Усманова Шаходат Валиджановнанинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган тармоғи номи): «Ёшлик конининг монсонитоидлари ва уларнинг маъдандорлиги (Олмалиқ маъдан майдони)», 04.00.03 – Геотектоника ва геодинамика. Петрология ва литология (геология-минералогия фанлари).
Диссертация мавзуси рўйхатга олинган рақам: B2024.1.PhD/GM143.
Илмий раҳбар: Каримова Феруза Бахтиёровна, геология-минералогия фанлари бўйича фалсафа доктори (PhD), катта илмий ходим.
Диссертация бажарилган муассасалар номи: Ўзбекистон Миллий университети.
ИК фаолият кўрсатаётган муассаса номи, ИК рақами: Геология ва геофизика институти ДМ, DSc.31/2025.27.12.GM.06.01.
Расмий оппонентлар: Турапов Мирали Камалович, геология-минералогия фанлари доктори, профессор; Қурбонов Абдуҳаким Абдувакил ўғли, геология-минералогия фанлари бўйича фалсафа доктори (PhD).
Етакчи ташкилот: “Олмалиқ кон-металлургия комбинати” АЖ.
Диссертация йўналиши: назарий ва амалий аҳамиятга молик. 
II. Тадқиқотнинг мақсади: Олмалиқ маʼдан майдони Ёшлик кони монсонитоидларининг геологик-петрографик, петрокимёвий ва геокимёвий хусусиятларини аниқлашдан иборат.
III. Тадқиқотнинг илмий янгилиги:
Олмалиқ маъдан майдонидаги Ёшлик конининг монсонитлари кичик интрузиялари монсодиоритлар, монсонитлар ва кварцли монсонитлар, ўрта ишқорли кварцли сиенитлардан ташкил топганлиги аниқланган;
Ёшлик кони маъданланишувининг шаклланишида диорит магматик тоғ жинслари, хусусан, монсодиорит ва монсонит кичик интрузив таналарнинг жойлашиши генетик жиҳатдан чамбарчас боғлиқлиги аниқланган;
монсонитоид тоғ жинсларнинг таркибида мис, олтин, кумуш, молибден, селен, теллур ва рений элементларига нисбатан геокимёвий ихтисослашуви мавжудлиги аниқланган;
монсонитоид тоғ жинслари чуқурликга тушиб бориши туфайли улар таркибида молибден элементининг миқдори ортиб бориши аниқланган.
IV. Тадқиқот натижаларининг жорий қилиниши. Ёшлик кони монсонитоидларининг петрологик-геокимёвий хусусиятларини тадқиқ этиш бўйича олинган илмий натижалар асосида:
Ёшлик кони маъданлари ҳосил бўлиши диоритлар, асосан монсодиорит ва монсонитларнинг майда интрузияларининг олтин, кумуш ва планитоидларнинг минераллашувига ихтисослашганлиги “Ўзбек геология қидирув”АЖ амалиётига жорий қилинган (Ўзбекистон Республикаси Тоғ-кон саноати ва геология вазирлигининг 2024-йил 22-апрелдаги 08/1419-сон маʼлумотномаси). Натижада, монсодиорит ва монсонитларнинг майда интрузиялари олтин, кумуш ва планитоидларнинг минераллашуви плутоник шток шаклланишини қайта кўриб чиқишга ва ҳудуддаги магматик мажмуалар ҳосилаларини батафсил тавсифлашга имкон берган;
мис-порфир конидаги монсонитоид тоғ жинсининг чуқурликка тушган сари молибден миқдорининг ортиши билан асосланганлиги “Ўзбек геология қидирув”АЖ амалиётига жорий қилинган (Ўзбекистон Республикаси Тоғ-кон саноати ва геология вазирлигининг 2024-йил 22-апрелдаги 08/1419-сонли маʼлумотномаси). Натижада, монсонит таркибидаги молибденни учраши мис конларини башорат қилишда хизмат қилган;
қимматбаҳо, ноёб ер элементлари ҳамда нодир металларнинг петро-геокимёвий хусусиятлари “Ўзбек геология қидирув”АЖ амалиётига жорий қилинган (Ўзбекистон Республикаси Тоғ-кон саноати ва геология вазирлигининг 2024-йил 22-апрелдаги 08/1419-сонли маʼлумотномаси). Натижада, Ёшлик конига ёндош ҳудудларда истиқболли майдонларни аниқлаш имконини берган.