Ismoilov Oxunjon Bahram o‘g‘lining 
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri: “Manfiy tartibli Korteveg-de Friz va modifisirlangan Korteveg-de Friz tenglamalarini teskari spektral masalalar usullari yordamida integrallash”, 01.01.02- Differensial tenglamalar va matematik fizika (fizika-matematika fanlari).
Dissertatsiya mavzusi ro‘yxatga olingan raqam: B2025.4.PhD/FM1055
Ilmiy rahbar: O‘razboev Gayrat O‘razalievich, fizika-matematika fanlari doktori, dotsent.
Dissertatsiya bajarilgan muassasa nomi: O‘zbekiston Respublikasi Fanlar akademiyasi V.I. Romanovskiy nomidagi Matematika instituti Xorazm hududiy bo‘linmasi, Abu Rayhon Beruniy nomidagi Urganch davlat universiteti.
IK faoliyat ko‘rsatayotgan muassasa nomi, IK raqami: Abu Rayhon Beruniy nomidagi Urganch davlat universiteti, PhD.03/30.12.2019.FM.55.01. 
Rasmiy opponentlar: Baltaeva Umida Ismoilovna, fizika-matematika fanlari doktori, professor; Raximov Ilxam Davronbekovich, fizika-matematika fanlari bo‘yicha falsafa doktori(PhD), dotsent.
Yetakchi tashkilot: Mirzo Ulug‘bek nomidagi O‘zbekiston milliy universiteti
Dissertatsiya yo‘nalishi: nazariy ahamiyatga molik.
II. Tadqiqotning maqsadi: 
manfiy tartibli Korteveg-de Friz va modifisirlangan Korteveg-de Friz tenglamalarini teskari spektral masalalar usullari yordamida tez kamayuvchi va davriy funksiyalar sinflarida integrallashdan iborat.
III. Tadqiqotning ilmiy yangiligi:
manfiy tartibli Korteveg-de Friz tenglamasi qo‘yilgan Koshi masalasini tez kamayuvchi funksiyalar sinfida Shturm-Liuvill operatori uchun sochilish nazariyasining teskari masalasini echish usulidan foydalanib integrallanuvchi ekanligi isbotlangan;
moslangan manbali manfiy tartibli Korteveg-de Friz tenglamasi tez kamayuvchi funksiyalar sinfida Shturm-Liuvill operatoriga qo‘yilgan sochilish nazariyasining teskari masalasini echish usulidan foydalanib echilgan
manfiy tartibli yuklangan hadli modifisirlangan Korteveg de Friz tenglamasining integrallanuvchanligi Dirak operatoriga qo‘yilgan teskari spektral masalasini echish usulidan foydalanib davriy funksiyalar sinfida isbotlangan;
manfiy tartibli integral manbali modifisirlangan Korteveg de Friz tenglamasining integrallanuvchanligi Dirak operatoriga qo‘yilgan teskari spektral masalasini echish usulidan foydalanib davriy funksiyalar sinfida isbotlangan;
IV. Tadqiqot natijalarining joriy qilinishi. Dissertatsiyada olingan natijalar quyidagi ilmiy-tadqiqot loyihalarida qo‘llanilgan:
“Manfiy tartibli Korteveg-de Friz va modifiserlangan korteveg-de friz tenglamalarini teskari spektral masalalar usullari yordamida integrallash ” mavzusidagi fizika-matematika fanlari bo‘yicha falsafa doktori (PhD) ilmiy darajasini olish uchun tayyorlagan dissertatsiya ishi natijalaridan Mirzo Ulug‘bek nomidagi O‘zbekiston Milliy universitetida A.Sadullaev rahbarligida 2020-2022 yillarda bajarilgan UT-OT-2020-1 raqamli “Monje-Amper tenglamasi va ekstremal plyurisubgarmonik funksiyalar” mavzusidagi fundamental loyihada foydalanilgan (O‘zbekiston milliy universitetining 2025-yil 28-noyabrdagi ma’lumotnomasi). Jumladan, dissertatsiyada ishlab chiqilgan manfiy tartibli nochiziqli evolyusion tenglalamarni integrallash algoritmi nochiziqli bo‘lgan bir jinsli kompleks Monje-Amper tenglamasini echimlarini aniqlashda qo‘lanilgan.  Ilmiy natijalarning qo‘llanilishi, Kompleks Monje-Amper operatorining spektri jumladan xos qiymat va xos funksiyalarini xususiyatlarini o‘rganish imkonini bergan.
Manfiy tartibli Korteveg-de Friz tenglamasini tez kamayuvchi funksiyalar sinfida integrallash natijasida olingan natijalardan Novosibirsk davlat universitetida 2018-2022 yillarda bajarilgan 18-29-10086 – sonli “Kechikuvchi argumentli va yuqori tartibli differensial tenglamalar sistemasi. Nazariya va tadbiqlar” granti bo‘yicha ishlarni bajarishda foydalanilgan (Novosibirsk davlat universitetining 2025-yil 1-dekabrdagi ma’lumotnomasi). Olingan natijalar kechikuvchi argumentlar va yuqori tartibli differensial tenglamalar sistemasi bilan nochiziqli tenglamalar uchun yangi muammolarni o‘rganish imkonini bergan.