Норов Муроджон Махмудовичнинг
фалсафа доктори (PhD) диссертацияси ҳимояси ҳақида эълон
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Минтақа саноатида рақамли хизматларни ривожлантириш механизмини такомиллаштириш (Қашқадарё вилояти мисолида)”, 08.00.05 – “Хизмат кўрсатиш тармоқлари иқтисодиёти”.
Диссертация мавзуси рўйхатга олинган рақам: В2025.3.PhD/Iqt5683
Илмий раҳбар: Мухитдинов Шоҳижаҳон Худоёр ўғли, иқтисодиёт фанлари доктори, профессор.
Диссертация бажарилган муассаса номи: Қарши давлат университети.
ИК фаолият кўрсатаётган муассаса номи, ИК рақами: Қарши давлат университети, DSc.03/2025.27.12.I.11.03
Расмий оппонентлар:
Жўраев Фаррух Дўсмуродович, иқтисодиёт фанлари доктори (DSc), профессор;
Матёқубова Дилфуза Олимбоевна, иқтисодиёт фанлари доктори (DSc), профессор.
Етакчи ташкилот: Наманган давлат техника университети
Диссертация йўналиши: назарий ва амалий аҳамиятга молик.
II. Тадқиқотнинг мақсади. Туризм хизматларида рақамли маркетингни қўллаш орқали даромадни оширишда минтақавий туризм муаммолар ечимлари юзасидан таклиф ва тавсиялар ишлаб чиқишдан иборат.
III. Тадқиқотнинг илмий янгилиги:
саноат корхоналарида рақамли хизмат кўрсатиш тезкорлиги (Х1), ишончлилиги (Х2), қулайлиги (Х3) ва рақамли хавфсизлик (Х4) кўрсаткичларини интеграл баҳолашга асосланган сифат параметрлари коеффициенти (Кₛₚ)нинг оптимал чегараси (Кₛₚ ≥ 0,80) ни таъминлаш орқали бошқарув қарорларининг самарадорлигини ошириш имкониятлари илмий асосланган;
электрон ахборот тизимлари орқали амалга оширилган операцияларга сарфланган вақт улушига асосланган коеффициент орқали саноат корхоналарида рақамлашув даражасининг меёрий чегараларини баҳолаш таклифи илмий асосланган;
саноат корхоналарида электрон операцияларга сарфланган вақт улуши коеффициенти (Кₑᵥᵤ)нинг Кₑᵥᵤ ≥ 0.50 даражага етиши рақамли хизматларни қарорлар қабул қилиш жараёнида асосий омилга айлантириши илмий асосланган;
Қашқадарё вилоятида рақамли хизматлар бозори фаолиятини тавсифловчи хизматлар ҳажми, фойдаланувчилар сони, онлайн транзакциялар улуши ва даромад кўрсаткичлари асосида 2026-2030-йилларга мўлжалланган прогноз параметрлари ишлаб чиқилган.
IV. Тадқиқот натижаларининг жорий қилиниши. Минтақа саноатида рақамли хизматларни ривожлантириш механизмини такомиллаштириш (Қашқадарё вилояти мисолида) бўйича олинган илмий натижалар асосида:
саноат корхоналарида рақамли хизмат кўрсатиш тезкорлиги (Х1), ишончлилиги (Х2), қулайлиги (Х3) ва рақамли хавфсизлик (Х4) кўрсаткичларини интеграл баҳолашга асосланган сифат параметрлари коеффициенти (Кₛₚ)нинг оптимал чегараси (Кₛₚ ≥ 0,80) ни таъминлаш орқали бошқарув қарорларининг самарадорлигини ошириш имкониятлари бўйича таклиф Қашқадарё вилоятини 2024-2025-йилларда комплекс ижтимоий-иқтисодий ривожлантириш бўйича йўл харитасини ишлаб чиқиш ва амалга оширишда фойдаланилган (Қашқадарё вилояти ҳокимлигининг 2025-йил 30-сентябрдаги 07-07/8445-сонли маълумотномаси). Мазкур таклифнинг амалиётга жорий этилиши натижасида саноат корхоналарида рақамли хизматлар сифати Кₛₚ ≥ 0,80 даражасига етказилиб, бошқарув қарорларининг тезкорлиги ва самарадорлиги оширилди ҳамда Қашқадарё вилояти саноат корхоналарининг рақамли рақобатбардошлиги кучайтирилди.
электрон ахборот тизимлари орқали амалга оширилган операцияларга сарфланган вақт улушига асосланган коеффициент орқали саноат корхоналарида рақамлашув даражасининг меёрий чегараларини баҳолаш бўйича таклиф Қашқадарё вилоятини 2024-2025-йилларда комплекс ижтимоий-иқтисодий ривожлантириш бўйича йўл харитасини ишлаб чиқиш ва амалга оширишда фойдаланилган (Қашқадарё вилояти ҳокимлигининг 2025-йил 30-сентябрдаги 07-07/8445-сонли маълумотномаси). Мазкур таклифнинг амалиётга жорий этилиши натижасида электрон ахборот тизимлари орқали бажарилган операциялар вақт улушига асосланган коеффициент ёрдамида саноат корхоналарида рақамлашув даражаси объектив баҳоланди, меъёрий чегаралар аниқланди ва бошқарув жараёнларини оптималлаштириш имконияти яратилди;
саноат корхоналарида электрон операцияларга сарфланган вақт улуши коеффициенти (Кₑᵥᵤ)нинг Кₑᵥᵤ ≥ 0.50 даражага етиши рақамли хизматларни қарорлар қабул қилиш жараёнида асосий омилга айлантириши бўйича таклиф Қашқадарё вилоятини 2024-2025-йилларда комплекс ижтимоий-иқтисодий ривожлантириш бўйича йўл харитасини ишлаб чиқиш ва амалга оширишда фойдаланилган (Қашқадарё вилояти ҳокимлигининг 2025-йил 30-сентябрдаги 07-07/8445-сонли маълумотномаси). Мазкур таклифнинг амалиётга жорий этилиши натижасида пудратчи компаниялар, онлайн бозор ва ритейлерлар ўртасида интеграциялашган тизимни шакллантириш орқали рақамли хизматлар бозори логистикасини такомиллаштириш ва етказиб бериш тезлашади ҳамда рақамли хизматлар бозорини ривожлантиришга имкони яратилган.
Қашқадарё вилоятида рақамли хизматлар бозори фаолиятини тавсифловчи хизматлар ҳажми, фойдаланувчилар сони, онлайн транзакциялар улуши ва даромад кўрсаткичлари асосида 2026–2030 йилларга мўлжалланган прогноз параметрлари ишлаб чиқилганлиги бўйича таклиф Қашқадарё вилоятини 2024-2025-йилларда комплекс ижтимоий-иқтисодий ривожлантириш бўйича йўл харитасини ишлаб чиқиш ва амалга оширишда фойдаланилган (Қашқадарё вилояти ҳокимлигининг 2025-йил 30-сентябрдаги 07-07/8445-сонли маълумотномаси). Мазкур таклифнинг амалиётга жорий этилиши натижасида Қашқадарё вилоятида рақамли хизматлар бозорининг ўрта муддатли ривожланиш истиқболлари аниқ белгиланди, бошқарув қарорларини олдиндан режалаштириш ҳамда инвестиция ва ҳудудий ривожланиш сиёсатини асослаш имконияти яратилди.
