Примов Сардор Абдумумин ўғлининг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): “Кам чўзилувчан икки қаватли трикотаж тўқималарини ишлаб чиқариш технологиясини такомиллаштириш” мавзусидаги диссертация ишини 05.06.02 – “Тўқимачилик материаллари технологияси ва хомашёга дастлабки ишлов бериш” (техника фанлари)
Диссертация мавзуси рўйхатга олинган рақам: B2025.1.PhD/T5402.
Илмий раҳбар: Мирусманов Бахтиёр, техника фанлари доктори, доцент.
Диссертация бажарилган муассаса номи: Тошкент тўқимачилик ва енгил саноат институти.
ИК фаолият кўрсатаётган муассаса номи, ИК рақами: Тошкент тўқимачилик ва енгил саноат институти, DSc.03/2025.27.12.T.21.01.
Расмий оппонентлар: Жуманиязов Қадам, техника фанлари доктори, профессор; Холиқов Қурбонали Мадаминович, техника фанлари доктори, профессор.
Етакчи ташкилот: Жиззах политехника институти.
Диссертация йўналиши: амалий аҳамиятга молик.
II. Тадқиқотнинг мақсади: кам чўзилувчан икки қаватли трикотаж тўқималарини ишлаб чиқариш технологиясини такомиллаштиришдан иборат.
III. Тадқиқотнинг илмий янгилиги:
кам чўзилувчан икки қаватли интерлок трикотаж тўқимаси таркибига қўшимча ҳалқа қаторларини ясси игнадонли трикотаж машиналарининг технологик имкониятларидан фойдаланиб қўшиш орқали янги тузилишли трикотаж тўқима турларини ишлаб чиқариш технологияси такомиллаштирилган;
кам чўзилувчан икки қаватли трикотаж тўқималарини технологик кўрсаткичлари ва физик-механик хусусиятларига хомашё тури ва чизиқий зичликларини ўзгартириш асосида боғлиқлик кўрсаткичлари аниқланган;
трикотаж тўқув машиналарида тортиш ва ўраш валининг резина қопламаларини қайта ўраш ва қаввариқ бурчак қийматларини ўзгартириш ҳисобига матони игнадон эни бўйича бир меʼёрда тортилишини таʼминловчи валлар такомиллаштирилган;
кам чўзилувчан икки қаватли трикотаж тўқималарини сифат кўрсаткичларига таъсир этувчи технологик кўрсаткичлари ва физик-механик хусусиятларининг қийматларини трикотаж таркибидаги хомашёларни турига ва миқдорига боғлиқлиги ишлаб чиқилган.
IV. Тадқиқот натижаларининг жорий қилиниши: 
Икки қаватли кам чўзилувчан трикотаж тўқималарини ишлаб чиқариш технологиясини такомиллаштириш бўйича ишлаб чиқилган натижалар асосида:
кам чўзилувчан икки қаватли трикотаж тўқималарини ишлаб чиқариш технологияси “Riviera textile” МЧЖ ва “MERGANCHA TEXTILE-SERVICE” МЧЖ қўшма корхонасига жорий этилган («Ўзтўқимачиликсаноат» уюшмасининг 2025 йил 21 июл № 02/25-1760 сон маълумотномалари). Натижада икки қаватли кам чўзилувчан трикотаж тўқималарини ишлаб чиқаришга эришилган;
икки қаватли трикотаж тўқималарини ишлаб чиқаришда, ясси игнадонли трикотаж тўқув машиналарида жойлашган тортиш ва ўраш механизмини резина қопламасини 350 бурчак остида қайта ўраш “MERGANCHA TEXTILE-SERVICE” МЧЖ қўшма корхонасига жорий этилган («Ўзтўқимачиликсаноат» уюшмасининг 2025 йил 11 декабр № 02/06-2862 сон маълумотномаси). Натижасида трикотаж матоларини икки четки қисм нуқсонларини 12% га камайтиришга эришилган.