МУХАМЕДОВА Дилбар Гафурджановнанинг

 докторлик диссертация ҳимояси ҳақида эълон

    I. Умумий маълумотлар.

Диссертация мавзуси, ихтисослик шифри: «Таълим менежерини инновацион фаолиятга тайёрлашнинг ижтимоий-психологик технологияларини такомиллаштириш», 19.00.05 – ижтимоий психология. Этнопсихология (психология фанлари).

Диссертация мавзуси рўйхатга олинган рақам: 30.09.2014/В2014.3-4.P13

Талабгорнинг илмий ва илмий-педагогик фаолият олиб боришга лаёқати бўйича тест синовидан ўтгани ҳақида маълумот: /психология фанлари номзоди/.

Илмий  маслаҳатчининг Ф.И.Ш., илмий даражаси ва унвони: Шоумаров Ғайрат Баҳромович, психология фанлари доктори, профессор.

Диссертация бажарилган муассаса номи: Ўзбекистон Миллий университети.

ИК фаолият кўрсатаётган муассаса (муассасалар) номи, ИК рақами: Тошкент давлат педагогика университети ҳузуридаги бир марталик илмий кенгаш

Расмий оппонентлар: Нишонова Замира Таскараевна, психология фанлари доктори, профессор, Бекмуродов Мансур Бобомуродович, социология фанлари доктори, профессор Туленова Карима Жандаровна фалсафа фанлари доктори, профессор

Етакчи ташкилот: Бухоро давлат университети

Диссертация йўналиши: амалий аҳамиятга молик.

    II. Тадқиқотнинг мақсади: олий таълим тизимида таълим менежерини инновацион фаолиятга тайёрлашнинг ижтимоий-психологик технологияларини такомиллаштиришдан иборат.

    III. Диссертациянинг илмий янгилиги:

менежер олий таълим муассасаси инновацион фаолиятига тайёрлигининг ижтимоий-психологик компонентлари асосланган;

таълим менежери шахсида инновацион фаолиятга салбий таъсир этувчи ижтимоий-психологик тўсиқларни аниқлаш саволномасининг модификациялаштирилган шакли ишлаб чиқилган;

шахсда интеллектуал ресурс, инновацион фаолиятга киришувчанлиги, ташкилий-бошқарув потенциали ҳамда жамоадаги ижтимоий-психологик иқлим каби омилларни эътиборга олган ҳолда олий таълим менежери инновацион фаолиятини баҳолаш мезонлари ишлаб чиқилган; 

олий таълим менежерини инновацион фаолиятга тайёрлаш жараёнида диагностика, коррекция ва прогнозлаштириш каби жиҳатларига қаратилган махсус дастур таклиф қилинган;

инновацион фаолият жараёнида ижтимоий-психологик хусусиятлар ҳамда эксперт, инновацион фаолият ва ўз-ўзини баҳолаш юзасидан олий мактаб менежери инновация фаолиятини психодиагностик методикалари ишлаб чиқилган;

таълим менежерига оид этноҳудудий ва этнопсихологик хусусиятларни эътиборга олган ҳолда уни инновацион фаолиятига тайёрлашнинг модели таклиф этилган.

   IV. Диссертациянинг aмалиётга жорий этилган илмий натижалари ва уларнинг самараси: стандартлаштирилган психологик ташхис методикаси, эксперт баҳолаш мезонлари, мутахассисни инновацион фаолиятга тайёрлаш модели ва психологик тренинг дастурининг услубий ёндашуви вазирликнинг тегишли ишчи гуруҳи томонидан тасдиқланган ҳамда тажриба-синов натижалари маъқулланган ва тегишли ваколатли муассасага жорий этилиши қарор билан тасдиқланган (Олий ва ўрта махсус таълим вазирлигининг 2013 йил 11 ноябрдаги 23-сон баённомаси). Улар тегишли жараённи илмий асосда ташкил этишнинг услубий асосини такомиллаштиришга хизмат қилади;

ижтимоий-психологик омилларни эътиборга олган ҳолда раҳбар кадрларни қайта тайёрлаш жарёнини ташкил этиш бўйича олинган илмий натижалар Бош илмий-методик маркази фаолиятига жорий этилган (Олий ва ўрта махсус таълим вазирлигининг 2015 йил 6июндаги 89-01-150-сон маълумотномаси; Бош илмий-методик марказнинг 2013 йил 5 ноябрдаги  44-сон маълумотномаси);

таълим менежерини инновацион фаолиятга тайёрлаш ижтимоий-психологик технологияларининг такомиллаштирилиши Бош илмий-методик марказида қайта тайёрланган раҳбар кадрлар шахси психологик сифатини уларнинг касбий қобилиятларини ривожлантириш имкониятлари (ички локус назорат, адекват ўз-ўзини баҳолаш, ўз касбий қобилиятини баҳолаш ва ҳ.к.) дифференциал баҳоланишини жорий этиш  асосида ривожлантириш орқали раҳбар кадрлар малакасини ошириш жараёнлари самарадорлиги 13,8 фоиз ҳамда касбий ривожлантиришнинг психологик мотивация механизмларини (ички психологик имкониятларни фаоллаштириш, коммуникатив қобилиятларни ривожлантириш, фактор баҳолашни жорий этиш ва ҳ.к.) қўллаш таълим менежерлари фаолияти натижавийлигини 11,3 фоиз ортишига олиб келди.