Тангиров Жасурбек Михли ўғлининг 
диссертация ҳимоясисиз ихтиро патенти (селекция ютуғи) асосида 
фалсафа доктори (PhD) илмий даражасини бериш бўйича эълон матни 

I. Умумий маълумотлар. Диссертация мавзуси, ихтисослик шифри (илмий даража бериладиган фан тармоғи номи): «Модификацияланган натрий додесилбензолсулфонат хитозани асосида сувни юмшатиш технологиясини такомиллаштириш», 02.00.14 – Органик моддалар ва улар асосидаги материаллар технологияси (техника фанлари).
Диссертация мавзуси рўйхатга олинган рақам: B2025.2.PhD/Т3137.
Илмий раҳбар: Амирқулов Нуритдин Сайфуллаевич, техника фанлар номзоди, профессор.
Илмий тадқиқот иши бажарилган муассаса номи: Тошкент давлат техника университети.
ИК фаолият кўрсатаётган муассаса номи, ИК рақами: Тошкент кимё-технология институти, DSc.03/2025.27.12.Т.42.01.
Ўзбекистон Республикаси Интеллектуал мулк агентлигининг ихтирога патенти олинган: «Сувни юмшатиш усули» (№ИАП 7824).
II. Тадқиқотнинг мақсади органик моддалар асосида техник сувни юмшатишнинг янги, самарали технологиясини ишлаб чиқиш бўлиб, сувдаги қаттиқликни келтириб чиқарувчи ионлар (Cа²⁺ ва Мг²⁺) ҳамда ноорганик аралашмалар миқдорини камайтириш орқали сувнинг барқарорлигини оширишдан иборат.
III. Тадқиқотнинг илмий янгилиги: 
органик моддалар (цирка кислотаси, эпихлоргидрин, натрий додецилбензолсулфонат) асосида техник сувни юмшатиш жараёнини жадаллаштириш учун модификацияланган янги сорбент таркиби ишлаб чиқилган;
органик моддалар асосида яратилган янги сорбентнинг модификацияланган хитозан ва магнит материал (Фе₃О₄) нано заррачалари танланган 9:1 нисбатда техник сувни 89,9 % гача умумий тозалаш самарадорлиги илмий асосланган;
натрий додецилбензолсулфонат билан модификацияланган хитозан ва магнит нанозаррачалар ҳамда калсинатланган сода асосида техник сувни юмшатишнинг янги усули ишлаб чиқилган (патент УЗ ИАП 7824, 2024 йил);
органик моддалар асосида ишлаб чиқилган янги усулни қўллаш натижасида техник сувдаги қаттиқлик тузлари ва ноорганик аралашмалар 99,7 дан 99,9 % гача самарадорлик билан олиб ташлангани исботланган;
натрий додецилбензолсулфонат билан модификацияланган хитозан ва магнит нанозаррачалар ҳамда калсинатланган сода асосида ишлаб чиқилган янги технологиясини қўллаш натижасида техник сувнинг туз чўкмалари ҳосил қилиш эҳтимоли Ланджеле (Лангелиер) ва тўйинганлик индекслари орқали камайгани исботланган.
IV. Тадқиқот натижаларининг жорий қилиниши. Техник сувни юмшатиш жараёнини жадаллаштириш учун модификацияланган сорбентнинг оптимал таркибларини яратиш, реагентли ва сорбентли моддалар асосида техник сувни юмшатишнинг янги усулини такомиллаштириш бўйича олинган илмий натижалар асосида:
техник сувни юмшатиш жараёнини жадаллаштириш учун ишлаб чиқилган модификацияланган сорбентнинг янги таркиби «Фарғона нефтни қайта ишлаш заводи» да ишлаб чиқариш амалиётига жорий этилган («Фарғона нефтни қайта ишлаш заводи»нинг 2025 йил 22 сентябрдаги 15/112-сон маълумотномаси). Натижада, Ланжеле барқарорлик индекси 7,0 дан 9,2 гача оширилди ҳамда тўйинганлик индекси -0,1 дан -0,9 гача камайтириш имконини берган;
реагент ва сорбент асосида техник сувни юмшатишнинг янги усули «Фарғона нефтни қайта ишлаш заводи»да ишлаб чиқариш амалиётига жорий этилган («Фарғона нефтни қайта ишлаш заводи»нинг 2025 йил 22 сентябрдаги 15/112-сон маълумотномаси). Натижада, нефтни совитиш тизимларида фойдаланилаётган техник сув қаттиқлик тузлари ҳамда ноорганик аралашмалардан 99,7–99,9 % гача тозалаш имконини берган.