Исломов Алишер Нуриллаевичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган тармоғи номи): «Газ конденсатини барқарорлаштиришда иссиқлик алмашиниш қурилмасини такомиллаштириш асосида иситиш жараёнини жадаллаштириш», 02.00.08 - Нефт ва газ кимёси ва технологияси (техника фанлари).
Диссертация мавзуси рўйхатга олинган рақам: В2025.1.PhD/Т3558.
Илмий раҳбар: Абдурахмонов Олим Рустамович, техника фанлари доктори, профессор.  
Диссертация бажарилган муассасалар номи: Бухоро давлат техника университети.
ИК фаолият кўрсатаётган муассаса номи, ИК рақами: Бухоро давлат техника университети, DSc.03/2025.27.12.Т.16.05. 
Расмий оппонентлар: Дўстов Ҳамро Бозорович, кимё фанлари доктори, профессор; Исмаилов Ойбек Юлибоевич, техника фанлари доктори, профессор.
Етакчи ташкилот: Тошкент давлат техника университети.
Диссертация йўналиши: назарий ва амалий аҳамиятга молик. 
II. Тадқиқотнинг мақсади: газ конденсатини барқарорлаштиришда қувурли иссиқлик алмашиниш қурилмасини такомиллаштириш асосида иситиш жараёнини жадаллаштиришдан иборат. 
III. Тадқиқотнинг илмий янгилиги:
такомиллаштирилган иссиқлик алмашиниш қурилмаси қувурларида иситиш натижасида ҳосил бўлган буғни чиқариш ҳисобига, иситиш жараёнининг коʻрсаткичлари, яъни газ конденсатининг иссиқлик бериш коеффициенти 182,8 Вт/(м2∙К) дан 227 Вт/(м2∙К) га ва иссиқлик ўтказиш коеффициенти 110 Вт/(м2∙К) дан 125 Вт/(м2∙К) гача ошганлиги илмий асосланган;         
иссиқлик алмашиниш қурилмасида хомашёни иситишдан қувурлар ичида ҳосил боʻлган буғ улушини 20 % дан 1 % гача камайтириш ҳисобига иситиш жараёнининг ҳарорати 15 оC гача ортиши илмий исботланган;     
иссиқлик алмашиниш қурилмаси қувурларининг ичида ҳосил боʻлган буғга таъсир этувчи омилларнинг яъни иситиш жараёнининг ҳарорати ва газ конденсати намуналарининг фраксион таркибига таъсир этиши илмий исботланган;            
иситиш қурилмасининг қувурларида буғ ҳиссасини камайиши ҳисобига иссиқлик ташувчидан қувур ташқи деворига ва қувур ички деворидан иситилаётган суюқликка узатилаётган иссиқлик миқдори 1,66 мартага ортиши исботланган; 
қопқоқ конструксияси такомиллаштирилган иссиқлик алмашиниш қурилмасининг қувурларида буғ ҳиссасини камайиштириш натижасида иситиш жараёни жадаллашиши ҳамда иссиқлик ва энергия сарфи 12 % гача камайиши илмий асосланган. 
IV. Тадқиқот натижаларининг жорий қилиниши. Газ конденсатини барқарорлаштиришда иссиқлик алмашиниш қурилмасини такомиллаштириш асосида иситиш жараёнини жадаллаштириш боʻйича олинган натижалар асосида:     
қопқоқ конструксияси такомиллаштирилган иссиқлик алмашиниш қурилмаси “Шуртан нефт ва газ қазиб чиқариш бошқармаси” АЖнинг 2024-2026-йилларда амалиётга жорий этиш бўйича истиқболли ишланмалар рўйхати”га киритилган (“Шуртан нефт ва газ қазиб чиқариш бошқармаси” АЖнинг 2024 йилнинг 10 октябрдаги  ОП02/ЭД-3900-сонли маълумотномаси). Натижада, ушбу қурилманинг қувурлари ичида иситиш жараёнига таъсир этувчи буғни камайтиришдан газ конденсатини иссиқлик бериш коеффициенти ошиши ва иситиш жараёни учун сарфланаётган энергияни 12 % га камайтириш имконини беради;         
суюқ ва газсимон углеводородларнинг иссиқлик алмашиниш жараёни учун такомиллаштирилган технологияси “Муборак газни қайта ишлаш заводи” АЖнинг 2024-2026-йилларда амалиётга жорий этиш бўйича истиқболли ишланмалар рўйхати” га киритилган (“Муборак газни қайта ишлаш заводи” АЖ инг 2024 йил 21 октябрдаги  876/CК-10-сонли маълумотномаси). Натижада, ушбу қурилмада буғни (буғ таркибида асосан метан 44,593 %, этан 32,852 %,   пропан 7,685 %, бутан 5,845 %, пентан 1,208 %, гексан 0,472 %, гептан ва ундан юқори суюқ углеводородлар 0,987 %, углерод диоксид 4,842 %, азот 1,241%, водород сулфид 0,234 % гача мавжудлиги лабораторияда аниқланди) камайтириб, суюқ углеводородларни миқдори ортишидан қувур деворининг юзаси билан иситилувчи оқимнинг тўқнашуви ортиши ҳисобига иситиш жараёнини жадаллашиб, қурилмадан чиқаётган маҳсулотнинг ҳарорати 120 оC дан 135 оC гача кўтарилиш имконини беради.