Igamberdiev Dilshod Xolmuratovichning 
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): “Mosh donini fraksiyalarga ajratadigan va tozalaydigan mashina uchun me’yorlagich-ta’minlagich ishlab chiqish va parametrlarini asoslash”, 05.07.01 – Qishloq xo‘jaligi va melioratsiya mashinalari. Qishloq xo‘jaligi va melioratsiya ishlarini mexanizatsiyalash (texnika fanlari).
Dissertatsiya mavzusi ro‘yxatga olingan raqam: B2024.2.PhD/T4717.
Ilmiy rahbar: Abduraxmanov Abdukarim Atxamovich, texnika fanlari nomzodi, katta ilmiy xodim.
Dissertatsiya bajarilgan muassasa nomi: Qishloq xo‘jaligini mexanizatsiyalash ilmiy-tadqiqot instituti.
IK faoliyat ko‘rsatayotgan muassasa nomi, IK raqami: Qishloq xo‘jaligini mexanizatsiyalash ilmiy-tadqiqot instituti, DSc.08/2025.27.12.T.13.01.
Rasmiy opponentlar: Imomqulov Qutbiddin Boqijonovich, texnika fanlari doktori, professor;    Mamajanov Sultonali Islomalievich, texnika fanlari nomzodi, katta ilmiy xodim.
Yetakchi tashkilot: Qishloq xo‘jaligi texnikasi va texnologiyalarini sertifikatlash va sinash markazi.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi mosh donini fraksiyalarga ajratadigan va tozalaydigan mashina uchun me’yorlagich-ta’minlagich ishlab chiqib, uning parametrlarini asoslash yo‘li bilan kombaynlarda yig‘ishtirilgan moshli aralashmani tozalash va saralashda mehnat sarfini kamaytirishdan iborat.
III. Tadqiqotning ilmiy yangiligi quyidagilardan iborat: 
mosh donini fraksiyalarga ajratadigan va tozalaydigan mashina uchun me’yorlagich-ta’minlagichning konstruksiyasi va texnologik ish jarayoni bunkerdagi moshli aralashmani mashinaning silindrik g‘alviriga miqdorlab, bir maromda uzatishni ta’minlash kerakligi hisobga olinib ishlab chiqilgan;
ishlab chiqilgan me’yorlagich-ta’minlagich parametrlari va ish rejimining o‘zgarish chegaralari uning moshli aralashma bilan o‘zaro ta’sirlashish jarayonlarini ifodalaydigan matematik modellar va analitik ifodalar asosida aniqlangan;
me’yorlagich-ta’minlagichning ishini mosh donini fraksiyalarga ajratadigan va tozalaydigan mashina silindrik g‘alvirining ishi bilan sinxronlashtirish sharti bunkerdagi moshli aralashmani g‘alvir ichiga talab darajasida miqdorlab, bir maromda yetkazib berishni ta’minlash kerakligi hisobga olingan holda ishlab chiqilgan;
kurakchali dozatorning diametri, kurakchalari soni va aylanishlar sonining maqbul qiymatlari moshli aralashmani belgilangan me’yorda va bir maromda uzatish texnologik jarayonini adekvat ifodalaydigan regressiya tenglamalarini birgalikda yechish orqali aniqlangan.
IV. Tadqiqot natijalarining joriy qilinishi. Mosh donini fraksiyalarga ajratadigan va tozalaydigan mashina uchun me’yorlagich-ta’minlagich ishlab chiqish va parametrlarini asoslash mavzusida o‘tkazilgan ilmiy-tadqiqot ishlari natijalari asosida:
ishlab chiqilgan me’yorlagich-ta’minlagich bilan jihozlangan mosh donini fraksiyalarga ajratadigan va tozalaydigan mashina Toshkent viloyatining Yangiyo‘l va Oqqo‘rg‘on tumanlaridagi fermer xo‘jaliklarida joriy etilgan (Qishloq xo‘jaligida bilim va innovatsiyalar milliy markazining 2025-yil 10-maydagi № 05/01-05/02-05/04-03-181-son ma’lumotnomasi). Natijada foydalanishdagi to‘g‘ridan-to‘g‘ri xarajatlarning 38 % ga va mehnat sarfining 20 % ga kamayishiga erishilgan;
tavsiya etilgan me’yorlagich-ta’minlagich bilan jihozlangan mosh donini fraksiyalarga ajratadigan va tozalaydigan mashinani ishlab chiqarishni o‘zlashtirish uchun loyiha-konstruktorlik hujjatlari (dastlabki talablar va chizmalar) “AGRIXIM” MChJ da loyihalash jarayoniga joriy etilgan (Qishloq xo‘jaligida bilim va innovatsiyalar milliy markazining 2025-yil 10-maydagi № 05/01-05/02-05/04-03-181-son ma’lumotnomasi). Natijada, mosh donlarini fraksiyalarga ajratadigan va tozalaydigan energiyaresurstejamkor mashinani ishlab chiqarish imkoniyati yaratilgan.