Ғуломова Рухсора Буриевнанинг
фалсафа доктори (PhD) диссертацияси ҳимояси ҳақида эълон.

I.Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Экологик глобаллашув шароитида Ўзбекистоннинг ижтимоий-экологик сиёсати”, 09.00.04 – Ижтимоий фалсафа (фалсафа фанлари) 
Диссертация мавзуси рўйхатга олинган рақам: В2025.1.PhD/Fal1476
Диссертация бажарилган муассаса номи: Шаҳрисабз давлат педагогика институти
ИК фаолият кўрсатаётган муассаса (муассасалар) номи, ИК рақами: Бухоро давлат университети, DSc.03/2025.27.12.F.08.02.
Илмий раҳбар: Омонов Баҳодир Нуриллаевич, фалсафа фанлари доктори, профессор.
Расмий оппонентлар: Саломова Ҳакима Юсуповна, фалсафа фанлари доктори, профессор; Журақулов Ҳусан Анварович, фалсафа фанлари доктори, доцент.
Етакчи ташкилот: Бухоро давлат педагогика институти
Диссертация йўналиши: назарий ва амалий аҳамиятга молик.
II.Тадқиқотнинг мақсади Ўзбекистон ижтимоий-экологик сиёсатининг ижтимоий-фалсафий хусусиятларини очиб бериш иборат.
III. Тадқиқотнинг илмий янгилиги:
ижтимоий-экологик сиёсатнинг антиципатив (муаммони олдиндан кўра билиш), интегратив (давлат ва жамият бирлиги) ва инклюзив (барча қатламларни қамраб олиш) каби инновацион характери, унинг экологик муҳитни барқарорлаштиришдаги табиат ва жамиятни ўзаро уйғун ривожланишни таъминлаш, синергетик самарадорликка эришиш ҳамда экзистенсиал хавфсизликни кафолатлашдаги стратегик аҳамияти ҳамда аҳолини экологик таҳдидлардан ҳимоялашнинг институционал-ҳуқуқий (қонун устуворлиги), когнитив-маърифий (экологик онг ва таълим) ва сиёсий (очиқлик ва шаффофлик) каби омиллари очиб берилган;
Ўзбекистонда экологик муаммолар эскалациясининг сиёсий-иқтисодий детерминизм, геосиёсий мақсадлар ва стратегик мақсадга йўналтирилган технократик сиёсат каби парадигмалар билан боғлиқлиги, экологик глобаллашувнинг халқаро экологик стандартлар интеграцияси, трансчегаравий ҳамкорлик ва барқарор ривожланиш консепсиясининг институционаллашуви каби омиллари аниқлаштирилган;
ижтимоий-экологик муҳофазани кучайтиришнинг обектив (конституциявий-ҳуқуқий базанинг янгиланганлиги, табиий-ресурс бўйича маъданга бойлиги ва халқаро геосиёсий интеграция, ижтимоий институционал тузилма тизими) каби ҳамда субектив (сиёсий ирода, экологик онг ва маданият трансформацияси, илмий-интеллектуал салоҳият ва инновацион тафаккур, волонтёрлик ҳаракатининг институционаллашуви) каби имкониятлари асослаб берилган;
Ўзбекистоннинг экологик инқирозга учраган ҳудудларида ижтимоий-экологик муҳофазани барқарор ривожлантириш сиёсатининг “Яшил макон” умуммиллий лойиҳаси тамойилларини коммунал инфратузилма ва урбанистика тизимига интеграция қилиш, аҳоли учун қулай ва хавфсиз “экомуҳит” яратиш, ҳудуд аҳолисининг биологик ва ижтимоий мослашув (адаптация) салоҳиятини юксалтириш каби стратегик истиқболлари ҳамда унинг ижтимоий самарадорлигини оширишнинг ҳудудларнинг ижтимоий-экологик паспортлаштириш тизимини рақамлаштириш, маҳалла институтида жамоатчилик экологик назоратини йўлга қўйиш каби механизмлари ишлаб чиқилган.
IV. Тадқиқот натижаларининг жорий қилиниши. Экологик глобаллашув шароитида Ўзбекистоннинг ижтимоий-экологик сиёсати билан боғлиқ муаммоларни тадқиқ қилиш борасида олинган илмий натижалар асосида:
ижтимоий-экологик сиёсатнинг антиципатив (муаммони олдиндан кўра билиш), интегратив (давлат ва жамият бирлиги) ва инклюзив (барча қатламларни қамраб олиш) каби инновацион характери, унинг экологик муҳитни барқарорлаштиришдаги табиат ва жамиятни ўзаро уйғун ривожланишни таъминлаш, синергетик самарадорликка эришиш ҳамда экзистенсиал хавфсизликни кафолатлашдаги стратегик аҳамияти ҳамда аҳолини экологик таҳдидлардан ҳимоялашнинг институционал-ҳуқуқий (қонун устуворлиги), когнитив-маърифий (экологик онг ва таълим) ва сиёсий (очиқлик ва шаффофлик) каби омилларига оид назарий хулосалари ва амалий таклифларидан Ўзбекистон Миллий университетида бажарилган А-ОТ-2021-11 рақамли “Ўзбек халқи ва миллий қадриятлари комплексининг электрон-трансдициплинар платформасини яратиш” мавзусидаги амалий илмий-тадқиқот лойиҳа доирасида белгиланган вазифаларни бажаришда фойдаланилган (Мирзо Улуғбек номидаги Ўзбекистон Миллий университетининг 2025-йил 22-май 04/11-6412-сон маълумотномаси). Натижада, Янги Ўзбекистонда ижтимоий-экологик сиёсатга оид комплекс чора тадбирлари ишлаб чиқиш ҳамда аҳолининг экологик саводхонлигини оширишга хизмат қилган;
Ўзбекистонда экологик муаммолар эскалациясининг сиёсий-иқтисодий детерминизм, геосиёсий мақсадлар ва стратегик мақсадга йўналтирилган технократик сиёсат каби парадигмалар билан боғлиқлиги, экологик глобаллашувнинг халқаро экологик стандартлар интеграцияси, трансчегаравий ҳамкорлик ва барқарор ривожланиш консепсиясининг институционаллашуви каби омилларига доир назарий хулосалари, таклиф ва тавсияларидан Ўзбекистон Республикаси Ёшлар ишлари агентлигининг ““Ўзбекистон — 2030” стратегиясининг Ҳар бир инсонга ўз салоҳиятини рўёбга чиқариш учун муносиб шароитлар яратиш йўналиши бўйича 2025 йилга мўлжалланган амалий тадбирлар режаси”да белгиланган вазифалар ижросини таъминлашда фойдаланилган (Ўзбекистон Республикаси Ёшлар ишлари агентлигининг 2025-йил 24-март 2-15-21-1521-сон маълумотномаси). Натижада, тармоқ ва соҳаларнинг уйғун “яшил трансформация”сини амалга ошириш, аҳолининг яшаш сифатини яхшилаш, экологик жиҳатдан қулай ва фаровон яшаш муҳитини шакллантириш, экологик турмуш тарзини шакллантириш ва ёшларнинг экологик дунёқараши ҳамда салоҳиятини юксалтиришга хизмат қилган;
ижтимоий-экологик муҳофазани кучайтиришнинг обектив (конституциявий-ҳуқуқий базанинг янгиланганлиги, табиий-ресурс бўйича маъданга бойлиги ва халқаро геосиёсий интеграция, ижтимоий институционал тузилма тизими) каби ҳамда субектив (сиёсий ирода, экологик онг ва маданият трансформацияси, илмий-интеллектуал салоҳият ва инновацион тафаккур, волонтёрлик ҳаракатининг институционаллашуви) каби имкониятларига оид амалий тавсияларидан Ўзбекистон Экологик партиясининг “Биз келажак учун жавобгармиз!” ғоясини ўзининг бош шиори ҳисоблаган устувор йўналишлари ва 2025-йилга мўлжалланган Ҳаракатлар дастурида белгилаб олган вазифаларини амалга оширишда фойдаланилган. (Ўзбекистон Экологик партиясининг 2025-йил 19-мартдаги 01/84-сон маълумотномаси). Натижада, мамлакатнинг барқарор ривожланишига, экологик хавфсизлигига эришиш, ҳозирги ва келажак авлод учун қулай атроф муҳитни яратиш ҳамда табиий ресурсларни сақлашга йўналтирилган давлат сиёсатини рўёбга чиқаришда, атроф-муҳит муҳофаза қилиш ва табиий ресурсларни сақлаш давлат, жамият ва мамлакат ҳар бир фуқаросининг вазифаси бўлишига эришишга кўмаклашиш ҳамда сайловолди дастурларини ишлаб чиқиш ва қабул қилишга хизмат қилган;
Ўзбекистоннинг экологик инқирозга учраган ҳудудларида ижтимоий-экологик муҳофазани барқарор ривожлантириш сиёсатининг “Яшил макон” умуммиллий лойиҳаси тамойилларини коммунал инфратузилма ва урбанистика тизимига интеграция қилиш, аҳоли учун қулай ва хавфсиз “экомуҳит” яратиш, ҳудуд аҳолисининг биологик ва ижтимоий мослашув (адаптация) салоҳиятини юксалтириш каби стратегик истиқболлари ҳамда унинг ижтимоий самарадорлигини оширишнинг ҳудудларнинг ижтимоий-экологик паспортлаштириш тизимини рақамлаштириш, маҳалла институтида жамоатчилик экологик назоратини йўлга қўйиш каби механизмларига доир назарий хулосалар, таклиф ва тавсиялардан Қашқадарё вилоят телерадиокомпаниясининг 2025-йил 1-феврал куни эфирга узатилган Очиқ мулоқот дастурида “Табиатни асрашга барчамиз масʼулмиз” номли радиоешиттириш ссенарийсини тайёрлашда фойдаланилган (Қашқадарё вилоят телерадиокомпаниясининг 2025-йил 25-февралдаги 17-05/39-сон маълумотномаси). Натижада, фуқароларнинг соғлом турмуш тарзига амал қилиш салоҳиятини янада кенгайтиришга хизмат қилган.