Абдуллаев Мардон Ахмат ўғлининг
фалсафа доктори (PhD) диссертация ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган фан тармоғи): «Кремнезем таркибли чиқиндидан фойдаланиб автоклавсиз қотувчан композицион иссиқ сақловчи материалларни таркибини ва технологиясини ишлаб чиқиш», 02.00.07 – Композицион, лок-бўёқ ва резина материаллари кимёси ва технологияси (техника фанлари).
Диссертация мавзуси рўйхатга олинган рақам: В2025.4.PhD/Т6089.
Илмий раҳбар: Талипов Нигматулла Ҳамидович, техника фанлари доктори, профессор.
Диссертация бажарилган муассаса номи: Тошкент давлат техника университети «Фан ва тараққиёт» ДМ.
ИК фаолият кўрсатаётган муассаса номи, ИК рақами: Тошкент давлат техника университети «Фан ва тараққиёт» ДМ, DSc.03/2025.27.12.T.02.06. 
Расмий оппонентлар: Туляганова Васила Суннатиллаевна, техника фанлари доктори; Усмонов Хикматилла Лутфиллаевич, техника фанлари доктори, профессор. 
Етакчи ташкилот: Тошкент кимё-технология институти.
Диссертация йўналиши: амалий аҳамиятга молик.
II. Тадқиқотнинг мақсади: кремнезём таркибли чиқиндидан фойдаланиб автоклавсиз қотувчан композицон иссиқ сақловчи материалларни таркибини ва технологиясини ишлаб чиқишдан иборат.
III. Тадқиқотнинг илмий янгилиги:
цемент-микрокремнезём композицион боғлочиси асосида ғовак структурага эга бўлган ва автоклавсиз қотувчи материалларни оптимал таркиблари ишлаб чиқилган;
майда дисперсли тўлдирувчилар ва газ ҳосил қилувчи реагентнинг турли нисбатда ғовак структура ҳосил қилишида компонентларнинг ўзаро таъсири аниқланган;
ғовак материалларнинг структурасини шакллантириш жараёнига технологик омилларнинг таъсири ва олинган иссиқлик изоляцияловчи материалларнинг хусусиятлари асосланган;
цемент-микрокремнезём композицион боғловчиси ва газ ҳосил қилувчи реагент асосида олинган материалларнинг асосий термофизик хусусиятлари аниқланган. 
IV. Тадқиқот натижаларининг жорий қилиниши. Кремнезём таркибли чиқиндидан фойдаланиб автоклавсиз қотувчан композицион иссиқ сақловчи материалларни таркибини ва технологиясини ишлаб чиқишда олинган илмий натижалар асосида:
цемент-микрокремнезём композицион боғловчи ва газ ҳосил қилувчи реагент асосида композицион иссиқлик изоляцион материалларни олиш технологияси «EURASIA GAZ BETON» МЧЖнинг ишлаб чиқариш шароитида амалиётга жорий этилган («Ўзсаноатқурилишматериаллари» уюшмасининг 2025 йил 17 июндаги 02/15-1982-сонли маълумотномаси). Натижада, цемент-микрокремнезём композицион боғловчиси асосида олинган газоблокларнинг автоклавсиз қотиши ҳисобига технологик жараённи 2 марта тезлаштириш имконини берган;
кремнезём таркибли чиқиндидан фойдаланиб автоклавсиз қотувчан композицион иссиқ сақловчи материалларни самарали таркиби «EURASIA GAZ BETON» МЧЖнинг ишлаб чиқариш шароитида амалиётга жорий этилган («Ўзсаноатқурилишматериаллари» уюшмасининг 2025 йил 17 июндаги 02/15-1982-сонли маълумотномаси). Натижада, цемент–микрокремнезём композицион боғловчи материаллар ва газ ҳосил қилувчи реагент асосида олинган ғовак структурали автоклавсиз қотувчи иссиқ сақловчи газоблоклар микрокремнезём қўшиб олинган газоблокларнинг зичлиги Д400 - Д600 кг/м3, сиқилишга бўлган ўртача мустаҳкамлигини 20-35 кг/см2 га ошириш имконини берган.