Кесимов Даврон Бобомуродовичнинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.  
Диссертация мавзуси, ихтисослик шифри (илмий даража бериладиган фан тармоғи номи): “Хусусий тиббий хизматларни ривожлантириш ва иқтисодий самарадорлигини ошириш (Қашқадарё вилояти мисолида)”, 08.00.05 – “Хизмат кўрсатиш тармоқлари иқтисодиёти”.
Диссертация мавзуси рўйхатга олинган рақам: В2024.4.PhD/Iqt4776
Илмий раҳбар: Эргашев Рахматулла Хидирович, иқтисодиёт фанлари доктори, профессор.
Диссертация бажарилган муассаса номи: Қарши давлат техника университети.
ИК фаолият кўрсатаётган муассаса номи, ИК рақами: Қарши давлат университети, DSc.03/2025.27.12.I.11.03
Расмий оппонентлар: Эргашев Эркин Ироқович, иқтисодиёт фанлари доктори, профессор; Абдуллоев Аслиддин Жунаейдуллоевич , иқтисодиёт фанлари доктори, профессор.
Етакчи ташкилот: Шароф Рашидов номидаги Самарқанд давлат университети
Диссертация йўналиши: назарий ва амалий аҳамиятга молик.
II. Тадқиқотнинг мақсади иқтисодиётни модернизациялаш шароитида хусусий тиббий хизматларни ривожлантириш ва самарадорлигини оширишга қаратилган илмий таклиф ва амалий тавсияларни ишлаб чиқишдан иборат.
III. Тадқиқотнинг илмий янгилиги: 
тиббий хизматлар учун тўловларни кўрсатилган хизматларнинг сифатига боғлаш орқали натижа учун иқтисодий жавобгар қилишга асосланган давлат–суғурта–хусусий тиббий хизмат муносабатларини амалий ривожлантириш таклифи илмий асосланган;
хусусий тиббий хизматларга суғурта тўловининг бир киши учун мўлжалланган базавий миқдорини марказ ҳудудларида ўзгаришсиз сақланиб, марказ атрофи ҳудудларида ўрта, олис ва чекка ҳудудларда эса юқори даражасини белгилаш орқали инвестициявий жозибадорликни ошириш имкониятлари илмий асосланган;
ижтимоий натижа кўрсаткичлари (пациент қониқиши, клиник натижалар ва профилактик қамров)ни баҳолаш асосида хусусий шерикнинг инвестиция манфаатларини камида беш йил муддатга таъминловчи ва давлат улуши 50 фоиздан ошмаган давлат-хусусий шерикчилик шаклидаги молиялаштириш самарадорлиги илмий асосланган;
Қашқадарё вилоятида хусусий тиббий хизматлар кўрсатувчи муассасалар сонининг ошишига аҳоли даромадлари ва тиббий хизматларга талаб ўсиши, соҳада давлат-хусусий шерикчиликнинг кенгайиши ҳамда рақамли тиббиёт ривожи ҳисобга олиниб 2030-йилгача прогноз параметрлари кўрсаткичлари ишлаб чиқилган.
IV. Тадқиқот натижаларининг жорий қилиниши. Иқтисодиётни модернизациялаш шароитида хусусий тиббий хизматлар соҳасини ривожлантириш ва самарадорлигини оширишда тиббий хизматлар бозори амал қилиш механизмини такомиллаштириш боʻйича ишлаб чиқилган таклифлар асосида:
тиббий хизматлар учун тўловларни кўрсатилган хизматларнинг сифатига боғлаш орқали натижа учун иқтисодий жавобгар қилишга асосланган давлат–суғурта–хусусий тиббий хизмат муносабатларини амалий ривожлантириш бўйича таклифи Қашқадарё вилояти соғлиқни сақлаш бошқармаси фаолиятида қоʻлланилган. (Қашқадарё вилояти ҳокимлигининг 2026-йил 19-январдаги 04-04/781-сонли маълумотномаси). Ушбу таклифдан фойдаланиш тиббий хизматлар тўловини сифат ва даволаш натижасига боғлаш орқали Қашқадарё вилоятида соғлиқни сақлаш тизимининг иқтисодий самарадорлиги, институционал жавобгарлиги ва хизматлар сифати сезиларли даражада оширилди; 
хусусий тиббий хизматларга суғурта тўловининг бир киши учун мўлжалланган базавий миқдорини марказ ҳудудларида ўзгаришсиз сақланиб, марказ атрофи ҳудудларида ўрта, олис ва чекка ҳудудларда эса юқори даражасини белгилаш орқали инвестициявий жозибадорликни ошириш имкониятлари илмий асосланганлиги бўйича таклифи Қашқадарё вилояти соғлиқни сақлаш бошқармаси фаолиятида қоʻлланилган. (Қашқадарё вилояти ҳокимлигининг 2026-йил 19-январдаги 04-04/781-сонли маълумотномаси). Ушбу таклифнинг жорий этилиши суғурта тўловларини ҳудудлар кесимида дифференциаллаштириш орқали Қашқадарё вилоятида хусусий тиббиёт учун инвестициявий муҳит яхшиланди, тиббий хизматларнинг ҳудудий қамрови кенгайди ва соғлиқни сақлаш тизимининг умумий самарадорлиги оширилди;
ижтимоий натижа кўрсаткичлари (пациент қониқиши, клиник натижалар ва профилактик қамров)ни баҳолаш асосида хусусий шерикнинг инвестиция манфаатларини камида беш йил муддатга таъминловчи ва давлат улуши 50 фоиздан ошмаган давлат-хусусий шерикчилик шаклидаги молиялаштириш самарадорлиги илмий асосланганлиги бўйича таклифи Қашқадарё вилояти соғлиқни сақлаш бошқармаси фаолиятида қоʻлланилган. (Қашқадарё вилояти ҳокимлигининг 2026-йил                              19-январдаги 04-04/781-сонли маълумотномаси). Ушбу таклифнинг амалиётга жорий этилиши асосида ижтимоий натижаларга асосланган ва инвестиция манфаатларини кафолатловчи ДХШ молиялаштириш модели орқали Қашқадарё вилоятида тиббий хизматлар сифати оширилди, хусусий капитал жалби кучайди ҳамда давлат молиявий мажбуриятлари оптималлаштирилди;
Қашқадарё вилоятида хусусий тиббий хизматлар кўрсатувчи муассасалар сонининг ошишига аҳоли даромадлари ва тиббий хизматларга талаб ўсиши, соҳада давлат-хусусий шерикчиликнинг кенгайиши ҳамда рақамли тиббиёт ривожи ҳисобга олиниб 2030-йилгача прогноз параметрлари кўрсаткичлари  бўйича ишлаб чиқилган таклиф Қашқадарё вилояти соғлиқни сақлаш бошқармаси фаолиятида қоʻлланилган. (Қашқадарё вилояти ҳокимлигининг 2026-йил 19-январдаги 04-04/781-сонли маълумотномаси). Ушбу таклифнинг амалиётга жорий этилиши асосида 2030-йилгача хусусий тиббий хизматлар ривожини белгиловчи илмий асосланган прогноз параметрларининг ишлаб чиқилиши Қашқадарё вилоятида соғлиқни сақлаш тизимини стратегик режалаштириш, инвестицияларни жалб этиш ва давлат–хусусий шерикликни кенгайтириш самарадорлигини оширди.