Расулова Наргиза Файзуллаевнанинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): “Пилла чувишда фойдаланиладиган технологик сув тайёрлаш усулини такомиллаштириш” мавзусидаги диссертация ишини 05.06.02 – “Тўқимачилик материаллари технологияси ва хомашёга дастлабки ишлов бериш” (техника фанлари)
Диссертация мавзуси рўйхатга олинган рақам: B2025.3.PhD/Т5978.
Илмий раҳбар: Исламбекова Нигора Муртозаевна, техника фанлари доктори, профессор.
Диссертация бажарилган муассаса номи: Тошкент тўқимачилик ва енгил саноат институти.
ИК фаолият кўрсатаётган муассаса номи, ИК рақами: Тошкент тўқимачилик ва енгил саноат институти, DSc.03/2025.27.12.Т.21.01
Расмий оппонентлар: Мирзахмедова Муниса Ҳакимжановна, техника фанлари доктори, доцент; Рахимов Акмал Алишерович, техника фанлари фалсафа доктори (PhD).
Етакчи ташкилот: Ўзбекистон табиий толалар илмий тадқиқот институти.
Диссертация йўналиши: амалий аҳамиятга молик.
II. Тадқиқотнинг мақсади: сифатли хом ипак ишлаб чиқаришга эришиш учун пилла чувишда фойдаланиладиган технологик сув тайёрлаш усулини такомиллаштиришдан иборат.
III. Тадқиқотнинг илмий янгилиги:
    пилла чувиш жараёнида қўлланиладиган сувнинг хусусиятларини ифодаловчи кўп факторли регрессия боғланишларни таҳлили  асосида технологик сув тайёрлашнинг расионал кўрсаткичлари ишлаб чиқилган;
    сувнинг умумий қаттиқлиги, ишқорийлиги ва пҲ муҳитини серициннинг эриш кинетикасига ва пилла қобиғининг бўкишига салбий таъсири сувнинг қаттиқлигини таҳлил қилиш асосида аниқланган,  ион алмашиниш орқали сувни юмшатиш усули ишлаб чиқилган;
    пилалларни чувишга тайёрлашда бир текис буғлаш ва  ичига сув тўлдиришни янада яхшилаш учун ултратовуш билан ишлов бериш орқали сув ҳаракатини фаоллаштириш асосида  пиллани буғлаш ускунаси такомиллаштирилган;
    технологик сувнинг пҲ, ишқорийлиги, қаттиқлигини расионал таркиби ва уни тайёрлаш технологик режимлари  пилла чувишда сув хоссаларининг хом ипак ва бошқа ипак маҳсулотлари чиқишига таъсирини таҳлил қилиш орқали ишлаб чиқилган.
IV. Тадқиқот натижаларининг жорий қилиниши: Пилла чувишда фойдаланиладиган технологик сув тайёрлашни такомиллаштириш бўйича олинган илмий  натижалар асосида:
 тавсия этилган такомиллаштирилган технология “Ўзбекипаксаноат” уюшмаси тасарруфидаги корхоналарда, жумладан Тошкент вилояти Бўка туманида жойлашган “Ташкент Силк Про” ҚК  ҳамда “Турон Силк Про” МЧЖ корхоналарида жорий қилинган (“Ўзбекипаксаноат” уюшмасининг 2025 йил 29 июлги 4-2/1305-сонли маълумотномаси). Натижада технологик сувни тайёрлаш, буғлаш жараёнини такомиллаштириш асосида, амалдаги стандарт бўйича А синфига мос сифатли хом ипак ишлаб чиқарилиб,  пиллаларни чувиш жараёнидаги солиштирма сарф “Ташкент Силк Про” ҚК да 3,1 кг дан 2,7 кг гача, “Туран Силк Про” МЧЖ да 3,2 кг дан 2,7 кг гача қисқартириш, орқали бир килограмм хом ипак ишлаб чиқариш учун кетадиган пилла хомашёси сарфини 10–12% га камайтирилишига эришилган.