Рахимова Зулайҳо Абдуғофур қизининг
педагогика фанлари бўйича фалсафа доктори (PhD) 
диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Талаба-қизларнинг дарсдан ташқари вақтларида жисмоний тарбия ва спорт машғулотларини ташкиллаштиришнинг педагогик асослари”, 13.00.04-Жисмоний тарбия, спорт машғулотлари, соғломлаштириш ва адаптив жисмоний тарбия назарияси ва методикаси ҳамда 13.00.01-Педагогика назарияси. Педагогик таълимотлар тарихи.
Диссертация мавзуси рўйхатга олинган рақам: B2025.2.PhD/Ped8888.
Илмий раҳбар: Рахматова Дилноза Нигбаевна педагогика фанлари доктори (DSc), профессор; Нуриддинова Муяссар Муҳиддиновна педагогика фанлари бўйич фалсафа доктори (PhD), доцент.
Диссертация бажарилган муассаса номи: Жисмоний тарбия ва спорт илмий тадқиқотлар институти.
Илмий Кенгаш фаолият кўрсатаётган муассаса номи: Жисмоний тарбия ва спорт илмий тадқиқотлар институти, DSc.28/2025.27.12.Ped.01.01.
Расмий оппонентлар: Мардонов Шукур Қўлдошевич педагогика фанлари доктори (DSc), профессор; Машарипов Фарҳод Тўрахонович педагогика фанлари доктори (DSc), профессор.
Етакчи ташкилот: Мирзо Улуғбек номидаги Ўзбекистон Миллий университети.
Диссертация йўналиши: назарий ва амалий аҳамиятга молик. 
II. Тадқиқотнинг мақсади талаба-қизларнинг дарсдан ташқари вақтларида жисмоний тайёргарлик даражасини ошириш, саломатлик ҳолатини яхшилаш ва соғлом турмуш тарзи компетенсияларини такомиллаштиришдан иборат.
III. Тадқиқотнинг илмий янгилиги қуйидагилардан иборат: 
талаба-қизларнинг дарсдан ташқари вақтларда умумий функсионал ҳаракатини босқичма-босқич яхшилаш учун ишлаб чиқилган ХЗ-интегратив мажмуаси таркибидаги таянч-ҳаракат, мушак ва нафас олиш тизимларининг ривожлантиришга қаратилган лимфадренаж, пилатес ва нафас машқларни киритиш ҳисобига жисмоний тайёргарлик кўрсаткичлари яхшиланган;
талаба-қизларнинг жисмоний тайёргарлик даражаларини яхшилашда функсионал кўрсаткичлар асосида машғулотга мослашиш, ҳаракат координациясини ривожлантириш ва ҳаракат фаоллигини ошириш учун  оптималлаштирилган уч босқичли комплекс машқларни ўз ичига олган “Эхпресс Зест” мобил иловасини ишлаб чиқиш ҳисобига мустақил машқ қилиш имконияти оширилган;
соғлом турмуш тарзи компетенсияларини такомиллаштириш учун шахсга йўналтирилган, тизимли, соғломлаштирувчи ва инновацион услубий ёндашувлар орқали когнитив, аксиологик, фаолиятли ва рефлексив компонентларни таълим-тарбия жараёнига интеграция қилиш асосида кунлик турмуш тарзида такрорланувчи ҳаракатлар самарадорлигини назорат қилишга қаратилган “Соғлом аёл – соғлом келажак” моделини ишлаб чиқиш ҳисобига талаба-қизларнинг ҳаракат фаоллиги кўрсаткичлари ошган;
талаба-қизларнинг ўзига хос индивидуал хусусиятларини инобатга олган ҳолда ўз-ўзини назорат қилишда менструал цикл ёндашув асосида бошқариш учун ишлаб чиқилган “ФЛОW-ФИТ” педагогик технологиясини машғулот жараёнига киритиш ҳисобига саломатлик ҳолати яхшиланган.
IV. Тадқиқот натижаларининг жорий қилиниши. Дарсдан ташқари вақтларида жисмоний тарбия ва спорт машғулотларини тизимли ташкил этиш ёрдамида талаба-қизларнинг саломатлик ҳолатини яхшилаш, жисмоний тайёргарлик даражасини ошириш ҳамда соғлом турмуш тарзи компетенсияларини такомиллаштириш методикасини ишлаб чиқишга қаратилган тадқиқотлар асосида:
талаба-қизларнинг дарсдан ташқари вақтларда умумий функсионал ҳаракатини босқичма-босқич яхшилаш учун ишлаб чиқилган ХЗ-интегратив мажмуаси таркибидаги таянч-ҳаракат, мушак ва нафас олиш тизимларининг ривожлантиришга қаратилган лимфадренаж, пилатес ва нафас машқларни киритиш бўйича таклиф ва тавсиялар Ўзбекистон Журналистика ва оммавий коммуникациялар университети талабаларининг соғломлаштирувчи машғулотларига татбиқ этилган (Ўзбекистон Республикаси Спорт вазирлигининг 2025-йил 15-июлдаги  02-16/7503-сон маълумотномаси). Натижада талабаларнинг умумий жисмоний тайёргарлик даражаси кўрсаткичлари 13,74 % га ошган;
талаба-қизларнинг жисмоний тайёргарлик даражаларини яхшилашда функсионал кўрсаткичлар асосида машғулотга мослашиш, ҳаракат координациясини ривожлантириш ва ҳаракат фаоллигини ошириш учун  оптималлаштирилган уч босқичли комплекс машқларни ўз ичига олган “Эхпресс Зест” мобил иловасини ишлаб чиқиш бўйича таклиф ва тавсиялар Чирчиқ давлат педагогика университети талаба-қизларнинг дарсдан ташқари машғулотларига татбиқ этилган (Ўзбекистон Республикаси Спорт вазирлигининг 2025-йил 15-июлдаги  02-16/7503-сон маълумотномаси). Натижада талабаларнинг тезкорлик  сифатлари 11,04 % га, тезкорлик-чаққонлик 10,26 % га, умумий куч кўрсаткичлари 15,79 % га, чаққонлик  кўрсаткичлари 14,81 % га, чидамлилик кўрсаткичлари 15,86 %, эгилувчанлик кўрсаткичлари 14,71 % га ошишига эришилган;
соғлом турмуш тарзи компетенсияларини такомиллаштириш учун шахсга йўналтирилган, тизимли, соғломлаштирувчи ва инновацион услубий ёндашувлар орқали когнитив, аксиологик, фаолиятли ва рефлексив компонентларни таълим-тарбия жараёнига интеграция қилиш асосида кунлик турмуш тарзида такрорланувчи ҳаракатлар самарадорлигини назорат қилишга қаратилган “Соғлом аёл – соғлом келажак” моделини ишлаб чиқиш бўйича таклиф ва тавсиялар Фарғона давлат университети талабаларнинг дарсдан ташқари машғулотларига татбиқ этилган (Ўзбекистон Республикаси Спорт вазирлигининг 2025-йил 15-июлдаги  02-16/7503-сон маълумотномаси). Натижада умумий ёғ 12,48 %, умумий сув 11,2 %, систолик босим 6,31 %,  диастолик 6,51 %,  ўпканинг тириклик сиғими 12,26 % га яхшиланган;
талаба-қизларнинг ўзига хос индивидуал хусусиятларини инобатга олган ҳолда ўз-ўзини назорат қилишда менструал цикл ёндашув асосида бошқариш учун ишлаб чиқилган “ФЛОW-ФИТ” педагогик технологиясини машғулот жараёнига киритиш бўйича таклиф ва тавсиялар Ўзбекистон Журналистика ва оммавий коммуникациялар университети талаба-қизларнинг дарсдан ташқари машғулотларига татбиқ қилинган (Ўзбекистон Республикаси Спорт вазирлигининг 2025-йил 15-июлдаги 02-16/7503-сон маълумотномаси). Натижада талаба-қизларнинг саломатлик ҳолатлари яхшиланиб, функсионал ҳолат кўрсаткичлари 9,76 % ошган.