Абдуалимов Равшан Матиевичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): “Акциядорлик жамиятларида ички молиявий назорат тизимини ташкил этиш ва уни баҳолашни такомиллаштириш”. 08.00.08 – Бухгалтерия ҳисоби, иқтисодий таҳлил ва аудит.
Диссертация мавзуси рўйхатга олинган рақам: 2011/1
Илмий раҳбар: Ибрагимов Абдугапур Каримович, иқтисодиёт фанлари доктори, профессор.
Диссертация бажарилган муассаса номи: Ўзбекистон Республикаси Банк-молия академияси.
ИК фаолият кўрсатаётган муассаса номи, ИК рақами: Тошкент Кимё халқаро университети, DSc.03/2025.27.12.I.29.02
Расмий оппонентлар: Илхамов Шавкат Исламович, иқтисодиёт фанлари доктори, профессор; Абдиева Наргиза Шуҳратовна, иқтисодиёт фанлари доктори, доцент. Етакчи ташкилот: «Тошкент ирригация ва қишлоқ хўжалигини механизациялаш муҳандислари институти» Миллий тадқиқот университети.
II. Тадқиқотнинг мақсади акциядорлик жамиятларида ички молиявий назорат тизимини ташкил этиш ва уни баҳолашни такомиллаштириш бўйича илмий таклиф ва амалий тавсияларни ишлаб чиқишдан иборат. 
III. Тадқиқотнинг илмий янгилиги:
акциядорлик жамиятларида молиявий операцияларнинг шаффофлигини таъминлаш, қонунчиликка мос равишда амалга ошириш, ресурслардан мақсадли фойдаланиш, ички молиявий назорат тизимининг самарадорлигини оширишда ички аудит хизматининг заруриятини қонунчиликка асосан тартибга солишга доир таклиф асосланган;
асосий воситаларнинг ҳисоби ва улардан самарали фойдаланиш, амортизация ҳисоблашни аниқ амалга ошириш, активларни ҳолати ва мақсадли ишлатилишини таъминлашда аудитнинг халқаро стандартлари асосида ички назоратни такомиллаштиришга қаратилган таклифлар асосланган;
акциядорлик жамиятларида молиявий ресурслардан мақсадли ва самарали фойдаланишда рискларни ўз вақтида аниқлаш, ҳисоботнинг ишончлилигини оширишда ички молиявий назоратни режалаштириш ва баҳолаш тизими услубиёти такомиллаштирилган;
акциядорлик жамиятларида молиявий-хўжалик операцияларнинг қонунийлиги, мақсадга мувофиқлиги ва самарадорлигини таъминлаш, шунингдек ички назорат жараёнларини тизимли ва босқичма-босқич ташкил этиш мақсадида ички молиявий назоратни амалга ошириш алгоритми ишлаб чиқилган. 
IV. Тадқиқот натижаларининг жорий қилиниши:
Акциядорлик жамиятларида молиявий назоратни такомиллаштириш юзасидан олинган илмий натижалар асосида:
акциядорлик жамиятларида молиявий операцияларнинг шаффофлигини таъминлаш, қонунчиликка мос равишда амалга ошириш, ресурслардан мақсадли фойдаланиш, ички молиявий назорат тизимининг самарадорлигини оширишда ички аудит хизматининг заруриятини қонунчиликка асосан тартибга солишга доир таклифдан Ўзбекистон Республикаси “Аудиторлик фаолияти тўғрисида”ги Қонунининг 9-моддаси (аудиторлик фаолияти стандартлари) диспозициясини ишлаб чиқишда фойдаланилган. (Ўзбекистон Республикаси Олий Мажлиси Қонунчилик Палатасининг 2024 йил 13 апрелдаги № 02/4-44 - сонли далолатномаси) Бу таклифнинг амалиётга жорий этилиши натижасида аудитнинг халқаро стандартларини Ўзбекистон Республикаси ҳудудида қўллаш тартиб ва тамойиллари асосида ташкил қилишга қонуний асос яратилган;   
акциядорлик жамиятларида ички молиявий назорат тизимини такомиллаштиришга оид таклифдан Ўзбекистон Республикаси “Акциядорлик жамиятлари ва акциядорларнинг ҳуқуқларини ҳимоя қилиш тўғрисида”ги Қонунининг 108-моддасига (жамиятнинг ички аудит хизмати) қўшимча ва ўзгартиришлар киритишда фойдаланилган. (Ўзбекистон Республикаси Олий Мажлиси Қонунчилик Палатасининг 2024 йил 13 апрелдаги № 02/4-44 - сонли далолатномаси) Бу таклифнинг амалиётга жорий этилиши натижасида ҳозирги кунда мамлакатимизда фаолият юритаётган барча акциядорлик жамиятларида ички аудит хизматини ташкил қилишга қонуний асос яратилган; 
асосий воситаларнинг ҳисоби ва улардан самарали фойдаланиш, амортизация ҳисоблашни аниқ амалга ошириш, активларни ҳолати ва мақсадли ишлатилишини таъминлашда аудитнинг халқаро стандартлари асосида ички назоратни такомиллаштиришга қаратилган таклифи “Foton” акциядорлик жамияти томонидан амалиётга жорий қилинган. (“Foton” акциядорлик жамиятининг 2024 йил 5 сентябрдаги №153-сонли маълумотномаси) Бу таклифни жорий қилиш натижасида акциядорлик жамиятининг асосий воситаларини аудит қилишда халқаро аудит стандартларига мувофиқлаштириш имкони яратилган; 
тармоқ хусусиятларини инобатга олган ҳолда ички молиявий назорат тизимини такомиллаштириш юзасидан тавсиялар “Foton” акциядорлик жамияти томонидан амалиётга жорий қилинган. (“Foton” акциядорлик жамиятининг 2024 йил 5 сентябрдаги №153-сонли маълумотномаси) Бу таклифни амалиётга жорий қилиш натижасида акциядорлик жамиятида ички молиявий назорат базаси ташкил этиш ҳамда ички молиявий назорат дастурини шакллантириш имконияти яратилган; 
акциядорлик жамиятларида ички молиявий назоратни режалаштириш, ички молиявий назоратнинг  хавф даражасини аниқлаш ҳамда ички молиявий назорат тизимини баҳолаш усулларидан фойдаланиш юзасидан тавсиялар “Foton” акциядорлик жамияти томонидан амалиётга жорий қилинган. (“Foton” акциядорлик жамиятининг 2024 йил 5 сентябрдаги №153-сонли маълумотномаси) Бу таклифни амалиётга жорий этиш натижасида, назорат воситаларининг хавф омилларини баҳолаш ҳамда ички молиявий назорат воситаларининг хавф даражасини ва ички молиявий назорат тизимининг сифат даражасини аниқлаш имконияти яратилган; 
акциядорлик жамиятларида ички молиявий назоратни амалга ошириш алгоритми “Foton” акциядорлик жамияти томонидан амалиётга жорий қилинган. (“Foton” акциядорлик жамиятининг 2024 йил 5 сентябрдаги №153-сонли маълумотномаси) Бу алгоритм амалиётга жорий қилиниши натижасида акциядорлик жамиятида ички молиявий назоратни ўтказиш тартиби такомиллаштирилган.