Жўраев Абдуназар Хатамназаровичнинг

фалсафа докторлик диссертацияси (PhD) ҳимояси ҳақида эълон

I. Умумий маълумотлар.

Диссертация мавзуси, ихтисослик шифри (илмий даража бериладиган фан тармоғи номи): “Испан тилида талабалар коммуникатив малакаларини такомиллаштириш”, 13.00.02–Таълим ва тарбия назарияси ва методикаси (испан тили) (педагогика фанлари).

Диссертация мавзуси рўйхатга олинган рақам: B2017.2.PhD/Ped133.

Диссертация бажарилган муассаса номи: Ўзбекистон давлат жаҳон тиллари университети.

ИК фаолият кўрсатаётган муассаса (муассасалар) номи, ИК рақами: Ўзбекистон давлат жаҳон тиллари университети, DSc.27.06.2017.Ped.27.01.

Илмий маслаҳатчи: Маматов Абди Эшонқулович, филология фанлари доктори, профессор.

Расмий оппонентлар: Юсупова Шохидахон Жалолиддиновна, педагогика фанлари доктори, доцент; Ткачева Анастасия Александровна, филология фанлари номзоди, доцент.

Етакчи ташкилот: Жаҳон иқтисодиёти ва дипломатия университети.

Диссертация йўналиши: назарий ва амалий аҳамиятга молик.

II. Тадқиқотнинг мақсади: испан тилида талабалар коммуникатив малакаларини такомиллаштиришдан иборат.

III. Тадқиқотнинг илмий янгилиги:

испан ва ўзбек тили лексикасининг тушунчалар муносабати асосида тўлиқ ўхшаш, қисман ўхшаш ва бутунлай фарқ қилиш хусусиятлари аниқлаштирилган;

компетенциявий ёндашув асосида фонетик-график, маъно, грамматик шакл, тўғри ишлатиш билан боғлиқ испан тили синонимларининг қийинчиликлар типологияси аниқлаштирилган;

испан ва ўзбек тили синонимларини ўқитишнинг дидактик таъминоти лексик-грамматик таснифлар бўйича ассоциатив алоқа орқали такомиллаштирилган;

талабаларнинг коммуникатив малакаларини такомиллаштириш асосида дидактик, имитацион, мулоқотга асосланувчи, ролли ва проектли ўйинлар бўйича методик таъминоти ишлаб чиқилган.

IV. Тадқиқот натижаларининг жорий қилиниши:

Испан тилида талабалар коммуникатив малакаларини такомиллаштириш бўйича олинган илмий натижалар асосида:

испан ва ўзбек тили лексикасининг тушунчалар муносабати асосида аниқлаштирилган тўлиқ ўхшаш, қисман ўхшаш ва бутунлай фарқ қилиш хусусиятларидан ИТД-1-107 рақамли «Хорижий (француз, немис, испан) тиллар бўйича ўқитувчи кадрлар ва мутахассис-филологлар тайёрлайдиган олий таълим муассасаларида узвийлик ҳамда узлуксизликни таъминловчи, ўзбек реалияларини акс эттирувчи ўқув-услубий мажмуалар ва уларнинг электрон версияларини яратиш» мавзусидаги амалий лойиҳада фойдаланилган (Олий ва ўрта махсус таълим вазирлигининг 2018 йил 30 июндаги 89-03-2444-сон маълумотномаси). Натижа “Español-3” ва “Español-4” дарсликларининг яратилишига хизмат қилган;

компетенциявий ёндашув асосида фонетик-график, маъно, грамматик шакл, тўғри ишлатиш бўйича аниқлаштирилган испан тили синонимларининг қийинчиликлар типологиясидан Республика тил ўргатиш марказида испан тилини ўқитиш курсларида фойдаланилган (Республика тил ўргатиш марказининг 2018 йил 27 июндаги 154-сон маълумотномаси). Натижада “Талабаларнинг испан тилидаги оғзаки нутқини CEFR га асосланиб ривожлантириш машқлари (синонимлар мисолида)” ва “Инновацион ўқитиш методлари CASO PRÁCTICO” ўқув услубий қўлланмалари яратилган;

лексик-грамматик таснифлар бўйича ассоциатив алоқа орқали такомиллаштирилган испан ва ўзбек тили синонимларини ўқитишнинг дидактик таъминотидан туризм соҳасида кадрлар малакасини ошириш ва қайта тайёрлаш Республика марказида 2017 йилнинг 18-28 декабрь кунлари гид таржимонлар малакасини ошириш курсларида фойдаланилган (Олий ва ўрта махсус таълим вазирлигининг 2018 йил 5 июлдаги 89-03-2532-сон маълумотномаси). Натижа туризм индустриясидаги кадрларнинг испан тили коммуникатив малакаларини такомиллаштиришга, гидларнинг лексик заҳираларини бойитишга хизмат қилган;

талабаларнинг коммуникатив малакаларини такомиллаштириш асосида дидактик, имитацион, мулоқотга асосланувчи, ролли ва проектли ўйинлар бўйича ишлаб чиқилган методик таъминотидан чет тилларни ўқитишнинг инновацион методикаларини ривожлантириш республика илмий-амалий марказида испан тили ўқитувчиларини малака ошириш курсларида ўқитиш жараёнида фойдаланилган (Чет тилларни ўқитишнинг инновацион методикаларини ривожлантириш республика илмий-амалий марказининг 2018 йил 26 июндаги 10-05/85-сон маълумотномаси). Натижа тингловчиларнинг испан тилида оғзаки нутқининг такомиллашувига хизмат қилган.