Худоёров Азамат Абдираимовичнинг
фалсафа доктори (PhD) диссертацияси ҳимояси ҳақида эълон 

I. Умумий маълумотлар.
Диссертация мавзуси, ихтисослик шифри (илмий даража бериладиган тармоғи номи): “Маҳаллий хом ашё ва материаллар асосидаги юқори эксплуатацион хоссаларга эга бўлган комплекс модификацияланган майда донадор базалтофибробетон”, 05.09.05 – “Қурилиш материаллари ва буюмлари” (техника фанлари). 
Диссертация мавзуси рўйхатга олинган рақам: В2025.1.PhD/Т5493
Илмий раҳбар: Махаматалиев Иркин Муминович – техника фанлари доктори, профессор.
Диссертация бажарилган муассаса номи: Тошкент давлат транспорт университети. 
ИК фаолият кўрсатаётган муассаса (муассасалар) номи, ИК рақами: Тошкент давлат транспорт университети ҳузуридаги DSc.10/2025.27.12.Т.01.01 рақамли Илмий кенгаш. 
Расмий оппонентлар: Ҳасанов Бахридин Баратович, техника фанлари доктори, профессор; Тургунбаева Жумагул Рахимбердиевна, техника фанлари фалсафа доктори PHD, доцент. 
Етакчи ташкилот: Қорақалпоқ давлат  университети 
Диссертация йўналиши. Техника йўналиши. Назарий ва амалий аҳамиятга молик.
II. Тадқиқотнинг мақсади: Оддий маркали СЕМ И 32,5Н (М400) портландцементи асосидаги базалтли фибратола билан дисперс арматураланган эксплуатацион хоссаларининг кўрсаткичлари юқори бўлган сейсмочидамли  комплекс модификацияланган майда донадор базалтофибробетоннинг таркиби ва технологиясини ишлаб чиқишдан иборат.
III. Тадқиқотнинг илмий янгилиги: 
илк бор сиқилишга ва эгилишга мустахкамлиги хамда музлашга чидамлилиги кўрсаткичларининг юқорилиги билан ажралиб турувчи базалтли фибротола билан дисперс арматураланган модификацияланган майда донадор фибробетоннинг таркиби ва технологияси исботланган (Бетон қоришмаси, ихтиро патенти (ИАП 07528);
цементли боғловчининг гидратацияси жараёнида хосил бўлувчи гидратли оҳакнинг базалтли фибротола мустахкамлигига салбий таъсирини бартараф қилиш учун таркибга кимёвий фаоллиги юқорироқ бўлган микротўлдиргич хисобланган кул учқиндисини киритиш йўли билан амалга ошириш мумкинлиги асосланган;
мустахкамлиги ва эксплуатацион хоссалари кўрсаткичларининг энг юқори қийматларга эга бўлишини таъминловчи базалтли фибратола билан дисперс арматураланган комплекс модификацияланган майда донадор базалтофибробетоннинг таркибига киритилувчи модификацияловчи қўшимчаларнинг мақбуллаштирилган миқдорлари: «ПОЛИМИХ» суперпластификатори 1%, базалт толаси 4% ва кул учқиндиси 11% ишлаб чиқилган;
комплекс модификацияланган майда донадор базалтофибробетоннинг таркибига киритилувчи фибратоланинг композитнинг хажми бўйича бир текис тақсимланишини таъминлаб берувчи цементли боғловчи ва базалтофибротолани биргаликда тегирмонда  майдалашни кўзда тутувчи технологик усули  ишлаб чиқилган.
IV. Тадқиқот натижаларининг жорий қилиниши. Маҳаллий хом ашё ва материаллар асосидаги юқори эксплуатацион хоссаларга эга бўлган комплекс модификацияланган майда донадор базалтофибробетоннинг таркиби ва технологиясини ишлаб чиқиш  бўйича бажарилган  илмий тадқиқотларнинг натижалари асосида:
Янги авлод бетонидан 1.038.1-1 «Турар-жой ва жамоат бинолари учун брусли перемичкалар» сериясига мувофиқ келувчи 2ПБ-30  дераза усти перемичкаларининг тажрибавий партияси «НЎКИС ТЕМИР БЕТОН БУЮМЛАРИ ЗАВОДИ» МЧЖ корхонасининг темирбетон заводида ишлаб чиқаришга жорий қилинди. ("Ўзсаноатқурилишматериаллари" уюшмасининг 2025-йил 26 майдаги № 02/15-1720-сонли маълумотномаси). Натижада, амалда ишлаб чиқарилувчи темирбетонли 2ПБ-30 дераза усти перемичканинг таннархини 22,5% га арзонлаштиришга эришилди. Ишланмани амалиётга жорий қилиш натижасида олинган иқтисодий самарадорлик 1м3 2ПБ-30 дераза усти перемичка учун 889 483 сўмни ташкил қилган.
Юқори эксплуатацион хоссаларга эга бўлган комплекс модификацияланган майда донадор базалтофибробетон асосидаги янги авлод бетонидан 2ПБ-30  дераза усти перемичкалари «НЎКИС ТЕМИР БЕТОН БУЮМЛАРИ ЗАВОДИ» МЧЖ корхонасининг темирбетон заводида ишлаб чиқаришга жорий қилинди. ("Ўзсаноатқурилишматериаллари" уюшмасининг 2025-йил 26 майдаги № 02/15-1720-сонли маълумотномаси). Натижада юқори эксплуатацион хоссаларга эга бўлган комплекс модификацияланган майда донадор базалтофибробетон асосида ишлаб чиқарилган, 850 дона 2ПБ-30  дераза усти перемичкаларидан олинган иқтисодий самара 158,4 млн.сўмни ташкил қилган.