Абдубанонова Умида Аваз қизининг
фалсафа доктори (PhD) диссертацияси ҳимояси ҳақида эълон

I.Умумий маълумотлар.
Диссертация мавзуси, ихтисослик шифри: 05.06.04–Тикувчилик буюмлари технологияси ва костюм дизайни - “Ресурстежамкорлик асосида табиий чарм қийқимларидан устки кийим ишлаб чиқиш усулини яратиш”.
Диссертация мавзуси рўйхатга олинган рақам: B2025.1.PhD/Т5414 
Илмий раҳбар: Ташпулатов Салиҳ Шукурович, техника фанлари доктори, профессор.
Диссертация бажарилган муассаса номи: Наманган давлат техника университети 
ИК фаолият кўрсатаётган муассаса номи, ИК рақами: Наманган давлат техника университети, DSc.03/2025.27.12.Т.15.03 
Расмий оппонентлар: Набиджонова Наргиза Насимжоновна, техника фанлари доктори, профессор; Баҳриддинова Дилрабо Аманбоевна, PhD, доцент.
Етакчи ташкилот: Жиззах политехника институтини.
Диссертация йўналиши: назарий ва амалий аҳамиятга молик.
II. Тадқиқотнинг мақсади: табиий чарм қийқимларидан фойдаланган ҳолда гигиеник хусусияти юқори бўлган пакетни шакллантириш билан ресурстежамкорлик асосида тикув буюмларини лойиҳалаш усулини такомиллаштиришдан иборат.
III.Тадқиқотнинг илмий янгилиги қуйидагилардан иборат:
табиий чармдан аёллар мавсумий тўпламини тайёрлашнинг хомашё қийқимларидан ва чиқиндиларни қайта ишлаш орқали олинадиган полимер композициясидан фойдаланишни кўзда тутувчи ресурс тежамкор усули таклиф этилган; 
табиий чармдан унинг локал қисмларини шакллантириш механизмини ҳисобга олган ҳолда тикув буюмларининг гигиеник ва ҳаво ўтказувчанлик каби хусусиятларини таъминловчи лойиҳалаш технологияси ишлаб чиқилган; 
табиий чарм ҳомашёсига янги усулда ишлов бериб тайёрланган деталларнинг узилиш кучи, узилишдаги узайиши, ҳаво ўтказувчанлик ва гигиеник каби физик-механик хусусиятлари характеристикаларининг ўзгариш қонуниятлари  тикув буюмини кийиб юриш орқали синовларда аниқланган;
табиий чарм қийқимларидан шаклланган аёллар мавсумий тўплами пакетининг гигиеник хусусиятларини математик моделлари ва график боғлиқликлари ишлаб чиқилган.
IV. Тадқиқот натижаларининг жорий қилиниши. Ресурстежамкор технология асосида юқори гигиеник хусусиятли табиий чарм қийқимларидан аёллар устки кийимини сифатини таʼминлаш технологиясини такомиллаштириш ва ишлаб чиқаришнинг самарали усулини яратиш бўйича олинган натижалар асосида:
табиий чарм қийқимлардан гигиеник хусусияти юқори бўлган тикув буюмларини лойиҳалаш ва ресурстежамкорлик технология асосида ишлаб чиқишнинг янги усули “Идеал текстил-Орзу” МЧЖда тадбиқ этилган («Ўзтўқимачиликсаноат» уюшмасининг 2025 йил 14-ноябрдаги №02/06-2693-сонли маълумотномаси). Натижада табиий чарм қийқимларидан тикув буюмларига ишлов бериш технологик жараёнининг самарадорлигини 25 % гача ошириш ва маҳсулот таннархини 70 % гача камайтириш имкони яратилган;
инновацион ресурстежамкор технология асосида табиий чарм қийқимларидан физик-механик хусусияти юқори бўлган тикув буюмларини ишлаб чиқишнинг янги усули “Ҳоме техтиле НТ” МЧЖ корхонасида жорий этилган («Ўзтўқимачиликсаноат» уюшмасининг 2025 йил 14-ноябрдаги №02/06-2693-сонли маълумотномаси). Натижада табиий чарм қийқимларидан фойдаланиб аёллар мавсумий тўпламларини ишлаб чиқаришнинг умумий йиллик иқтисодий самарадорлиги битта тўплам учун 182 200 000 сўм олишга эришилган.