар ва темир-бетон конструкциялар қолипларида қўлланиладиган ейилишга чидамли композицион эпоксисилоксанли полимер қопламаларнинг ейилишбардошлилигини 2,0 бараварга ошириш, истеъмол қилинадиган қувват сарфини 6,0-10,0% га камайтириш имконини берган.