Ибрагимов Абдусаттар Тургуновичнинг

фан доктори (DSc) диссертацияси ҳимояси ҳақида эълон

I. Умумий маълумотлар.

Диссертация мавзуси, ихтисослик шифри (илмий даража бериладиган фан тармоғи номи): «Пойабзал таги учун полимер материалларининг олиниши ва физик-кимёвий хоссалари», 02.00.14–Органик моддалар ва улар асосидаги материаллар технологияси (техника фанлари).

Диссертация мавзуси рўйхатга олинган рақам: В2019.2.DSc/Т267.

Илмий маслаҳатчилар: Рафиков Атҳам Салимович, кимё фанлари доктори, профессор.

Диссертация бажарилган муассаса номи: Тошкент тўқимачилик ва енгил саноат институти.

ИК фаолият кўрсатаётган муассаса (муассасалар) номи, ИК рақами: Тошкент кимё-технология институти, DSc.27.06.2017.Т.04.01.

Расмий оппонентлар: Кодиров Тўлқин Жумаевич, техника фанлари доктори, профессор; Мухамедиев Мухтар Ганиевич кимё фанлари доктори, профессор; Собиров Баҳодир Бойпўлатович техника фанлари доктори, профессор.

Етакчи ташкилот: Тошкент давлат техника университети.

Диссертация йўналиши: назарий ва амалий аҳамиятга молик.

II.Тадқиқотнинг мақсади: маҳаллий хомашёлар асосида пойабзал таги учун полимер композициялар таркиби ва олиш технологиясини яратишдан иборат.

III. Тадқиқотнинг илмий янгилиги:

қуйи зичликдаги полиэтилен-винилацетатнинг пайванд сополимерланиш усули ишлаб чиқилган;

пойабзал таги учун термоэластопласт композициялари изопрен, бутадиен-стирол ва бутадиен-нитрил каучукларнинг бутилметакрилат билан пайванд сополимерлари яратилган;

термоэластопласт пайванд сополимерлар табиати, тузилиши ва таркиб ўзгаришларини композициянинг реологик хоссаларига таъсири аниқланган;

синтез қилинган полиэтилен-винилацетат пайванд сополимерларнинг таркиби, тузилиши билан физик-кимёвий ва термик хоссаларининг боғлиқлиги исботланган;

қуйи зичликдаги полиэтилен билан СКН-26, СКН-40 русумли бутадиен-нитрил каучукини термодинамик мойиллигининг механо-термик режимлари ишлаб чиқилган;

полиэтилен ва бутадиен-нитрил каучуки асосида пойабзал таглигини тайёрлаш учун термоэластопласт композициянинг таркиби ишлаб чиқилган;

термоэластопласт композициялар асосида пойабзал тагини тайёрлаш учун олинган полимер материалларини қайта ишлашнинг босим остида қуйиш ва қайноқ вулканлаш технологик жараёни яратилган.

IV. Тадқиқот натижаларининг жорий қилиниши.

Пойабзал таги учун полимер материалларининг олиниши ва физик-кимёвий хоссалари бўйича олинган илмий натижалар асосида:

пойабзал таглиги ясаш учун ишлатиладиган термопластик полимер композиция олиш усулига Ўзбекистон Республикаси Интеллектуал мулк агентлигининг ихтирога патенти олинган (№ IAP 05503, 2017 й.). Натижада нормал атмосфера босими шароитида синтез қилинадиган термопластлар каби қайта ишланувчан ва эластомерлар сингари эксплуатацион хоссаларга эга бўлган полимер композициялар ва улар асосида пойабзал таг материалини олиш имконини берган;

пойабзал таги учун полимер материалларининг олиниши бўйича ишлаб чиқилган техник шартлар «Ўзстандарт» агентлиги томонидан тасдиқланган (Tsh 26836078-001:2017). Натижада меъёрий ҳужжат пойабзал ишлаб чиқарувчи корхоналар учун импорт ҳисобидан ҳориждан келтирилаётган этиленвинилацетат сополимери ва термоэластопластлар ўрнига акрил ва винил мономерлари асосидаги полимер материалларини ишлатиш имконини берган;

қуйи зичликдаги полиэтилен билан винилацетатнинг пайванд сополимерланиш асосида пойабзал таги учун полимер материалларини олиш технологияси «АMR-FENIKS-PLYUS» МЧЖ корхонасида ишлаб чиқаришга жорий қилинган («OʻZCHARMSANOAT» уюшмасининг 2019 йил 21 февралдаги ФБ-9/370-сон маълумотномаси). Натижада ҳар хил ўлчамдаги ва турли фасондаги пойабзаллар учун синтетик полимер таг материалларини ишлаб чиқариш имконини берган;

термопластик полимер таглик композициялар асосида пойабзал ишлаб чиқариш технологияси «Poyabzalchi» МЧЖда амалиётга жорий этилган («OʻZCHARMSANOAT» уюшмасининг 2019 йил 21 февралдаги ФБ-9/370-сон маълумотномаси). Натижада маҳаллий хомашёлар асосида ҳар хил шароитларда фойдаланиладиган пойабзал маҳсулотларини ишлаб чиқариш имконини берган.