Ташкенбаева Тахмина Бахтиёровнанинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): “Таянч-ҳаракат тизими бузилган инсонлар учун кийим лойиҳалаш усулини такомиллаштириш” мавзусидаги диссертация ишини 05.06.04–“Тикувчилик буюмлари технологияси ва костюм дизайни” (техника фанлари) мутахассислиги
Диссертация мавзуси рўйхатга олинган рақам: В2025.3 PhD/Т5997.
Илмий раҳбар: Нигматова Фатима Усмановна, техника фанлари доктори, профессор.
Диссертация бажарилган муассаса номи: Тошкент тўқимачилик ва енгил саноат институти.
ИК фаолият кўрсатаётган муассаса номи, ИК рақами: Тошкент тўқимачилик ва енгил саноат институти, DSc.03/2025.27.12.Т.21.01.
Расмий оппонентлар: Абдукаримова Машкура Абдураимовна, техника фанлари доктори, профессор; Шарипова Саодат Толкуновна, техника фанлари бўйича фалсафа доктори (PhD).
Етакчи ташкилот: Бухоро давлат техника университети.
Диссертация йўналиши: амалий аҳамиятга молик.
II. Тадқиқотнинг мақсади: Таянч-ҳаракат тизими бузилган инсонлар учун кийимининг қулайлиги, функционал ва эргономик, ҳамда тиббий-ижтимоий хусусиятларини оширишни таъминловчи лойихалаш усулларини такомиллаштиришдан иборат.
III. Тадқиқотнинг илмий янгилиги:
таянч-ҳаракат тизими бузилган инсонларнинг кундалик вақт бюджети ва ҳаёт тарзини таҳлил қилиш асосида турли мўлжалдаги буюмларни манзилли лойиҳалаш жараёнини оптималлаштириш имконини берувчи "ногирон – мослашувчан кийим – муҳит" тизимининг қулайлик модели ишлаб чиқилган; 
ўхшашлик назариясидан фойдаланиб материалларнинг сифат кўрсаткичларини тахлил қилиш асосида эталон тизимнинг базавий кўрсаткичларига кўра кийим материалларини конфекциялаш услуби турли мўлжалдаги кийим гигиеник кўрсаткичларини аниқлаш мисолида ишлаб чиқилган;  
 ногиронлиги бўлган шахс танасининг терлаш хусусиятларини ҳисобга олган ҳолда,  локал ҳаво алмашинуви  ва бактериал ҳимоя сохаларининг топографик жойлашувига асосланган адаптив кийимни лойиҳалаш услуби ишлаб чиқилган;
ногиронлик аравачасидан фойдаланувчи инсонларнинг эксплуатацион ишончлилиги ва хавфсизлигини таъминловчи мослашувчан  кийимларнинг рационал конструктив-технологик ечимлари ногироннинг динамик харакатларини хисобга олган ҳолда ишлаб чиқилган.
IV. Тадқиқот натижаларининг жорий қилиниши: 
Таянч-ҳаракат тизими бузилган инсонлар учун функционал ва эргономик хусусиятларини ошириш, ҳамда тиббий-ижтимоий реабилитацияга кўмаклашишни таъминловчи кийимларни ишлаб чиқиш бўйича илмий ва тажрибавий тадқиқот натижалари асосида:
ногиронлик аравачасида ҳаракатланувчи шахсларнинг баҳор-куз мавсумида кундалик кийишига мўлжалланган эркаклар кўйлаги, поло ва  шими, спорт комплектининг меъёрий-техник хужжатлари “Golden Home Textile” МЧЖ, “Nurtex” МЧЖ, “BHR OUTPUT” МЧЖ ва “IMRON TEXTILE GROUP” ХК корхоналарида синовдан ўтказилди ва ишлаб чиқаришга жорий этилди (“Ўзтўқимачиликсаноат” Уюшмасининг 2025 йил 15 декабрдаги №02/06-2898 гувоҳномаси). Натижада, кундалик ва спорт комплектларнинг конструкцияси ва ўзига хос ишлов бериш технологиясининг қулайлигига, ечиш ва кийишда ҳаракатини чекламаслигига ва импорт ўрнини босувчи маҳсулотларни маҳаллий хом ашёдан ишлаб чиқариш ҳисобига иқтисодий харажатлар камайишига эришилган.