Очилов Юнус Очил ўғлининг
Фалсафа доктори (PhD) диссертацияси ҳимояси ҳақида эълон

I.Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Дифференциаллашган тарифлар тизимини қўллаш орқали энергия самарадорлигини ошириш” (Қарши шаҳри ва тумани истеъмолчилари мисолида), 05.05.01- “Энергетика тизимлари ва мажмуалари”.
Диссертация мавзуси рўйхатга олинган рақам: PhD.03/2025.28.11.Т.16.01.
Илмий раҳбар:  Бобожанов Махсуд Каландарович, техника фанлари доктори, профессор.
Диссертация бажарилган муассаса номи: Қарши давлат техника университети.
ИК фаолият кўрсатаётган муассаса номи, ИК рақами: Бухоро давлат техника университети, PhD.03/2025.28.11.Т.16.01
Расмий оппонентлар: Кадиров Камолиддин Шухратович - техника фанлари доктори, катта илмий ходим.
Шобоев Алишер Ҳикматиллаевич - техника фанлари бўйича фалсафа доктори, доцент.
Етакчи ташкилот: Навоий давлат кончилик ва технологиялар университети.
Диссертация йўналиши: назарий ва амалий аҳамиятга молик.
II. Тадқиқот мақсади: маиший электр энергияси истеъмолчиларини дифференциаллашган тарифлар тизимига ўтказиш орқали энергия самарадорлигини ошириш, электр юклама графикларини текислаш ва таъминловчи куч трансформаторларида энергия исрофини камайтиришдан иборат.
III. Татқиқотнинг илмий янгилиги:
маиший истеъмолчиларнинг истеъмол режимларини ҳисобга олган ҳолда электр энергиясига бўлган талаб кўрсаткичлари таҳлили асосида электр энергетика тизимида маиший истеъмолчиларни дифференциаллашган тарифлар тизимига ўтказиш усули ишлаб чиқилган;
маиший истеъмолчиларнинг истеъмол талаби ўзгаришини мониторинг қилиш асосида, истеъмолчиларнинг истеъмол режимларини ҳисобга олган ҳолда таъминловчи куч трансформаторларида қувват исрофини ҳисоблаш усули ва алгоритми такомиллаштирилган;
истеъмолчиларнинг электр энергиясига бўлган талаб кўрсаткичларини ҳисобга олган ҳолда, истеъмолчиларнинг электр энергиясига бўлган талаб кўрсаткичларининг электр юклама графиклари шаклланишига таъсирини баҳолаш учун математик модел ва алгоритм ишлаб чиқилган;
максимал юкламалар ва энергия сарфини тадқиқи асосида маиший истеъмолчиларни дифференциаллашган тарифлар тизимига ўтказиш орқали электр юклама графикларини текислаш ва умумий сарф харажатларни камайтиришнинг математик модели ишлаб чиқилган.
IV. Тадқиқот натижаларнинг жорий қилиниши: Энергетика соҳасида маиший истеъмолчилар учун дифференциаллашган тарифлар тизимини жорий этиш асосида: 
“Ҳудудий электр тармоқлари” Қашқадарё ҳудудий филиали билан тузилган ЭЕ/23-100 рақамли шартнома асосида Қарши шаҳар «Чўлқувар» маҳалласидаги ТМ-630/10/0,4 қуввати 630 кВА бўлган 8 та трансформаторлардан таъминот оладиган электр истеъмолчиларига жорий этилган (Ўзбекистон Республикаси энергетика вазирлиги томонидан 2025 йил 28-августда 01-28-1499 сонли маълумотномаси). Натижада  ойига 2 797 710 сўм, бир йилда 268 580 160 сўм маблағ тежаб қолиш имконини берган.
“Ҳудудий электр тармоқлари” Қашқадарё ҳудудий филиали тасарруфидаги «Хонобод» МФЙ да ўрнатилган ТМ-160/10/0,4 қуввати 160 кВА трансформатор истеъмолчиларига дифференциаллашган тарифлар тизими жорий этилган (Ўзбекистон Республикаси энергетика вазирлиги томонидан 2025 йил 28-августда 01-28-1499 сонли маълумотномаси). Натижада ойига 2 812 422 сўм миқдоридаги ҳаражатлари камайиши мумкинлиги аниқланган, ҳамда трансформаторларда электр энергия исрофи сарфини 8 % гача камайтириш имконини берган.