Иброҳимов Бобурмирзо Бахтиёр ўғлининг
фалсафа доктори (PhD) диссертацияси ҳимояси ҳақида эълон 

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Агротадбиркорлик субектларида инновацион фаолият самарадорлигини ошириш», 08.00.15 – тадбиркорлик ва кичик бизнес иқтисодиёти.
Диссертация мавзуси рўйхатга олинган рақам: В2024.4.PhD/Iqt4825.
Илмий раҳбар:  Рахимов Бахромжон Иброҳимович, иқтисодиёт фанлари номзоди, доцент.
Диссертация бажарилган муассаса номи: Наманган давлат техника университети.
ИК фаолият кўрсатаётган муассаса номи, ИК рақами: Наманган давлат техника университети, PhD.03/27.05.2020.I.66.03. 
Расмий оппонентлар: Наманган давлат техника университети Исраилов Рустам Ибрагимович,  иқтисодиёт фанлари доктори, профессор;   Тошкент давлат иқтисодиёт университети Ғойипназаров Санжар Баходирович,  иқтисодиёт фанлари  доктори 
Етакчи ташкилот: Фарғона давлат университети
Диссертация йўналиши: назарий ва амалий аҳамиятга молик. 
II. Тадқиқотнинг мақсади: агротадбиркорлик субектларида инновацион фаолият самарадорлигини оширишга  қаратилган таклиф ва тавсиялар ишлаб чиқишдан иборат.
III. Тадқиқотнинг илмий янгилиги: 
услубий ёндашувга кўра «аграр соҳада инновацион фаолият самарадорлиги» тушунчасининг иқтисодий мазмуни маҳсулотни қайта ишлаш ва ишлаб чиқариш, технологик, агро-экологик, ташкилий йўналишларга тақсимлаш ҳамда ижтимоий ва экологик жиҳатдан фойдалилик даражасини ошириш нуқтаи назаридан такомиллаштирилган; 
агротадбиркорлик фаолиятини инновацион ривожланишининг “юқори”, “ўрта” ва “паст” даражаларини технологик инновация (Тию > 75; 50 < Тиў < 75; Тип < 50), инновацион инвестициялар (Иисю > 1,0; 0,5 < Иисў < 1,0; Иисп < 0,5), инновацион  ишлаб чиқариш самарадорлиги (Ичю > 1,0; 0,6 < Ичў < 1,0; Ичп < 0,6) тизимлари бўйича тоифаларга ажратиш асосланган; 
тадбиркорлик субекти даражасида инновацион лойиҳаларни экспертизадан ўтказиш жараёнида баҳолаш ва танлаш механизми инновацион лойиҳаларни экспертизадан ўтказиш ва танлаш таомилларининг “мослашувчан изчиллиги”ни жорий этиш орқали такомиллаштирилган;
Наманган вилояти бўйича агротадбиркорлик субектларининг инновацион ривожланишига таъсир этувчи омиллар ўртасидаги ўзаро боғлиқликни ифодаловчи эконометрик моделлар асосида 2030-йилга қадар прогноз кўрсаткичлари ишлаб чиқилган.
IV. Тадқиқот натижаларининг жорий қилиниши. 
Тадбиркорлик фаолиятида инновацион муҳитни ташкил этиш самарадорлигини ошириш йўллари юзасидан ишлаб чиқилган илмий-амалий таклиф ва тавсиялар асосида:
услубий ёндашувга кўра «аграр соҳада инновацион фаолият самарадорлиги» тушунчасининг иқтисодий мазмуни маҳсулотни қайта ишлаш ва ишлаб чиқариш, технологик, агро-экологик, ташкилий йўналишларга тақсимлаш ҳамда ижтимоий ва экологик жиҳатдан фойдалилик даражасини ошириш нуқтаи назаридан такомиллаштиришга оид назарий-услубий материалларидан олий оʼқув юртлари талабалари учун тавсия этилган «Қишлоқ хўжалиги иқтисодиёти» номли дарсликни тайёрлашда фойдаланилган (Ўзбекистон Республикаси Олий таълим, фан ва инновациялар вазирлигининг 2024 йил 07 майдаги 149-сон буйруғи). Мазкур илмий янгиликнинг амалиётга жорий этилиши натижасида талабарларда «аграр соҳада инновацион фаолият самарадорлиги» тушунчасининг иқтисодий мазмуни боʼйича янги билим ва коʼникмалар шакллантириш имкони яратилган;
агротадбиркорлик фаолиятини инновацион ривожланишининг “юқори”, “ўрта” ва “паст” даражаларини технологик инновация (Тию > 75; 50 < Тиў < 75; Тип < 50), инновацион инвестициялар (Иисю > 1,0; 0,5 < Иисў < 1,0; Иисп < 0,5), инновацион  ишлаб чиқариш самарадорлиги (Ичю > 1,0; 0,6 < Ичў < 1,0; Ичп < 0,6) тизимлари бўйича тоифаларга ажратиш таклифи Ўзбекистон Республикаси қишлоқ хўжалиги вазирлиги томонидан амалиётга жорий этилган (Ўзбекистон Республикаси қишлоқ хўжалиги вазирлигининг 2025-йил 29-декабрдаги 06/26-4-05/8272-сонли маълумотномаси). Мазкур таклифдан фойдаланиш натижасида вилоятдаги  агротадбиркорлик субъектларида оʼзининг технологик инновация, инновация учун инвеститисиялар, инновацион ишлаб чиқариш самарадорлиги тизимлари бўйича баҳолаш имкони яратилган; 
тадбиркорлик субекти даражасида инновацион лойиҳаларни экспертизадан ўтказиш жараёнида баҳолаш ва танлаш механизми инновацион лойиҳаларни экспертизадан ўтказиш ва танлаш таомилларининг “мослашувчан изчиллиги”ни жорий этиш орқали такомиллаштириш таклифи Ўзбекистон Республикаси қишлоқ хўжалиги вазирлиги томонидан амалиётга жорий этилган (Ўзбекистон Республикаси қишлоқ хўжалиги вазирлигининг 2025-йил 29-декабрдаги 06/26-4-05/8272-сонли маълумотномаси). Мазкур илмий янгиликни амалиётга жорий этиш натижасида қишлоқ хўжалиги маҳсулотларини қайта ишлашга ихтисослаштирилган корхоналарда инновацион лойихаларни қўлланилиши ҳисобига ишлаб чиқаришнинг моддий харажатлари 3 фоизга пасайишига ва маҳсулот ишлаб чиқариш хажми 2 фоизга оширилишига эришилган;
Наманган вилояти бўйича агротадбиркорлик суб'ектларининг инновацион ривожланишига таъсир этувчи омиллар ўртасидаги ўзаро боғлиқликни ифодаловчи эконометрик моделлар асосида 2030-йилга қадар ишлаб чиқилган прогноз кўрсаткичларидан фойдаланиш таклифи Ўзбекистон Республикаси қишлоқ хўжалиги вазирлиги томонидан амалиётга жорий этилган (Ўзбекистон Республикаси қишлоқ хўжалиги вазирлигининг 2025-йил 29-декабрдаги 06/26-4-05/8272-сонли маълумотномаси). Мазкур илмий янгиликни амалиётга жорий этиш натижасида Оʼзбекистон Республикаси Савдо-саноат палатаси Наманган вилояти ҳудудий бошқармасининг 2028-йилга қадар тадбиркорлик фаолиятини ривожлантириш бўйича «Йўл харитаси»ни асосий кўрсаткичларининг аниқлик даражаси оширишга эришилган.