Самадов Абдулазиз Ашуровичнинг  Педагогика фанлари бўйича фалсафа доктори (PhD) диссертацияси ҳимояси ҳақида эълон

I.Умумий маълумот. 
Диссертация мавзуси, ихтисослик шифри (илмий даража бериладиган фан тармоғи): “Ўзгарувчан таълим парадигмаси шароитида бўлажак чақириққача ҳарбий таълим ўқитувчисининг касбий маҳоратини шакиллантириш механизми” 13.00.01- Педагогика назарияси. Педагогик таълимотлар тарихи.
Диссертация мавзуси роʻйхатга олинган рақам: B2024.1.PhD/Ped6951
Илмий раҳбар: Маманазаров Абдуҳаким Бозорович педагогика фанлари доктори (DSc), доцент. 
Диссертация бажарилган муассаса номи: Бухоро давлат университети. 
ИК фаолият кўрсатаётган муассаса номи (муассасалар), ИК рақами: Бухоро давлат педагогика институти DSc.01/2025.27.12.Ped.13.01
Расмий оппонентлар: Шарипов Абдухакимжон Зиёитдинович фалсафа фанлари доктори (DSc), профессор, Соҳибов Акром Рустамович педагогика фанлари номзоди, профессор.
Етакчи ташкилот: Гулистон давлат университети
Диссертация йўналиши: назарий ва амалий аҳамиятга молик.
II. Тадқиқотнинг мақсади: ўзгарувчан таълим парадигмаси шароитида бўлажак чақирувчига ҳарбий таълим ўқитувчиси касбий маҳоратини шакллантириш юзасидан таклиф ва тавсиялар ишлаб чиқишдан иборат.
III.Тадқиқотнинг илмий янгилиги:
бўлажак чақириққача ҳарбий таълим ўқитувчисининг касбий маҳоратини шакллантириш компонентлари (ахборот, ўзини англаш, таҳлилий-тадқиқот, амалий) ҳамда педагогнинг доимий ўзгарувчан шароитга мослашиши, касбий рефлекция, ташаббускорлик, мотивацион барқарорлик ва ижтимоий масъулият, психологик тайёргарлик, мотивацион муҳит, деонтологик компетенсияни ривожлантиришга устуворлик бериш асосида педагогик имкониятлари аниқлаштирилган;
бўлажак чақириққача ҳарбий таълим ўқитувчисида касбий маҳоратни шакллантириш мазмуни компетенсиялар (педагогик-коммуникатив, ҳарбий-амалий, ахборот-коммуникацион, когнитив-рефлексив, ҳарбий-ватанпарварлик тарбияси бўйича, ташкилий-бошқарув, этик-деонтологик, акмеологик ўсиш), мазкур жараён функсиялари (коммуникатив, ташкилий, ўқитиш, режалаштириш, гностик функсиялари) ҳамда босқичлари (когнитив-мўлжалли, мотивацион, операцион-самарали, шахсий) ўртасидаги педагогик мувофиқлик асосида такомиллаштирилган;
бўлажак чақириққача ҳарбий таълим ўқитувчисининг касбий маҳоратини шакллантиришнинг моделининг амалий компоненти комплекс шартлар (“ҳарбий-симулятив реал ҳолатларни моделлаштириш”, “ҳарбий-педагогик таҳлилий машқлар”, “дарс-тренинг сенарийси асосида ҳарбий тайёргарлик машғулотини лойиҳалаш”, “жисмоний ва нутқий фаолиятни рефлексив мониторинг қилиш”, “ҳарбий-таълимий амалиёт (чақириққача синфда)”, “педагогик вазиятда коммуникатив пауза ва риторик бошқарув”, “оғзаки бўлмаган мулоқот орқали ҳарбий педагогик позицияни ифодалаш”) жорий этилишини келажакдаги имкониятлар нуқтайи назаридан баҳолаш ва мавжуд вазиятни қиёсий таҳлил асосида такомиллаштирилган;  
ўзгарувчан таълим шароитида бўлажак ҳарбий таълим ўқитувчисининг касбий маҳоратини шакллантиришнинг дидактик тизими мақсадли, мазмунли ва технологик жиҳатларнинг бутун мажмуасини ўз ичига олиб, муқобиллик, ўзгарувчанлик, самарадорликка эришиш кўрсаткичлари асослилигини таъминлаш орқали такомиллаштирилган.
IV.Тадқиқот натижаларининг жорий қилиниши:
Ўзгарувчан таълим парадигмаси шароитида бўлажак чақириққача ҳарбий таълим ўқитувчисининг касбий маҳоратини шакиллантириш механизимини такомиллаштириш бўйича тадқиқот натижалари асосида:
 бўлажак чақириққача ҳарбий таълим ўқитувчисининг касбий шаклланишига таъсир кўрсатувчи ахлоқий-руҳий фазилатлар тизими аниқлаб берилди, бунда уларни шакллантиришда олий педагогик таълим муассасаларининг мақсадли тарбиявий ресурсларидан самарали фойдаланиш, шахсий ва касбий ривожланишнинг рефлексив-операцион механизмлари, эмоционал интеллектуал менежмент, ҳамда касбий ўзгарувчанликка тайёргарлик ҳолатларини аниқлашга оид тавсиялар “Ҳарбий раҳбар маҳорати ва этикаси” номли ўқув қўлланма мазмунига сингдирилган (Олий таълим, фан ва инновациялар вазирлигининг 2023 йил 22 декабрдаги 537-сон буйруғи асосида берилган 537282-рақамли нашр рухсатномаси). Натижада, чақириққача ҳарбий таълим йўналишида таҳсил олаётган талабалар учун ахлоқий ва руҳий жиҳатдан барқарор шахсни шакллантиришга хизмат қилувчи касбий ҳамда шахсий фазилатларни ривожлантиришга доир педагогик-психологик омиллар ва уларни таъминлайдиган таълимий имкониятларни тизимли таҳлил қилиш имконияти кенгайтирилди, касбий тайёргарлик жараёнида бўлажак ҳарбий таълим ўқитувчисининг ахлоқий-руҳий барқарорлигини шакллантиришга хизмат қилувчи амалий-технологик тизим ишлаб чиқилди, бунда когнитив флексибилитет, шахсга йўналтирилган рефлексив фаолият, ҳамда интеллектуал чидамлиликни ривожлантиришга қаратилган методлар таълим-тарбия жараёнига жорий этилган;
ўзгарувчан таълим шароитида ҳарбий таълим ўқитувчисининг касбий маҳоратини ривожлантиришга хизмат қилувчи амалий механизмлар тизими асослаб берилди, бунда рефлексивлик, ижодий-интеллектуал салоҳият, ташкилий-диагностик компетенсия ва проакцион ёндашув асосида шахсга йўналтирилган инновацион таълим технологиялари билан интеграциялашган стратегик ечимлар ишлаб чиқиш асосида такомиллаштиришга оид таклифлар “Ҳарбий раҳбар маҳорати ва этикаси” номли дарслиги мазмунига сингдирилган (Олий таълим, фан ва инновациялар вазирлигининг 2023-йил 29-майдаги 232-сон буйруғи асосида берилган 232-705-рақамли нашр рухсатномаси). Натижада, чақириққача ҳарбий таълим йўналиши талабаларида касбий маҳоратини шакллантиришнинг педагогик механизмларини амалиётга тадбиқ этишга шароит яратилган; 
бўлажак чақириққача ҳарбий таълим ўқитувчисининг касбий маҳоратини шакллантиришга хизмат қилувчи модел консептуал жиҳатдан ишлаб чиқилди, у методологик, ташкилий, дидактик ва баҳоловчи компонентларнинг изчил уйғунлашуви орқали алгоритмик ёндашув асосида ташкил қилиш, гибрид ўргатувчилик ролини шакллантиришга устуворлик бериш асосида такомиллаштирилган (Мудофаа вазирлиги ҳарбий кадрларни тайёрлаш бошқармасининг 2025 йил 14 апрелдаги 10/796-сонли маълумотнома). Натижада, ўзгарувчан таълим парадигмаси шароитида бўлажак чақириққача ҳарбий таълим ўқитувчисининг касбий маҳоратини шакллантириш механизмини тажриба-синов дастурлари орқали асослаш имкони кенгайтирилган.