Сулайманова Нафиса Абдимуминовнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Карпсимон балиқлар лернеозининг тарқалиши, даволаш ва олдини олиш тадбирлари”, 03.00.06 - Зоология (ветеринария фанлари).
Диссертация мавзуси рўйхатга олинган рақам: В2025.1.PhD/В148
Илмий раҳбар: Мавланов Сабиржан Ибадуллаевич, ветеринария фанлари доктори, профессор.
Диссертация бажарилган муассаса номи: Ветеринария илмий-тадқиқот институти.
ИК фаолият кўрсатаётган муассаса номи, ИК рақами: Ветеринария илмий-тадқиқот институти, PhD.08/2025.27.12.В.12.01.
Расмий оппонентлар: Гафуров Актам Гафурович, ветеринария фанлари доктори, профессор; Курбанов Феруз Энатиллаевич, ветеринария фанлари доктори, доцент.
Етакчи ташкилот: Самарқанд давлат тиббиёт университети ҳузуридаги Л.М.Исаев номидаги микробиология, вирусология, юқумли ва паразитар касалликлар илмий тадқиқот институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади Самарқанд ва Тошкент вилоятларидаги сунъий сув ҳавзаларида боқилаётган карпсимон турдаги балиқларда лернеоз касаллигини тарқалиш даражасини ва мавсумий динамикасини аниқлаш, уларга қарши янги препаратларни синовдан ўтказиш ҳамда даволаш усулини ишлаб чиқишдан иборат.
III. Тадқиқотнинг илмий янгилиги:
илк бор Самарқанд ва Тошкент вилоятларидаги сунъий сув ҳавзаларида боқилаётган карпсимон балиқларда лернеоз касаллиги билан умумий зарарланиш 32,1% эканлиги аниқланган;
карпсимон балиқларда лернеоз билан зарарланишнинг йил мавсумлари бўйича динамикаси таҳлил қилинганида, ёзда – 42,7%, қишда – 3,9 %, баҳорда – 16,3 % ва куз фаслида эса 20,1% эканлиги аниқланган;
янги антипаразитар “Эмикон” ва антибактериал “Антибак 100” препаратлари бирга комплекс равишда балиқларни лернеоз касаллигига қарши қўлланилганда 100% терапевтик самара бериши аниқланган; 
балиқларнинг лернеозига қарши самарали даволаш ва профилактик чора-тадбирлар бўйича тавсиялар ишлаб чиқилган ҳамда амалиётга жорий этилган, натижада 1 сўм харажат эвазига 8,17 сўм иқтисодий самара олиниши исботланган.
IV. Тадқиқот натижаларининг жорий қилиниши. Балиқлар лернеозини тарқалиши, даволаш ва олдини олиш чора-тадбирлари бўйича олиб борилган илмий-тадқиқотлар натижалари асосида: 
“Балиқлар лернеозини тарқалиши, даволаш ва олдини олиш чора-тадбирлари” (2025) бўйича тавсиянома ишлаб чиқилган ҳамда Самарқанд вилоятини Каттақўрғон ва Пастдарғом туманлари ҳамда Тошкент вилоятидаги Балиқчилик илмий маркази тажриба хўжаликларига ва Қибрай туманидаги “Миcроcроп” балиқчилик хўжаликларида жорий қилинган (Ветеринария ва чорвачиликни ривожлантириш қўмитасининг 2025-йил 7-ноябрдаги 02/23-817-сон маълумотномаси). Натижада балиқчилик хўжаликларида балиқлар лернеозини тарқатувчи асосий этиологик сабабларни аниқлашга ва уларга тезкор ташхис қўйилишига эришилган;
Республикамизнинг Самарқанд ва Тошкент вилоятларидаги балиқчилик хўжаликларида лернеоз билан зарарланган балиқларни даволаш мақсадида «Крустацид» препарати 0,3 гр/кг миқдорда 14 кун давомида суспензия шаклида қўллаш жорий қилинган (Ветеринария ва чорвачиликни ривожлантириш қўмитасининг 2025-йил 7-ноябрдаги 02/23-817-сон маълумотномаси). Натижада балиқчилик хўжаликларида балиқлар лернеозини даволашда 90,8% экстенсамарадорликга эришилган;
тадқиқотлар давомида балиқлар лернеозига қарши «Эмикон» антипаразитар (0,15гр/кг) препарати 5 кун ва «Антибак 100» антибактериал препаратларини (0,1гр/кг) 5 кун жами 10 кун давомида кунига 1 маҳал балиқлар озуқасига қўшиб озиқлантириш каби комплекс даволаш схемаси ишлаб чиқилган ва Самарқанд ҳамда Тошкент вилоятларидаги балиқчилик хўжаликларида парваришланаётган лернеоз билан зарарланган балиқларда жорий этилган (Ветеринария ва чорвачиликни ривожлантириш қўмитасининг (2025-йил 7-ноябрдаги 02/23-817-сон маълумотномаси). Натижада балиқлар лернеозига қарши юқори (100%) терапевтик самарадорликка ва ҳар бир сўм қилинган харажатга 8,17 сўм иқтисодий самара олишга эришилган.